الله يسلمكم انا متعوده على العدسات صارلي سنيييييين و طول عمري ألبس الشهريه و هالايام طالعة طلعة بسالفة النوم بالعدسات لحد ما كليتها
تحذير : ممنوووووع النوم بالعدسات الشهرية منعاً باتاً
صارت فيني حساسية داخل الجفن من الكتمة طول الليل هههههههه و الحين لازم أظل أسبوع على الأقل بدون عدسات لغاية ما أنهي العلاج .. على فكرة انا ما حسيت بشي بس مجرد جفاف عادي و لو ما الدكتورة بمحل النظارات أصرت انها تفحص عيوني و لا أنا خبر خير .. يعني اكتشفت بالصدفة و الحمدلله لحقت على روحي لأن هالنوع – على كلام الدكتورة – يتطور مع الوقت و يزيد
نرجع لمحور حديثنا
انا أعاني من قصر نظر يعني عيوني بالنظارة تطلع صغيرة
قولولي شلون المفروض يكون مكياجي ؟؟؟ عندي أسبوع مليان طلعات و انا أكره النظارة بره البيت فمحتاجة أحد يشجعني ويعطيني أفكار للمكياج اتخلي شكلي حلو
و اللي تلبس عدسات اتروح تفحص .. ترى الفحص مجاني بمحلات النظارات :shy:
اولا قلتيتيني ضحك لما شفت ان الفحص مجاني صح انا معاج بس مو كل المحلات الي فيها كويسين
يعني اتعامل حاليا مع اثنين وفي سيتي سنتر محل ما اذمر اسمه كثير تعاملهم وفحصهم دقيق
يعني انتبهووا اذا مجاني ما يعني انه المحل كوويس :dd:
حبيبتي تشكرين على تحذيرك (f)
انا البس نظارة وما اعرف البس عدسات وعندي على فكرة :dd: ولازم ارووح المحــل
عشان البسهم اسوي طوراي خاصة للاعراس
لذا
انا نظارتي مو قاتمة لونها شفاف لان في عدسات النظارات تحتوي احيانا على الوان كموضة او حماية وتتلون بالشمس
وانا اقولك على شي انا احط اي لون يظهر اللون تمام وعادي
يعني انصحك اي لون تحطيه رووعه بيكون ويكون واضح
مووفقة :shy:
يسلموووو حبيبتي
و الله اليوم مريت محل النظارات قعدت اترجى الدكتورة تكفين خليني البس عدسات هههههههه قالتلي لبسيهم بعد 3 أيام على الأقل و لمدة ساعتين فقط .. أحسن من ولا شي !!!!
بس ياختي ليش حالتج جذي ؟
العدسات سهلة و مع التعود تلبسينهم و انتي مغمضه <<== قوية
النظارة مشكلتي ما احبها و اخليها بس للبيت .. اليوم طلعت فيها حسيت روحي غلللللللط لأن نظري ضعيف فشكلي مو ذاك الزود لما ألبسها .. الحمدلله على كل حال
«•°¤ ..(f).. بِسْـــمِـ الـلّـــهـ الـرّحْمـــنـ الـرّحيـــمـ ..(f).. ¤°•»
.:!:..:!:..:!:..:!:.
حبوبه حطي كحل اوف وايت داخل العين من تحت و من فوق و فوقه طبقه وحده من الكحل الابيض ..
و رسمي عينج على خط الرموش و من الخارج =)
و الماسكرا سويها
هالطريقه بتعطي وسع للعين
…
و طريقه ثانيه اهي :
نفس الطريقه الي مساع بس موتحطين كحل تحت و اكتفي بالايلاينر من فوق بس و ماسكرا ..
و ممكن انج تستخدمين اللون الكحلي لانه يعطي و سع و بياض للعين =)
و بس =)
.:!:..:!:..:!:..:!:.
×.::.(f).::.× مَعَــ حُبـــــِّــي ×.::.(f).::.×
.•°.*(f)*.°•. بَنْتـُــــــ ™ BanTooTa ــــوتـَـهـ .•°.*(f)*.°•.
بس مرات اضطر اني البسها اذا رحت مشوار صغير لاني احاول اريح
عيني من العدسه شوي..
و احط على الجفن المتحرك درجات اللون الي راح البسه بملابسي
مثال" احط وردي فاتح بكسرت عيني و بعده وردي غامق و بالاخير فوشي بس على خفيف
ما اثقل و ادمجهم عدل علشان ما يصير في فرق و تكون الالوان متدرجه..
و احط كحل و ماسكارا ..
و حاولي تسوين شيدق لويهج بالبلاشر بدرجات البني و البيج..
هاي طريقتي حبوبه
وان شاء الله اكون افتدج و باقي البنات اكيد ما بيقصرون وياج..
وعليكم السلام ورحمة الله وبركاته ،
أتمنى هالموضوع يفيدك أختي ،
http://www.3roos.com/forums/showthre…541&highlight=
وإن شاء الله إذا حصلت لوكات بالنظارات بحطهم للإفادة ،
موفقة 
،
(f)
انا احس اني مع الاخت بنوته باللي قالته…
لاني اذكر بالافلام القديمه كانوا البنات شحلوهم يوم يلبسون نظاره ويحطون الكحل من فوق بس اهم شي بطريقه مائلة مثل سعاد حسني شوي
احس بيعطيك كبر للعين…
الله يوفقك حبوبه
عيووون
دايما استخدمي ألوان فاتحة للشدو
لا تستخدمين ألوان غامقة لأنها مع النظارة شكلج بيطلع غلط
كنت أعتقد أنها معاناة شخصية ..
بس طلعوا أمثالي وايد .. 🙁
وتصحيح للمعلومة حتى العدسات الدائمة السنوية ممنوع النوم فيها بتاتاً ..
أنا مثلج بالضبط نظري ضعيف وألبس عدسات ..
وجفوني فيها حساسية من العددسات .. المهم بالبيت ألبس النظارة وبره ألبس العدسات ..
عندي كم نصيحة مت تجربة شخصية .. أتمنى تفيدكم ..
1_ ممنوع النوم بالعدسات اللاصقة لأنها تسوي حساسية ..
2_ ممنوع لبسها أكثر من 10 ساعات باليوم .. لأنه 10 ساعات بروحهم إعدام للعين ..
فحاولوا كثر ما قدرتوا تقللون من لبسها ..
3_ المحافظة على نظافتها .. وترطيبها دايم يالمحلول ..
4 _ بالبيت أستبدلي العدسات بالنظارة الطبية خاصة أمام شاشات التلفزيون والكمبيوتر ..
ولازم تحتوي النظارة على عاكس ..
5_ لمن تعاني من قصر نظر مثلي.. 🙁 في حال اضطريتي للبس النظارة ..
بالنسبة لمكياج العيون .. ابتعدي تماماً عن الألوان الغامجة ( الداكنة ) مثل الأسود وغيره ..
حاولي تحطين الوردي مع تحديد أسود .. وكحل داخل العين مع ماسكار ..
تصيرين جنج دكتورة .. :shy: ويطلع شكلج ناعم وهادي وحلو ..
لأن النظارة تصغر حجم العين .. فإذا حطيتي أسود راح يطلع الشكل مش حلو ..
حاولي يكون حتى البلاشر والحمرة ( الروج ) ذو ألوان هادية ..
علشان يكون الشكل طبيعي من النظارات وهادي وناعم ..
6_ نوع النظارة لازم يكون بدون إطار .. علشان لا يبين وايد أنج لابسة نظارة ..
بالنسبة لي سويت فحص الليزك .. وناوية أسويها .. لأني تعبت من النظارة
والعدسات وايد .. ولله ألف الحمد والشكر على نعمة النظر ..
وبس ..
أعتذر على الاطالة ..
أتمنى اكون أفدتج بشي ..
وإذا عندج سؤال بهالخصوص .. أتمنى ما تترددين بطرحه ..
لأن عندي خبرة بقصر النظر .. :gum:
أما بالنسبة للنظارة استخدمها يومياً وحتى بطلعاتي وبعض المناسبات العادية، ومكياجي عادي وأكثر الكحل والشدو بأي لون مع تدرجاته الفاتحة ، بس أنا نوعية نظارتي عادية ماتصغر العين :shy: وبدون اطار ، بس مع هذا التزم بألوان الشدو الفاتحة شوي ،،،
بس أحب انبهك لشغلة أكيد تعرفينها وهي انك ماتحطين رموش لانها تضايق وتوصل لعدسة النظارة (n) ،،،
واتمنى اكون قدمت شي يفيدك اختي ، ولك اجمل تحية ،،،