والله اكتب لكم وانا كلي غصة … :angry:
مشكلتي عوووووووووووووودة ويا شي اسمه بودرة …:sad:
كنت استعمل بودرة ميك اب فو ايفر … وكنت مرتاحة نوعاً ما فيها … لكن القهر في رمضان الي طاف …
رحت اشتري بودرة ولقيت انه ميك اب فور ايفر مغيرين في البودرة ومصغرينها واااااايد :angry:
انقهـــرت…
قلت يالله هيه فرصه واجرب بودره جيرلان .. وبما انه الكل يمدحها سرت شريت البودرة رقمها 543 beige naturel ونسيت اقولكم انا لوني حنطي وبشرتي عاديه …
وماحسيتها مناسبه 100% لكن تمشي الحال ..
ويات الصاعقه.. من اسبوع .. طاحت البودرة من التسريحه وعليها العوض .. بفضل ريلي العزيز…
تغصصت هههههه البودرة غاليه .. وقلت ماعليه بغير الدرجة هالمره
وسرت البارحه شريت لون اغمق احسه بوايد رقمها 563 beige moyen وحسيتها تغطي العيوب بس لكن ما تفتح ..
وبصراحه في الحالتين احس انه لوني يطلع رصاصي اغبر ماعرف كيف 🙁 وماعرف شو اسوي ولا ارتحت للأنواع الثانيه نفس لانكوم ..
مادري بشرتي انا الخربانه وهيه خربانه بعد واللا البورده … ماعرف شو اسوي في البودره الحين حد يباها ؟؟ هههههههههههههههه نظيفه استعملتها مرة وحده هههههههه مالت علي.. والله مقهورة
دلوني شسوي بويهي وبالبودره ؟؟
والنوع ايلي بترتاحي عليه استمري عليه لانه من ماركة للثانية الدرجات بتختلف
واذا كانت البودرة فاتحة حطي كريم اساس اغمق واذا البودرة غامقة خلي الاساس افتح وبصير تعادل في اللون وما بتغير لونك
وافضل شيء تحطي البودرة الحرة ( loose powder ) باستخدام الفرشاة وتكون من ايلي ما فيها لون ( شفافة ) هاذي احسن شيء مهما كانت الماركة وتخلي الوجه صافي وطبيعي وما تغيير اللون
المشكله الوحيده فقط في اختيار اللون المناسب والبودره المناسبه لبشرتج
بالنسبه للون ممكن انج تجربينها على يدج مع ان اغلب الاحيان يطلع اللون مختلف عن الوجه
ممكن لو حصلت لج الفرصه انج تحطينها على ويهج فالمحل وتشوفين لونها
في كذا ماركه حلوه للبودره بس يعتمد على استخدامج
يعني لو تبين للاستعمال اليومي لا تحطين جيرلان لانها ثقيله شوي
ممكن تجربين ماركات ثانيه
مثل كانيبو وفي بودره محد تكلم عنها وايد بس ترى وايد اوكيه وطبيعيه
بودره لوريال
انتي لفي عالمحلات وشوفي لاتاخذين على كلام وحده لان يمكن يناسب وحده وما يناسبج
لو انج ابتلشتي ببودره ممكن تعدلين الوضع باساس بدرجه افتح او اغمق او بنفس لون البشره
انا اجرب هالحركه لو حسيت ان البودره مو اوكيه
تحياتي لج
وعندك كانيبو عجيبه لكنها حق سهرات وفل ميكب واسمها كرميل
وعندك ماكس فاكتر اخذي رقم 1 ادري بتقولين فاتحه على لوني لكنها كثير بتناسبك
وعندك بوبي بروان الكل يمدحها وانا بعد ودي استخدمها
وعندك لانكوم استخدمي رقم 35 بس عيبها شوي تسمر ومع كثرة الاستعمال من شهر لشهر تحسي وجه تعب منها
وحبيبتي اذا خذتي بودرة وطلعت غامقه حطي فوقها برشوش خفيفه بودرة فاتحه جدا على وجهك وبيختلط لونين ويطلع يجنن
مرة خذت لون شو اقوللك طلعت اخرع كان وجهي طالع من تنور اسمرررررر وحسافه غاليه فشو عملت اخذت بودرة عندي كنت محتاسه فيها لونها مرررررة بياض ماتصلحلي فدمجت لون بياض فوقها وطلع يجنن الكل يسئلني بشغل شو هاي البودرة طلع نفس لون وجهي
على فكرة هو بتعود
المشكله مب في بشرتج الغلا.. المشكله في اختيار للبودره
المفروض كنتي تجربين كذا نوع من البودرات يعني مب لازم جيرلان.. او كنتي تسإلين البنات
بالمنتدى قبل لا تروحين تشترين..ع الاقل علشان ما تتحسفين على الاشياء الي شريتيها
و بالنسبه لي احسن بودره استخدمتها استوديو فكس من ماك و بودرة كانيبو
و لج حرية الاختيار حبيبتي..
أنا لما سرت عند ماك اليوم دخلتني الخبيرة في غرفة خاصة وجربتلي الفاونديشن اللي ابيه واهيا اللي اختارتلي الفاونديشن اللي يليق بويهي واختارته طبيعي مرررررة وعلى لون بشرتي تماما
حتى الكونسيلر
يعني افضل روحي لماك هناك يساعدونج في اختيار المناسب لج
انا خذت
FOUNDATION STUDIO FIX
طغطيته جيدة مناسب للصبح حتى لليل لو كنتي تبين تظهرين طبيعية
صورته في الموقع
http://go.3roos.com/465mG3UxQhC
وهذا المصحح او الكونسيلر
STUDIO TOUCH-UP STICK
تغطيته وسط
http://go.3roos.com/TrGwpWrENgO
وخذي مثبتات وكريمات حماية قبل المكياج من عندهم بعد الها فايدة ولو سرتيلهم مابيقصرون وياج
:gum: :gum: :gum:
السلام عليكم ورحمة الله وبركاته
الغاليه الحل سهل.. سوي مثلي لاني شريت من جيرلان ولونه برونزي وطلعني سمره شوي اول ما استخدمته..
فقمت استخدم كريم اساس فاتح بدرجتين وهي المفروض تكون درجه.. خذي افتح بدرجتين وعقب وزعي بودره المنثوره تحت العين والجبهه والخد وتكون لونها فاتح بعد.. وعقب وزي البودره الي انتي شارتنه على كامل الوجه وشوفي لونج كيف بيصير.. ولا تنسين آخر شي وزعي بودرة الخدود..
ممكن تحطنيها للوك البرونزي ,
أو ممكن تستخديمنها في الشيدننغ ,,
وفيه حل ممكن أعرضه عليج مع إني ما أفضله لكن لج الخيار ,
ممكن تطحنين البودرة في علبة نظيفة ومعقمة وتخلطينها مع بودرة أفتح بدرجتين أو ثلاث
حتى توصلين للدرجة اللي تبنيها ,, ولما تخلطينها تحطينها بفرشاة كبيرة ,
لأن البودرة صعب تنخلط إلى بهذه الطريقة ,,
لأنج حتى لو حطيتي كريم أساس فاتح وحطيتي هالبودرة راح تعطيج لون غامج أو شكل مصطنع ,
عمماً جربي أحد الحلول اللي حطيتها لج ويا رب تستفيدين منها وما تروح عليج ,
ومرة ثانية جربي الدرجة قبل لا تشترينها 
,,,