مرحبا بنات
حبيت اسألكم عن البلاشر.. بصراحه شريت من ماركات واااااايد بس احسه مايضبط معي 
يعني إذا حطيت كريم الأساس وجيت احط البلاشر احسه مايمشي معي بسهوله << اتمنى فهمتو علي يعني مااقدر احركه زييين وانثره على الخد (المكان اللي ابيه)
عشان جذي ياليت تقولولي افضل ماركة بلاشر استخدمتوها واهم شي فيها الوان حلوه
أنا شريت علبه فيها اربعه الوان حلوه اعجبتني بس مدري من اي ماركه المهم انا حبيت شكلها وبعلبه وحده << تخدعها المظاهر :shy: عشان جذي شريتها وتوهقت فـ قلت مراح اتهور واشتري بلاشر ثاني لييين استشيركم…
وكلي أمل انكم تفيدوووووني :salam:
جربي بلاشرات كريولان ونارس روعه
و عنهم الوان و درجات وايده
و انصحج بعد تجربين بلشرلت نارس
بعد روعه
واذااستخدمتية راح تدعيلي (((( بلشر من ماركة لانكستر))))))))))))))
اولا راح اجاوبك على القسم الاول من سؤالك وهو
حبيت اسألكم عن البلاشر.. بصراحه شريت من ماركات واااااايد بس احسه مايضبط معي يعني إذا حطيت كريم الأساس وجيت احط البلاشر احسه مايمشي معي بسهوله << اتمنى فهمتو علي يعني مااقدر احركه زييين وانثره على الخد (المكان اللي ابيه)
البلاشر لازم تحطيه فوق البودره مب فوق كريم الاساس مثل ما انتي ذكرتي في سؤالك
بمعنى انه اخر خطوه بالمكياج تحطيها بعد ما تحطي الاساس والكونسيلر ومكياج العيون تحطي البودره وبعدها تبتدي تحطي البلاشر عشان يسهل وضعه على الوجه حيث انه الوجه بيكون ناعم بعد وضع البودره .
وايضا لازم وتحاسبي لنوعيه الفرشاه الي تناسب وضع البلاشر يعني ماتروحين تحطينه بأي فرشاه ويفضل ان تكون الفرشاه ناعمه حتى يضبط معك.
شي ثالث بعد ماتاخذي من البلاشر بواسطه الفرشاه حاولي تنفخي عليها نفخه بسيطه حتى تروح منها الكميه الزائده من اللوان بعدها ابتدي حطي اللون على خدودك.
جربي هذه الطريقه على البلاشرات الي عندك وان مانفعت بعدها قرري انك تشترين غيرها ان كانت ماركتها مب حلوه .
يعني اهم شي في البلاشر انه يكون لونه حلو ويسهل توزيعه بغض النظر عن الماركه .:shy:
القسم الثاني من سؤالك
عشان جذي ياليت تقولولي افضل ماركة بلاشر استخدمتوها واهم شي فيها الوان حلوه
أنا شريت علبه فيها اربعه الوان حلوه اعجبتني بس مدري من اي ماركه المهم انا حبيت شكلها وبعلبه وحده << تخدعها المظاهر عشان جذي شريتها وتوهقت فـ قلت مراح اتهور واشتري بلاشر ثاني لييين استشيركم…
اما عن افضل ماركات البلاشرات الي جربتها :
جيرلان , نارس , هلينا روبنشتاين HR , بنفت , استلودر , روشاس .
ايضا عندك الباليت من ماركه مكياجي يجي ب8 الوان وحلوووووو وايد بس اهم شي لا تستخدمينه بالفرش الي معاه استخدميه بفرشاه بلاشر تكون اكبر .
اتمنى اكون افدتك
عاشقه الدوحه :gum:
قبل الاجابة على سؤالج..
اول شئ أبارك لزميلتي الغالية عاشقة الدوحة على مقاسمتها لي الاشراف على ركن المكياج والعطور :clap:
الف مبروووووووووووووووك
ثانيا بالنسبة للبلاشر:
وانا مع اختي عاشقة الدوحة لازم ما تحطين البلاشر فوق الكريم الاساس!!! اكيد عندج وايد ماركات عزيزتي: انتي عليج تشوفي الالوان اللي تناسب بشرتج، وعلى الوان مكياجج ، طبعا البلاشر عدة الوان
انا بخبرج اللي معاي والانواع الافضل منها
تفضلي
عندج من شانيل وايد روووووووعة بامانة وانا احيانا اسويها شدو خفيف على عيني ..وتضبط معاي
عندج من لانكوم بعد الوان حلوة هذا منه
عندج بعد ماركات من مكياجي/ اليزابيث آردن والله بعد روعة وايد الوانه حلوة
وعليكم ا لسلام ورحمة الله وبركاته
هلا فيج أختي رجـاوي
وما شا الله عليج يا عاشقه الدوحه ما قصرتي بطريقة الشرح :shy:
أحلى بلاشرات!!
عندج Benefit و MAC حلويييين
Nars اذا هالماركه متوافره عندكم لا اتفوتييييينهااااااا :shy: