مساء – صباح الخير ..
كيفكم حبايب قلبي ؟؟(a)
اليوم راح نتكلم عن كم لوك في البيت .. يعني اللوك البسيط ..
و بشرح لكم لوكي انا في بيتي .. 
راح اتكلم عن 3 لوكات بطريقة مختصرة ..
طبعاً في البداية احب اقول انه الصور اللوكات النهائية من الاخت الغالية وحيدة كالقمر
في موضوعها ( آي شدو خيال مع وحيدة وبس الجزء الاول)
http://forums.3roos.com/t434012.html
و لا تنسون .. إذا استاهل التقييم قيموني .. لاني بجد تعبت في هالموضوع وايد وايد ..
ملاحظة : ما احلل اي وحدة تنقل الموضوع سواء بذكر المصدر او عدمه .. للاسف والله شفت مواضيعي في مدونة ثانية و اغلبها مواضيع شخصية ينسوبنها لنفسهم !!! ما ابي ادعي على إلي تنقل الموضوع .. بس ما راح احلل يوم القيامة …(n)
نبدأ بسم الله ..
اول شي نجهز البشرة .. الحين صرت استخدم غسول همالايا يومياً .. مع كريم لتجديد البشرة مرتين في الاسبوع .. احطه على وجهي و رقبتي و اتركه خمس دقايق بعدين امسحه بقطنة فيها موية ..
و بعدين احط كريم من جونسن اند جونسن ..
و بما ان لوك بيتوتي :tongue: ما احب اكثر .. مجرد كونسلير و بودرة خفيفة على كامل ويهي و رقبتي ..
بعدين احط لمعة سليفر خفيفة تحت الحاجب..هي بس تعطيني لمعة خفيفة مو لون
و نجي الحين للاي شدو النقطة المهمة .. انا استخدم هذا الباليت الخفيف من لانكوم ..
الوانه هادية و حقت بيت ..(a)
في البداية راح اخذ اللون رقم 1 و احط على جفني الثابت و قليل من المتحرك ..
تقريباً ثلث ارباع الجفن .. و اترك الربع إلي في الزاوية الخارجية للعين .. و بعدين
احط بعد تحت رموشي السفلية من نفس المكان ( ثلث ارباع الجفن من الزاوية الداخلية )
خط نحيف ..
و بعدين اجيب اللون رقم 2و اكلم ربع الجفن إلي باقي .. و ادمجهم مرررة كويس ..
و بعد احط بنفس طريقة اللون السابق .. تحت الرموش السفلية .. و احاول ادمجهم
عشان ما تصير عند خط فاصل بين اللونين ..
و لا ننسى ندمجه بعد مع اضاءة تحت الحاجب بعد
و بعدين اجيب الكحل الكريمي ..مع فرشاته ..
و ارسم عيني من فوق فقط ..
وبعدين احط المسكرة ..
و لا ننسى الحواجب ..تعطي مظهر جميل ..
كذا بيطلع اللوك النهائي للعين ..
و بعدين احط بلشر برونز ..
و احب احط فوقه هذا البلشر الفاتح بعد ..
و آخر شي طبعاً الروج او القلوس مع المحدد ..
و هذا فستان بسيط البسه مع هاللوك البسيط 😉 ..
بليززز حبيباتي ارجو عدم الرد.. إلى ما اكمل باقي اللوكات ..
نرجع للوك الثاني ..
نفس إلي قبل ننظف البشرة .. و نحط الكونسلير و البودرة .. او على حسب طريقتك 
و بعدين لمعة تحت الحاجب خفيفة جداً..
و بعدين اخذ اللون الزهري ( الوردي ) .. و احط على كامل الجفن ..
اللون طالع هينا مرة غامق بس هو فااااتح(a)
و بعدين اجيب الاي شدو الاسود
و احطه على الجفن من جهة زاوية العين الخارجية .. احط شوي ما اكثر ..
و اهم شي الدمج .. الدمج .. الدمج
و بعدين اكحل عيوني من فوق و من الداخل ..
و احط المسكرا ..
و كذا شكل اللوك النهائي للعين ..
و البلشر الوردي ..
و لا ننسى الحواجب ..
بعدين حطيت هالروج من ماك .. لونه اورنج على بنك .. مرة خطييير
بس الصورة ظالمته حيل 
و لبست هاللبس .. شورت اسود .. و توب ملون فوشي و اورنج و كل شي :tongue:
و طبعاً هاللبس للزوج و بس
باقي اللوك الاخير .. ارجوا عدم الرد إلا لما اخلص
يعطيج العافية
عدناااااااااااا :tongue: للوك الثالث و الاخير .. و هو ابسط شي ..
يعني حق الاوقات إلي مالي خلق فيها :tongue:
بعد ما نجهز البشرة و نحط الكونسلير و البودرة ..
نحط اللمعة تحت الحاجب … و ممكن نستغني عنها ..
بس انا احبها الصراحة .. تعطي لوك حلو للعين حتى لو مو حاطها وايد اي شدو ..
بس لمعة حفيفة ..
و بعدين احط هاللون من الاي شدو على كل الجفن ..و تحت رموشي السفلية
بس مرررة نحييييييييييف .. بس يعطي شكل حلووو ..
و بعدين اكحل عيوني من فوق و من داخل .. و مرات بس من فوق
و بعدين احط المسكرا ( مرة مهمة عندي) (a)
و بعدين البسي عدسات لونهم بني فاتح او عسلي .. صج بتطلعين روووووووووووعه
وكذا الشكل النهائي ..
بس شوي هينا اللون اغمق انا لوني افتح
بعدين بعد البلشر ..
الروج الاحمر مع المحدد ..
تبع ديور مرررة خطييييييير و لونه ثابت حيل حتى لو اكلت ..:15:
و احب احط فوقه الروج .. قلوس احمر من ريمييل .. صج رووووووووعه احسه ينفخ شفايفي 😮
و يعطي لمعة حلووه .. خصوصاً اني مو حاطة ميك اب وايد ..
و لبست هالفستان القطن البسيط من 21 ..
في الاخير احب اقول لكل المتزوجات .. دلعي و اكشخي لزوجك حتى لو ما يحب الميك اب ..
لانه بيشوفك تطلعين عزايم و حفلات و حاطة ميك اب ما شاء الله و بالبيت تحطين كحلة من داخل و بلشر ؟!! .. خصوصاً الحين مع الممثلات و المطربات و اشكالهم الحلوه .. صار الرجال يشوف مو زي اول ما يشوف غير حرمته :tongue: .. بس ما اقول نبالغ بالميك اب .. فيه شي بسيط مثل اللوك الاخير .. و فيه شي ممكن يكون كثير شوي حق السهرات و الويك اند وكذا 😉 ..
بس حطي في بالك دايم لازم تطلعين حلوه قدام زوجك :15: عسى ربي يخلي ايامك كلها حلوه و سعيدة .. و البنوتات بعد ما انساهم عسى ربي يوفقهم و يرزقهم ولد الحلال إلي يسعدهم و يهنيهم .. (a)(a)
حبيباتي .. من يشوفوني استحق التقييم لا يحرمني منه .. لاني بجد تعبت صارلي ساعه بالضبط و انا اكتب الموضوع .. (f)(f) بس كل شي لعيوووون عروووووس يهون ..
جميع الحقوق محفوظة لعروس و بس (a)
ابدعتي عن جددد
اللوكاااات رووووووووعه من قلب
يعطيك الف عااافية يالغلا
وتسلم ايدك على المجهووود المميز
موضوعك مررره رائع ومفيد
يعطيكي العااافيه ع مجهودك الجميل
ااااااكيد يالغلا على هذا المجهود تستحقي احلئ تقييييم
سلمك ربي من كل شر