تذكرون اللوك الناعم اللي نزلته من فترة .. اللي ما شافت الموضوع قبل هاي الصورة
.. انا سويت اللوكين في نفس اليوم بس نزلت اللوك الناعم والحين دور الأصفريكا – عشق ابدي للأصفر-
ما تنلام الوصلاوية – :bigsmile:
قبل ما ابدى عندي ملاحظات: بالنسبه للبشرة كل وحده لها ستايل مختلف تهيئ فيه بشرتها و كل وحده تختلف عن الثانيه في وضع الاساس و البودرة
اللي ابا اوصل له ان مش لازم تكون طريقتي هيه اللي تستخدمينها و مب شرط نفس الادوات
نفس الموضوع بالنسبه لدرجات الالوان و نوع الماركه.. استخدمي المتوفر عندج واللماركه اللي تفضلينها واللي انتي رتاحين لها و حتى لو ما حبيتي الالوان الي انا مستخدمتنهم انا استخدمي اللي متعوده عليهم و الدرجات اللي انتي تحبينهم
اول شي نبدا بادوات الوجه موضحين في الصورة بالارقام
رقم 1 الفكس+
2 كريم مرطب وواقي عن الشمس ينحط عقب ما ترشين ويهج ب الفكس و عقب ما يجف
3 كريم اساس
4 بودره خفيفه
5 بودرة حرة – تحت العين عشان بستخدم اللون الاسود ف بحطه عشان اي شادو منثور ينزل تحت العين ينمسح بسهوله وما يترك اثر
6 للكونتور
=========
الفرش اللي بستخدم منهم مش شرط كلهم بس دايما جهزي كمن وحده احتياط – سبحان الله يمكن تغيرين رايج و تزيدين شي او تنقصين خطوة
انا ما بكتب ارقام عشان كل وحده تستخدم فرشاة شبيهه لهم من ماركه ثانيه اعتقد واضحين في الصور
=========
الماسكارا: استخدمي الي انتي مرتاحه لها انا ما كنت اشتري ماسكارا من ماك بس على مدح الحرمه خذت هاي و بصراحه ما تتفوت
=========
للشفايف
مرطب و روج و قلوس
استخدمي اي مرطب و عادي لو كان شفاف اهم شي انه يرطب لج شفايفج و يهيئهم للروج
الروج hey, sailor
القلوس party mate
=========
البيجمنتس والشادو و الهايلايت والبيس والحواجب – العده- خخخخ
=========
اللوك الصراحه وايد عيبني -شفته في يوتيوب-
طبعا المرة هاي انا ما لبست عدسات
اول شي نرش الفكس+ رقم 1 في الصورة على كامل الوجه و نترياه لين يجف
وبعدين نوزع كميه لا باس بها على الوجه من كريم الترطيب والوقايه رقم2
والحين نوزع الفاونديشن بالفرشاه رقم 7 و بالكبوكي اول فرشاه على اليسار نوزع البودره رقم 4 نحتاج رقم 5 تحت العين عشان البيجمنت لو تنثر نخوزه بسهوله
الحين حبوبات نحط المرطب على الشفايف عشان يوم نخلص من اللوك و نوصل للروج تكون الشفايف مرطبه و مهيئه للروج.
=========
الحين نبدا بالشادو والبيجمنت
اول شي نحط من البرايمر رقم8 و نوزعه على جفن العين urban decay primer potion
ناخذ الديورلاين رقم 9 و نقطر في غطا البيجمنت الاصفر رقم4 و نخلطه لين ما يتكون عندج شادو مائي و توزعينه على جفن العين – لا ترفعين اللون فوق .. الحين و بالفرشاه رقم 6 بعد ما تنظفينها استعملي البيجمنت الذهبي رقم 6 على زاوية العين الداخليه بس
الحين بالفرشاة رقم 2 ناخذ من شادو كربون من ماك كميه بسيطه و نحطها على زاويه العين الخارجيه – الافضل تبدين بكميه بسيطه من اللون و تغمجينه شوي شوي – لان لو اي غلطه تراها لا تغتفر خخخخخخ و ارفعيه شوي لفوق ووزعيه بخفه لين ما تسوين شكل قوس خفيف او شكل >
الحين ادمجي الألوان كلها بالفرشاة رقم 5
بالفرشاه رقم 5 -بعد ما تنظفينها طبعا- حطي شادو رقم 10 من انجلوت على عظمه الحاجب وادمجي
حطي الماسكارا و جحال اسود رقم 1
و اسمي عينج بالايلاينر رقم 7 black track او رقم 2 من برجوا اللي ترتاحين له
ارسمي ورتبي حواجبج رقم 3
حطي الماسكارا و جحال اسود
امسحي البودرة المنثورة من تحت العين
البلاش على ذوقج او كونتور بالفرشاة رقم 1 رقمها 169
اخر شي حطي الروج والقلوس رشي الفكس + وخلصنا
هذا هوه اللوك + اللوك القبلي
تحياتي
M!$$ BLinG
بصراحة ابداع لا متناهي
تسلم يمناج يا قلبي
حلو اللون الأصفر في المكياج
ايه ده الجمال كله؟؟ عجبتني سالفة أن غلطة الأسود لا تغتفر.. صدقج والله….
يلا ان شاء الله أطبق اللوك عما قريب لأن اللوك صيفي و اللون الأصفريكا رهيب و الله..
مشكوورة على الأبداع و نبا بعد مواضيع حلوة منج.. (x)
الاصفريكا حلو لون الصيف
تسلمين الغلا مرورج اللي يشرفني
حلاوة المر
مشكورة حبوبه و صدقج اللون الاصفر حلو في المكياج
حصوصه الخربوطه
فديتج والله مشكورة و انا احاول الصراحه الشرح بالنسبه لي انا صعب خخخخخ
اتمنى اشوف لوك اصفرري من صوبج
فديت إماراتي
ميرسسسسسسسسسسسسسي اوي اوي حبوبه
uae life
مشكورة الغاليه
بالنسبه عندي سؤال شنو الفرق بين الشادو العادي والبيجمنت
لان انا ما عندي الا بيجمنت مال كوليكشن هيذيرت الابيض اللماع حلو لمكياج السهره فعشان جذي ما اعرف شنو الفرق بين الاثنين
الالوان اللي مستخدمته عندي اياها شدو ينفع يصير نفس الشي
تسلمين الغاليه
 |
اقتباس |  |
 |
المشاركة الأساسية كتبها عذب القوافي  |
 |
 |
| عاش الأصفر وعاشت ايامه
يسلمواااا يالغلا |
||
 |
 |
(*)حيث للحياة طعم آخر مع اللون الأصفر(*)
تسلمي
مشكوووووووووووووووورة يا خطيرة انتي 😉
happydays
فديتج والله تسلمين لي اخجلتيني بردج اللي ينقط عسل
بالنسبه للبيجمنت الفرق بينه و بين الشادو ان البيجمنت هوه شادو بودرة بس
و لمعته قويه لكن ما شي فرق بين الاثنين 
اللمعه اللي خذتيها هيه قليتر نعييييييييييم و صدقج رهيبه للحفلات
جربي البيجمنتس انا قبل كنت ما افكر اشتري بيجمنت بس الحين ادمنهم
بنت @السعودية
وااي جان اتستانس مشكورة الغاليه