أطل عليكم بهالموضوع بعد غياب طويل ، وأتمنى يعجبكم والأهم يفيدكم ،
هالموضوع عبارة عن خبرات وتجارب وفوائد مجربة وراح تكون مصورة بإذن الله تعالى ،
طبعا كل هالتجارب اللي راح تنعرض هني راح تكون خاصة بالميك أب بس ،
أما تجارب البشرة راح تكون بركن البشرة ،
ملاحظة :
بما إن الموضوع متجدد والتجارب ما تكون بوقت واحد ، لذلك راح أحط لكم
ارقام الصفحات اللي فيها التجارب المصورة بالتوقيع علشان تروحون للصفحة مباشرة بدون ما تحوسون وتضيعون وسط معمعة الردود ، يا رب تكونون فهمتوا علي ،،
بسم الله نبدي أول تجربة :
.
.
.
صبغ ماك من كوليكشن Black Style
هالصبغين Limited Edition
يمكن ما تحصلونهم الحين ،
عموما ، مو هذا المراد من عرض الصور
المراد اهو إن هالصبغين عبارة عن صبغ لون أسود + جليتر برونزي وجليتر عنابي
تذكرون الجليتر اللي نزل من ضمن كوليكشنات ماك اللي قبل ،،
Reflects Antique Gold
و
Reflects Rust
يتبع
نكمل ،
لو أخذنا هالجليتر وخلطناه مع صبغ لونه أسود راح يعطينا نفس النتيجة ،
وبالعكس يمكن تكون نتيجتنا أحلى 😎
لأننا نقدر نتحكم بكمية الجليتر اللي راح نخلطها مع اللون الأسود
.
.
.
.
طبعاً أنا جربت أخلط الصبغ الأسود مع الجليتر البرونزي ،
وهذه أدواتي اللي استخدمتها ،
صبغ لونه أسود + الجليتر + علبة صغيرة فاضية نحط فيها الجليتر للخلط
[ الصبغ الأسود أخذته ماركة تركية عادية من الهنود ، لأن عندي أسود من شانيل تغمضت أخلطه مع الجليتر ]
نحط الجليتر بالعلبة الصغيرة الفاضية بهالشكل ،
وعقب نبدأ نخلط الصبغ بالجليتر بهالشكل ،
طبعا نكرر العملية لين نوصل للنتيجة اللي نبيها ،
.
.
.
.
وهذه النتيجة اللي طلعت معاي ، وترى الفلاش مو موضح الجليتر عدل ،
و
وهذا الصبغ قبل الجليتر ، لاحظوا الفرق ،،
وكررت نفس العملية مع صبغ عنابي ،
والنتيجة ،
و
،
خبرة :
قبل فترة هبوا بالصبغ ال Matte المطفي بدون لمعة ،
يمكن مو كل الماركات منزلين هالنوعية ، بس ما يمنع إنها انتشرت في الفترة اللي فاتت ،
وخصوصا الألوان الفاتحة ، البيج ، الأبيض ، والألوان الجريبة منها ،
شريت من أنجلوت ثلاث ألوان Matte ،
هذول ،
وهذول أرقامهم للي حابة تشتريهم ،
وقبل فترة عرضتهم في موضوع المشتروات مع ألوان ثانية ،
وهذول من الهنود ، مطفيين ومكتوب عليهم Super matte
بس للأسف مو مطفيين 100% ،
وع فكرة فلورامار ماركة تركية ، وهذول النوعية بالرغم من إنها رخيصة إلا إن اللون قوي ما يحتاج إلى One coat
و
عموما مو هذا موضوعنا ،
اللي قصدته إني لقيت لكم منتج رهيييييييييييييييب ،
جربته وبصراحة النتيجة وااااااااااااااااااااااو ،
هالمنتج تحطينه على أي صبغ أظافر فيه لمعة يخليه Matte وبثواني معدودة ،
هالمنتج من ماركة Essie
واسمه :
Matte about you
سعره 4و900 يعني خمس دنانير ، بس والله رهيب
وبنات الكويت يلاقونه بالجوثن
،
بنات أكمل لكم الموضوع بعدين ،
لأني أعاني من مشكلة في مركز تحميل الصور ،
لي عودة إن شاء الله لإكمال الموضوع " المتجدد " ،،
وتتهنين فيهم
عجبوني مناكير انجلوت
