انا جوازي ان شاء الله قرب
وهشتري الميك اب
عايزه مساعدتكوا اجيب ايه بالظبط المهم في الميك اب كلوا؟؟؟؟
ومن كل حاجه عددها يعني ازود ايه
مستنيه نصايحكوا (f)
:flower::flower::flower::flower::flower::flower::f lower::flower::flower:
الله يتمم لج على خير ان شاء الله
ثانيا ،،
بقولج عن اهم شي في المكياج ،،
الوجه ،،
اخذي البيس
وهو عباره عن مثبت ومهيء للبشره قبل المكياج
واحلى بيس من فور ايفر وشيسيدو
الاسااس السائل (لجميع انواع البشره)
بس اذا بشرتج جافه اخذي اساس يكون فيه ترطيب
واذا دهنيه او مختلطه اخذي اساس خالي من الدهون
واحلى الاسااسات راح تلاقينها عند
جيرلاين ،، كانيبو ،، بوبي براون
وممكن اذا شفتي بماركات ثانيه اساس ناسب بشرتج ليش لاء 
وبودره مضغوطه
وتنحط من غير اسااس
وبعد يعتمد على بشرتج
بس اذا تبين ارشح لج
البودي شوب ،، شانيل البيضا ،، كانيبو
لوس باودر
تنحط حتى تثبت الاساس السائل
واغلب الماركات اللوس باودر عندهم حلو
البلاشر
احلى البلاشرات عند ناارس والبودي شوب
اللمعه (اذا تبين)
متوفره باغلب الماركات
العين ،،
الشدو
انصحج تاخذين باليته فيها مجموعه الوان مع بعض
والحين نهايه السنه يعني اغلب الماركات عندها عروض باليتات شدو
فاستغلي الفرصه
الكحل الجاف
الحين ماك منزل كولكشن الهوليدي
وعندهم علبه فيها مجموعه الوان من الكحل الجاف مع بعض بسعر حلو
الكحل السائل او الكريمي
السائل احلى شي لانكوم
والكريمي بوبي براون وماك
المسكرا
انصحج بكليينك الخضرا
لانها ماتكتل الرموش مثل باقي الماركات
الشفاه ،،
الارواج + المحددات + الغلوسات
الارواج
اغلب الماركات حلوه ارواجهم
المحددات
ريميل محدداتهم حلوه وبسعر احلى وجوووده
الغلوساات
بعد اغلب الماركات غلوساتها حلوه
وان شاء الله ماكون نسيت شي
ثانيا .. ما شا ءالله مس ريم ما خلت شي … كفت و وفت ..
بس نصيحه من أخت تعزج .. لا تكثرين من المكياج لانج بتضطرين تاخذين غيره عقب فتره ..
يعني من كل شي اثنين بيكون أوكي .. الا اذا كنتي من النوع اللي 24 ساعه بمكياج ..
وأنصحج تنوعين بألوان المكياج .. بين غامق و فاتح .. لانج عروس والتغيير حلو …
والاساس بصراحه أفضل انج تاخذين نوع واحد بس لانه كثرته تضر البشره واذا بشرتج مب محتاجه اكتفي بواحد بس لوقت المناسبات والطلعات والسهرات … وأحلى نوع بالنسبالي أساس لانكوم وأساس بدي شوب …
والبلاشر أنا أفضل لانكوم و ماك و فيرساجي ..
والكريمات المرطبه مب شرط تاخذين ماركات … خلج على النوع اللي انتي متعوده عليه وممكن تاخذين اثنين كتجديد من أي ماركه تحبينها ..
ولا تنسين تاخذين جلوسات ثابته … وأحلى شي من فورايفير وماك .. عن تجربه
خاصه في بدايه زواجج بتضطرين كل اشوي تمسحين وتحطين ..هههه فخذي ثابت أريح وأحلى …^___*
وبس باجي النصايح توصت فيها اختنا العزيزه ..
وبالتوفيـــــــــج يا رب ….
على فكره بامكانج تاخذين من البنات اللي يبيعون من منتجات أفون أو فورايفير وغيرها في المنتديات .. أسعارهم حلوه …
مرسيي ليكوا جدا
علي النصايح والافكار
انتوا افدوني كتير بس انا مش بحب الميك اب وجوزي بيحب شكلي من غير ميك اب بس شئ لازم اجيبه طبعا واحط منه ولو حتي خفيف
مرسيي اووي ليكوا
ماشاء الله اختي ريم ماقصرت …
وانا بعد اقولج … مثل ماقالت اختي حبوبه لاتكثرين من المكياج لانج بتظطرين ترمينه وتجددينه …
بالنسبه للأساس يفضل تاخذين ع الاقل واحد للسهرات والمناسبات و واحد يكون عملي
والشدو لاتكثرين منه يعني باليت واحد يحتوي معظم الالوان …
وخذي بعد اقلام كحل ملونه حلوه تطلع ع العيون … احلى الالوان تحصلينها عند ميك اب فور ايفر و بوبا …
وطبعا لاتنسين المنظفات وكريم الترطيب قبل المكياج … عسب تكون بشرتج صافيه وحلوه …
وتلاقينها عند اغلب الماركات
انا ارشج لج جيفينشي
^__^
موفقه
والف الف الف مبروك وعقبال اللي تتمنى وعقبال اللي تقرا اذا ماكانت متزوجه واذا متزوجه عقبال بنتها …ربي يسعدك ويرزقك