ادمجي لونين من الصبغه يطلع اللون جذاب 2024.

السلام عليكم ورحمة الله وبركاته..

عزيزتي اولا حيكي الله في المنتدى.. ثانيا نورتينا ونورتي الركن بطلتج الحلوه..

عزيزتي اول مره اعرف ان يخلط لونين من الاصباغ للحصول على اللون المناسب؟! لا اعتقد بان هذه النظريه صحيحه لان لكل صبغه محتوياتها الخاصه.. الا الهايلايت بعد توزيع لون معين للخصلات تغطينها بالالمنيوم ومن ثم تصبغين باقي الشعر.. حتى لا يتلاشى اللون..

عادة لما اشتري الصبغ قبل الشراء انظر الى العبوه مثلا ماركة ويللا يضعون sample اذا لون الشعر كذا بعد صبغه نتيجته كذا و3 درجات للون الشعر وانتي تحكمين ان كان يناسبك او لا واي لون من الالوان انتي تقتنينها.. وطبعا مش اي حد يقدر يقرر لان المبتدئات يحتاجون الى خبيره او احد ما يعلمهم..

عن نفسي جربت اصبغ في البيت كذا مره والحمدلله اتقنت بعد ما جربت على صديقاتي.. والنتيجه كانت ناجحه.. طبعا كيفية الاستخدام والخطوات كلها تجدينها في العلبه.. وحتى لما تستخدمين المنتج يجب ان تتخلصي من جميع محتويات العلبه..

ومعروف بان الصبغات تؤدي الى الجفاف والتساقط لذا ينصح باهتمام خاص والعنايه المركزه للشعر بعد صبغه..

هذا الذي قدرت افيده لك واي سؤال باذن الله في الخدمه والسموحه على القصور..

وان شاء الله الاعضاء ما بيقصرون معاج..

وشكرا..