انا عضوة يديدة في المنتدى ، و أرجو انكم تساعدوني plz …
والله حدي متوهقه عندي عرس أغز صديقاتي و ما أدري أي صالون أروح … كل اللي أبيه مكياج ناعم و حلو ، و تسريحة راقية .
و انا في الكويت ..
اللي تعرف لا تبخل علي و انشاالله اقدر أفيدكم في مواضيع أخرى 
مشكورين و ما قصرتوا .
امممممممممممم تبين ناااااااااعم وحلو وراقي ,, عندج ,,
نادية الشطي بالسالمية ,,
آلاء دشتي صالونها اسمه آستر بالجابرية ,,
صالون حنان دشتي بس قولي لهم أبي ناعم ,, لأن مكياجهم حيل ثجيل وخصوصاً كريم الأساس ,,
فقولي للي تحط لج الكريم أبي طبيعي ونفس لون البشرة ,,
وعندج منيرة الفرج ,,
صالون جلامور ,,
أتمنى إني أفدتج ,,
هم قالولي عن صالون بيور و الهام الفضالة … بس مادري وين أروح 
بس انا اشوف فالمجلات مكياج عبير الياسين
مكياجها رووووعه
وناااعم
أخواتي مجد ومناري والاخوات ماقصروا والله..
بس أنا الصالون الي أحب التعامل معاه في المناسبات الخاصة وأعراس الاهل …
اهو صالون الجابرية اسمة الجابرية ..
وفي منطقة الجابرة ويم محل الشناكل مال الالعاب ..
واهو بصراحة روعة مكياجهم وموغالي كلها 15 دينار ..
وفي كذا وحدة تحط بس انا انصحج تحطين عند وحدة ينقالها فاطمة مكياجها تووب صراحة…
تقبلي تحياتي ..
تلاقينه بالسالميه و الجهراء
وخيطان جنه ..؟؟ مادرى عن اسعارهم
لكن المكياج حلوو
وبعد عندج لمسه فن بالرقعي ويمكن
لهم بعد في ابو حليفه
أتمنى افدتج ..
يمدحون مكياج تهاما يقولون ناعم بس انا ماعجبني حيل
واذا تبين تسريحه صراحه عن تجربه انصحج بليلى العرادي بس مكياج لا مكياجها مو ذاك الزود
جربتوا تسريحات صالون بيور ؟