اول حاجه عملت الموضوع ده عشان كل البنات تستفيد خصوصا ان في بنات كتير بتسال عن المكواه دي
طبعا بعد ما استخرت ربنا الحمد لله وفقني في شراء مكواة شعر بيبي ليس الحمرا
اسم الموديل بتاعها pro 230 steam اشترتها 525 من ماركتو
المكواه ما شاء الله جميله جدا ونتيجنها هايله علي الشعر وبتقرده كويس اوي يعني بعديها علي الشعر 3 مرات وبس
نوعيه شعري ناعم بس التموجات فيه كتير ودا كان اكتر حاجه مش مخلياني احب شعري بس الحمد لله مع المكواه راحت خالص
طبعا اهم حاجه في المكواه ميزه البخار بيدي الشعر نعومه وكمان بيفرده اسرع
ودي صوره للمكواه
الصوره دي كانت منزلاها ساره افندي بعد اذنها طبعا ( معلش مقدرتش انزل الصور الخاصه بتاعتي عشان الوصله بتاعت الموبايل مش شغاله بس ان شاء الله قريبا هنزلها)
وده الكود بتاعها ده بقا اهم حاجه لانهم في بي تك او ماركتو مش بيتعاملو غير بالكود يعني لو قلتي اسم الموديل ممكن بنسبه كبيره جدا ميعرفوش لكن بيعرفو بالكود
والكود هو st95e
مميزات المكواه كتير اهمها
1-طبعا زي ما قلنا البخار اللي بيفرد الشعر ويدي ملمس ناعم وبتكون عباره عن حزان صغير بتمليه ميه وتركيبه علي المكوه ولما المكوه بتسخن بيطلع البخار
2-خاصيه لايونات اللي بدورها بتدي لمعه حلوه للشعر
3-فيها 5 مستويات حراره من 170 الي 230
4-الصفايح بتاعتها مزوده بكنولوجيا اسمها السول جل دي بتحمي الشعر من اضرار المكواه بنسبه كبيره
5-شاشه ديجتال بتوضح درجات الحراره اللي انتي عايزها
وطبعا زي ما قلتلكم النتيجه مرضيه جدا الحمد لله انا بشغلها علي 180 وشعري كان مفرود لمده 3 ايام لغايه ما غسلته
طبعا بعد المكواه بحط سيرم اوي اي كريم وده بيكمل المظهر بتاع الشعر ويخليه جميل جدا
ملحوظه مهمه
يعتبر عيب في المكواه ان خزان الميه بتاعها صغير جدا يعني اعمل نص شعري وبعدين القيه خلص فبضطر اروحه املاه تاني عشان نص شعري التاني
جاجه كمان كان في معلومه انها بتشتغل علي الشعر المبلول بس مش موجود في الكاتلوج اي حاجه بتوضح كده ومش قايلنها خالص انا عموما بعت لموقع بيبي ليس ولما يردو عليا ابقا اقلكم لاني مش متاكده بصراحه
يارب اكون افدتكم ان شاء الله
و اي استفسار انا تحت امركم
مبروك عليكي يا قمر تتهني بيها يا رب
وتسلم الايادي يارب
تتهنى بيها
ماااظن متوفره بالسعوديه
مشكوره على هالخبريه
مبروك عليكى يا هوبا
تتهنى بيها يارب
سبحان الله وبحمده سبحان الله العظيم
تتهنى بيها ياقمر هى ب525 جنية؟
وبتعمل كيرلى ولالا