حبيت اكتبلكم اسماء صالونات في ابوظبي وشو احسن خدمة عندهم ومنو الشاطرة عندهم (عن تجربة)….
1) صالون سيدتي الجميلة …….. مكياجهم روعة ( حنان بس مب غيرها ) ….. تسريحات وصبغة (خالدة) حف ( وحدة يابانية ما اعرف شو اسمها )
2) صالون باريس غاليري ……..قص وصبغة ( سائدة)
3) بيوتي بالاس……… مكياج ( مريم البكري)
4) صالون عروس الخليج……….. مكياج( غيتا للعرايس، رولا ومشلين ) صبغة ( جمانة)
5) مركز جورية ………… تنظيف بشرة ( سهيلة ) ………..حمام مغربي وحلاوة ( منى)
6) مركز مورغن…………….تنظيف بشرة ( ايمان)
7)صالون الياسات ……… حلاوة وسيشوار ( زينب) ( اسعارهم وايد حلوة)
8) صالون لميس……..تشقير حواجب ( رجاء)
9) صالون فاطمة محمد ……….. حلاوة ( نجمة )
10) صالون صوفيا بيوتي ……….. حف ( حنان)
11) صالون لاروش………. صبغة ( بس ما اعرف شو اسمها اللي تصبغ) ………
امممممممممممم نسيت بعد اذا اتذكرت بكتبلكم بعد ……
المهم الحين بقولكم عن الخدمة في البيت ( يعني اللي ايون البيت )
1)مكياج…. سامية …………….ريم ( تسريحات … دايما تكون مع سامية )
2)مكياج وتسريحة ……مريم الاردنية …….
3)مكياج………دانة
4)مكياج…….منيرة
5) مساج +واكس……..ياسمين
6)صبغة ……..حنان
7)سيشوار….. عارفة(بني ياس+ الشهامة)
اما بالنسبة للحناء.
1)مركز النقوش الجميلة…..(روبي)
2)عوضية
3) ام داليا
4) ام حمادة
5) صفية ونادية
6)اميرة
7) شترا
8) صالون لافام
9) صالون الاشواق
10)صالون عيون المها
11) صالون الاخوات
12) صالون عبير
بصراحة هذا كله عن تجربة والحمد الله اي استفسار انا حاضرة … واتمنى من كل وحدة تكتب الصالونات ولا الخدمات اللي جربتها عشان نستفيد ………. ومشكورات واتمنى مشكاركتي تنال اعجابكم.. والسموحـــــــــــــــــــــــــــــــــــــــــــ ـــــــــــــــــة…
وعليكم السلام ورحمة الله وبركاته ,
دليل مهم وأكيد راح يفيد الكثيرات وخصوصاً بنات بو ظبي ,
ألف شكر لج حبيبتي 
,
ينقل إلى ركن الإستفسارات ,
حبيبتي انا بغيت اعرف عن وحده اتحني حلو وعادي اتيي مناطق ثانيه غير بوظبي جااان اتعرفين حد وشو اسعارها
وتسلمييين
عني مجربه باريس غاليري بالخالديه بس روووووووووووووووعه اسوي كورس العروسه عندهم
عنايه بالجسم والعين والبشره والشعر والاضافر
لافام نقشهم معروف وما يغيرون
وين هذي عوضية؟؟ أم داليا أو أم حماده؟؟ أنا مجربه عند ماريه السودانية…. بس أبا أغير
عندهم صالونات والا ايون البيت؟؟
ربيعتي كانت تصبغ عندها و مرات يطلع وااااو و مرات تبين تصيحين من النتيجه
في وحد في صالون الخليج شغلها حلو بعد.. بس نسيت اسمها بييبه إن شاء الله…
و أنا عندي سؤالين… وين احلى مكياج بس مب للأعراس, شي خفيف اذا عندج عزيمه بسيطه …يعني ما يحتاي شي ثقيل.. بس يكون حلو…
و عن الحنا… منو نقشاتها حلوه بس خفيفه… عادة اتحنى في الشارجه بس مادل مكان عدل في ابوظبي
و اشوف النقشات اللي يسونها ربيعاتي و ما يعيبني شي!!
وخوات زوجي حطو عند رنده وايد حلو مكياجها ما اتوقعته جيه .. لأن بعض البنات ذموها …
بس بالنسبة للتسريحات سوتلي هدى اللي مع لميس مب لين هناك يعني لوعت جبدها لين ما اقتنعت
حتى اللي مع رنده تسريحاتها عادية
اتحنيت عند أم داليا … حلو نقشها ….
حبيت أرفع الموضوع عسب نعرف المزيد
من تجارب بنات بوظبي سواء في مراكز وصوالين التجميل
أو اللي ايون البيت (خدمة منزلية)..
نترياكــم
عن نفسي ومن تجربتي الشخصيه جربت ساميه وريم كان ررروووووعه بمعنى الكلمه وجربت مريم البكري بنقول روعه اللي شافني قالي وااايد حلو بس انا حسيت ان مكياج ساميه احلى . اختي سوت مكياج عند سوزي كان روعه روعه .