اهتمامي بشعري بالصورر . ونتائجه " 2024.

كيفيكم ي صباايااا

عسساكم طيبين

بدخل بالموضوع بسرعه

انا شعري له سالفه طويله .. بس بالمختصر شعري كان مدمور وتعبان ويتساقط وكل هذا بسسب

ناس حااسده حسبي الله ونعم الوكيل بس الحمدالله تعدل حالي واحمد ربي

قولو مششاء الله اللحين شعري كثر بزياده ولاشعره تطيح الحمدالله

وبدا يطول وكل هذا بتعب يعني عانيت الين وصلت لهالنتيجه

واول شيء سويته راجعت دكتورة ,, ونصحتني بالميزوثيرابي وتوكلت على الله واليوم كملت 10 شهور كل شهرين جلسه

بس كثفت الاهتمام شوي ,, والحمدالله لقيت النتيجه واللحين بوريكم كل شيء استخدمه لشعري ومفعوله كيف ..

هذي المجموعه كاامله

بشرح كل شيء لحاله ..

هذي امبولات فيشي ديركوس حلوه وهي لمنع التساقط وانبات الشعر هذي لي 3 شهور استخدمهاا وحيييل النتيجه واضحه الحمدالله

وهذا الشامبوو تبع الامبولات لاني حبيت اشوف النتيجه بسرعه

طبعا استخدمه يوم ورى يوم ومره حلوو بس مشكلته يجفف شوي

وعشان الشامبو يجفف شوي استخدم هذا الفاشكول طبعاااااااااا جناااااااان اتعب وانا اقول حلو

استخدمه مره بالاسبوع بعد الحمام وشعري لسى مبلل احط شوي عليه وبعدين الفه بفوطه انقعها بمويه حااره واحطهاا بسرعه على شعري واتركها 10 دقايق وارجع

اغسل شعري بس والله حتى الاستشوار م استشور مرهه ينعم ويرطب الشعر

هذا لوكويد مطهر ومعقم لفروة الراس م استغني عنه بينظف الفروة وخصوصا انا بعد جلسه الميزوثيرابي الفروه بتتقشر شوي فاحطه مرتين باليوم وكمان بينفع للاكزيميا وهيك

وجيناااا للزيت اللي طول شعري ونبته بعد ونعمه 3 في واحد هذا الزيت استفدت منه من هنا اللس هو الصبار وجوز الهند لي يمكن 3 شهور عاد هذا بستخدمه الين

اوصل للنتيجه المناسبه واتركه مره حلو هذي المره الثانيه اسويه بصراحه لقيت نتيجه منه الله يجزها خير صاحبه موضوعه

اماا البخاااخ هذاا لي يمكن اكثر من 10 شهور ماشيه عليه ومستحيل ابطله في يوم

بناااات هو ينبت الشعر بشكل مو طبيعي بس بالصبر لقيت نتيجه

حتى مره وانا ابخ نزل على جبهتي وتفاجائت بعدين انه نبت لي شعر وللحين ي بنات اشيله معاناه بس ان شاء الله اسوي ليزر وارتاح
بس للاماانه مره ممتااز

اآخر حاجه هذي تركيبه معينه من الدكتورة اللي اراجعها بتنبت الشعر
واستخدمهاا يومياا وماتنباع الا بنفس المركز حق العياده

وبكذاا خلصت موضوعي … طبعا بتقولو كيف تستخدم كل هالاشياء بشعرهاا بس انا مسويه جدول وبعد كل يوم احط علامه على اني استخدمته بالشكل الصحيح

والله ي بنااات النتيجه م بانت الا بعد تعب وصبر يعني تخيلو ليل ونهاار وانا ملزومه بشيء معين بس الحمدالله بالتوكل كل شيء يهوون واليوم مبسوطه بالنتيجه وماراح اوقف اهتمام الا بعد ما ارضى بالنتيجه المنااسبهه ..

وطبعا نزلت هالموضوع بعد مالقيت النتيجه لاني م احب
انزل موضوع مو مجرب
وان شاء الله اذا لقيت نتيجه عالمنتجات اللي استخدمها لبشرتي وجسمي
انزا موضوع خااص فيه

بالنهايه م ابي منكم الا دعوه ربي يتمم علي نعمة شعري

وان ربي يفرج همي وييسر كل اموري الجايه على خيرر

واي استفسار انا تحت امركم

ودي لكم