خواتي انا شعري من اول قبل لا احمل مايطول وايد يعني وين ووين يتغير طوله
وفتره الحمل صار شعري شي مو طبيعي كثير وطويل وروعه ومن غير تقصف ولا تساقط
وبعد الولادة
لالالالالا
شي مو طبيعي والله ساعات تخنقني العبره عليه
صار خفيف
ويطيح شي مو طبيعي بالمره
قالولي طبيعي بعد الولادة يصير جذي
انا مارضعت ولدي
ثانيا الحين بكمل 6 شهور من ولدت
ولحد الحين المشكلة في تزايد
ذاك اليوم مريت الصيديليه عطاني مجموعة حبوب وفيتامينات بس ماخذيتهم اخاف
والا انتوا شرايكم فيدوني
ولكم مني جزيل الشكر
دمتم سالمين
اختكم شريفة
الحين اللي يقرأون الموضوع 15 عرووووسه
ولاوحده ترد علي
اشدعوا
ترى راح ازعل عليكم
يالله ناطرتكم
بسرعة
دمتم سالمين
اختكم شريفة
مرحبا اخت شريفة …… انا مثلج والدة من سبع شهور وما رضعت غير ثلاث شهور ومو وايد …. بس بصراحة عانيت من نفس المشكله … قبل الولادة الشعر على المتون يرفرف ….. نعومه وطول وقوة بس من دخلت الثالث بعد الولاده تفولين عين وصابتني …. تساقط بالهبل وعلى ابسط شي يعني من احط المشط في راسي يطلع نص شعري فيه …. وصرت ما احب اغسله من كثر الجرايم والقتلى من الشعر في الحمام …. ورحت الصيدلي وكان دكتور وقلت له قام عطاني دوا عباره عن كورس حبوب اخذهم يوميا حبتين ولمده ستين يوم انا بصراحه اول ما خذيتهم حسيت بالفرق التساقط قل بس انا ما كنت اداوم عليهم وانقطعت عنهم بس اللي اقدر اقوله لج اني حسيت انهم واااايد فادوني ولو كملتهم يمكن كان توقف نهائيا …. انا انصحج تاخذينهم ولا تخافين بالنهايه هم مجرد مقويات وفيتامينات يعني ان شاء الله ما في ضرر …. واستعملت زيت الجدايل من عبد الصمد القرشي …. بس الخاص بتطويل الشعر ووايد احسه نعم شعري وما يحتاج سشوار …..
اتنمى اكون افدتج من تجربتي ….. والله يوفقج
عفوا اختي صار غلط الكورس لمدة ثلاثين يوم بس
طبيعي الي يحصل معاكي انا لي 8 شهور من ولادتي ونفس المشكله شعري يهر بشكل فظيع وصار خفيف مره
والمصيبه انه شعري طوييييييييييييييييييييييل مره يعني صار طويل وخفيف
بس الحل أولا : شيلي من راسك التفكير فيه لانه مع التفكير والحسره بزيد يطيح اكثر ونفسيتك بتسو اكثر واكثر اعتبريه امر عابر
كلنا نمر فيه مو بس انتي
ثاني شيء: اهتمي في غذاك وفيتامين خاص للشعر يحتوي على الزنك وعملي مساج لفروة الراس بزيت لوز + خروع+ زيت جوز
الهند وزيت عافيه
وبس يا عيوني الله يرد شعورنا لحالها ولا واحسن كمان
طبعا انا مو متزوجة ولاشي بس يقولج فترة الحمال تزيد الهرمونات فيكثف الشعر و يطول بس بعد الولادة يهبط مستوى الهرمونات ويطيح الشعر ونصيحتي روحي الطبيب وتاكدي من دمج وطلبي منه انه يرخصلج مقويا واكلي سبانخ وااااااااايد طازج اوكيك مع جرجير واكلي كبدة وتمر هذي نصيحة والضاعة بعد تطيح الشعر لان اللي تاكلينه تعطينه ولدج في الحليب وانتي ما يبقا لج الا القليل وشربي حلبة وااااايد… وحطي حق شعرج يوميا الزيت اللي ترتاحين عليه مع مساج وتسبحي …بليييييييييييييييييز طيعي كلامي وراح تصيرين كوووول
مشكورين خواتي على النصايح
كل وحده نصيحتها احسن من الثانية
وشورتكم وهداية الله
بجرب وبوكل امري لربي والله يسهل الامور
شكرا لكم
دمتم سالمين
اختكم شريفة