بنات اشحالكم؟؟
ما بطول عليكم .. انا حامل الحينة بالشهر الثاني .. وحااابة اسوي فرد الكيراتين ..
لان قبل الصبغ كان شعري رهييب ونااعم وايد .. بس للاسف الحينة بدون البلسم والكريمات
يتم مفلفل ههه اقصد منكوووش ..
وانا كارهة هالوضع واتمنى شعري يرد نفس اول والله ..
اقدر اسوي فرد وانا حامل ولالا؟؟
وشو رايكم بصالون عمرووو اسوي عندهم؟؟؟؟
لاتخلين نعومه شهر او شهرين
تضر طفلج عمره كله
شو فيها الشعر المفلفل وايد حلو
إذا ولدتي بالسلامه انتقمي من المفلفل وسوي اللي تبين
الله يسعدج يارب
اهوا ما يأثر على الجنين و ممكن تسوينه
بس مرح يفيدك بالعكس رح يعدم شعرك اكثر من الحين
وربي سهلك حملك وولادتك
تحياتي
حبيبتي و انتي حامل لاتفكرين بفرد ..
ولا صبغ ..
لان الشعر أصلا بيكون تعبان من الحمل ..
و بعدها راح يطيح بشكل مو طبيعي ..
استحملي الوضع شوي ميخالف ..
*****
1 – مشاكل الشعر بسبب الحمل و الولاده و الرضاعه
( ملحوظه : اي تغيير يحدث للشعر في فترة الحمل من تساقط – جفاف – خفه … الخ
تعتبر أشياء طبيعيه جدا و ما منها خوف و بمجرد انتهاء فترة الحمل و الرضاعه و الولاده
يرجع كل شي مثل ما كان و لكن هذا ما يعني ان نهمل الشعر )
لا ينصح ابدا بصبغ الشعر او تمليسه بفترة الحمل و الولاده و الرضاعه
في فتره الحمل يكون تاثير الهرمونات ملخبط
و الشعره عموما في فترة حمل او رضاعه او بدونهم تتأثر مع صحة الانسان بصوره كبيره
ولكن الحمل و الرضاعه هم أكثر عاملين يأثران على الشعر .. من بعد فقر الدم
عشان جذي يجب الحرص على الفيتاميانت
و الإهتمام بالغذاء أمر ضروري, و الإكثار من تناول هذه الفيتامينات
(( A + B + E + D + الحديد + اليود ))
*شرب كوبين حليب يوميا..
*أكل السمك 4 مرات اسبوعيا
(( السمك و ليس كل شيء بحري .. لان المأكولات البحريه الأخرى – غير السمك- غنية بالكوليسترول ))
*الأكثار من الخضار الورقيه النيئه..
(( أنصحكم بالبروكلي و السبانخ .. لكن لا تطبخونه كثير لدرجة الذبول .. يفضل أن يكون نيئ ))
*3-7 تمرات يوميا..
*اول ماتخلصين حملك على خير تبدين تاخذين فيتامينات على شان الدم و الصحه ترجع ..
(( خلي الدكتوره توصفهم لك و لا تاخذينهم من كيفج و لا من الصيدلي ))
*احرصي على مشتقات الحليب و الحديد قبل و بعد الولاده و أثناء فترة الرضاعه ..
و ممكن تاخذين حبوب الكالسيوم أو الحديد (( بإذن من الدكتوره ))
يعني بالمختصر المفيد اهتمي (( بالغذاء الصحي المفيد )) جدا جدا ..
مع الابتعاد عن الدهون و السكريات .. حتى ما تنتفخين ..
لأن الغرض هو التغذيه السليمه لبناء الجسم وليس الأكل فقط لملئ المعده ..
*أنصح بعمل مساج للشعر كل 3 ايام لمده ربع ساعه لفروة الرأس في فترة الحمل و بعدها ..
الحرص على الابتعاد عن الشامبوهات و المواد الكيميائيه و مجففات الشعر الساخنه ..
(( أنصحكم بشامبوا الوديرمال بالصبار -يباع في الصيدليات- ))
*يجب على الحامل الابتعاد عن زيت اكليل الجبل لانه مضر لها في فترة الحمل ..
و الابتعاد عن أي زيت غير معروف و عن اي خلطه غير موثوق بها ..
*ممكن استخدام زيت جوز الهند لانه خفيف و له فوايد رائعه .. و لا يضر ..
استفسارات قد تهمك:
شعري بيخلص لحقو علي الله يخليكم
من جد ابي مساعدة هالمرة..انشاء الله الاقي الحل
أم سعيده وحمدان ساعديني بسرعه الله يعطيك العافيه؟؟؟؟
بس كنت عايزة اسأل عن الحنه اللي تفرد الشعر برضه غلط ؟
شيلي فكرة ذا الفرد من راسك
أنا كنت بسويه بس سمعت واحد بالتلفزيون أخصائي سئلته وحده عن ذا الفرد وقال انه مو زين
وغير كذا حرام على البيبي وأهم شي صحته
اعتني بشعرك وانتي حامل بالزيوت وفي خلطات طبيعيه حلوه للشعر تنعمه
واذا ان شالله قمتي بالسلامه وقتها سوي الي تبينه فيه بالكيماوي
وأتمنا ماكنت ثقيله عليك
حرام عليج البيبي 