اتمنى القى الحل عندكم لمشكلة القشرة
انا القشرة زادت عندي بشكل مو طبيعي ومو عارفة السبب…رحت اشرتيت شامبو كلير…بس مافي فايدة احس ان القشرة نوعا ما زادت عندي…..تخيلوا يا بنات…لو حطيت ايدي على شعري من داخل اشوفها ملايانة قشرة 
….شو اسوي عشان اتخلص منها؟؟؟ وبعد شعري كثير كثير يتساقط
السلام عليكم ورحمة الله وبركاته
عزيزتي لكل مشكله حل باذن الله..
1- انصحج باستخدام الحنى كاول خطوه لعلاج القشره واعملي الخلطه واستخدميها مره بالاسبوع.. تاخذين الحنى+ ليمونه وحده+ ملعقه من زيت الزيتون+ ملعقتين من الروب وتخلطينهم وتتركينه الليل وفي النهار تستخدمينه.. توزعينه علشعر وتتركينه فترة ساعه بالقليل ل ساعتين بالكثير ومن ثم تغسلين الشعر..
2- انصحج بشامبو Sulsun Blue ينباع بالسوبرماركات.. ممتاز ورهيب عن تجربتي الشخصيه واستخدمي ذو غطاء أحمر.. ويتم غسل الشعر كل 3 او 4 ايام مره وجربيه باذن الله بينفع..
3- ان كنتي تعانين من القشره فلا تستخدمين اي زيوت او خلطات زيوت لانها تزيد منه..
واستمري على الجدول ومن ثم اخبريني بالنتيجه..؟؟
وشـــــــــــــــكرا
اليوم بروح اشوف هالشامبو وان شاءالله احصله