خواتي وبناتي الغاليات أنصحكن نصيحة لوجه الله والله يعلم أن مالي غاية غير مصلحتكن وعن تجربة شخصية الكيراتين يذبح الشعر أنا شعري مب خشن بس من النوع لي يكش بسرعة خاصة من جدام بس كان عادي لكن البطرة بعيد عنكن قلت ليش ما جرب وخاصة أن لي تشتغل في الصالون أعتبرها شرات أختي وسألتها بيني وبينها قلت لها أكيد مايضر الشعر قالت لاعلاج وكثير سونه ورتاحن قلت يالله بجرب مع إني من النوع لي ماأحب أجرب أي شي بس وثقة في كلامها وجربت بصراحه أول شهر يامحلاه وبعدين أنصدمت الصدمة لي كل ماأتسبح أيلس أصيح في الحمام عزكن الله شعري يتساقط بشكل مب طبيعي ورجعت الصالون وشتكيت لهن وقالن أنتي مخففه في الآكل قلت نعم قالن هذا هو السبب وتميت آكل طبيعي كنت ناوية أسوي رجيم وهونت كله عشان خاطر شعري ومافيه فائدة لي مصبرني أن نوعية شعري زينه ولله الحمد شعري كثيف بس والله خف الحين كثير عن الأول والله خائفة لاأصلع من كثر ماشعري يتساقط قلت لازم أحذركن دخيلكن لاتسون والله أهون كل الوحدة تسشور شعرها من هالمصيبة لي يسمونها كيراتين الله يسامحهم بس
تسلمين يا الغاليه على النصيحه حاولي تهتمي فيه اكثر وانشاء الله بيخف التساقط باالتوفيج حبيبتي
 |
اقتباس |  |
 |
المشاركة الأساسية كتبها um-m7mad  |
 |
 |
| تسلمين يا الغاليه على النصيحه حاولي تهتمي فيه اكثر وانشاء الله بيخف التساقط باالتوفيج حبيبتي | ||
 |
 |
العفو الغالية بس ياليت البنات يأخذن بها النصيحة والله يوفق الجميع
مشكورة عالنصيحه بجد
انا كمان كنت ناويه اعمل تمليس
بس اقتنعت ان كل حاجه بتدخل فطبيعة الشعر بتضره
ماله السشوار 
ربنا يعينا عليه 
شكرا علي النصيحه الجميله
العفو خواتي و الله المستعان سبحان الله دائم الشي لي مب طبيعي مايجي من ورأه غير التعب مثل ماقالت الأخت
الله يعينج والله ..
اتعرفين انا اعرف وحده سوت شرات اللي انتي سويتيه .. اتخيلي هي كان شعرها طويل من سوته هذيج الساعه وهي فالصالون شعرها كله احترق كلللللللللله اتخيلي قصته شرات الرياييل وبغت ترفع عليهم قضيه بس لانها تعرف اللي تشتغل في الصالون ما اشتكت ..
وانا الصراحه كنت ابا اسوي بس عقب ما سمعت البلاوي عن هالشي غيرت رايي
الله يوفقج فديتج
مشكوره اختي ع النصيحه …..
مشكورة على النصيحة
العفو فديتكن بس أنتبهن ترى الوحدة بدون شعر مسكينه الله يسامحهم بس يفكرون كيف يكسبون فلوس وبس ماهمهم الناس ومايهمهم المعاناة لي يسببونهالنا مع أن الصالون لي سويت عندهم صالون كبير ومعروف في الشارجة وله عدت أفرع في كم مدينة في الإمارات بس الطمع مصيبة الله يسامحهم