أول شيء بغيت أرقام حريم يون البيت للحناء والمساج والبدكير المناكيروإذا عندكم بعد مثل هل بوظبي إنه فيه حريم يبيعون أغراض ويمرون البيت بعد أبغي ارقامهم 000
ثاني شيء بغيت أعرف الصالونات الراقيه عندكم والقريبه مني 000
ثالث شيء انا في منطقتي هاي شو أقرب شوبنج لاغراض البيت لي 000
وبغيت أعرف من وين تشترون القطع وين تخيطون المخور والفساتين الرقيقه والتنانير والقمصان يعيني مال طلعة الاهل موب مال حفلات 000 وإذا عندي أشياءيبغي تضبيط وين أحصل هخيايط البسطين 000
بعد فيه سؤال ووووايد مهم كيف أتعرف علي يراني لانهم موب الباب بالباب شويه بعاد مني يعني كم خطوه 000
والله منكن السموحه بس ما أعرف أي حد علشان أسئله تخيلوا كيف بعيش في مكان لا أصدقاء ولا أقرباء 000الحمد لله علي كل حال أنتظركن ولي مالها خلق ترد ألحين ماعليه بعدين ترد مره ثانيه للموضوع وما تنساني ههههههه :shy: مشكووووووورات موب غريبه عليكن الفزعه بالغاليات
بس اللي اعرفه بالنسبة للمراكز عندج مركز بن سوقات قريب عليج و سيتي سنتر
و بالنسبة للفساتين في شارع يسمونه شارع الرقة كله مصممين و خياييط
و ان شالله البنات يفيدونج ابباقي الاسئلة
وحياج الله في دبي ونورتينا…
وانشالله تسااانسين في دبي…
انشالله بحاول افيدج بكل شي…
بخصوص الحنا في وحدة اسمها ((هوما)) اتيج البيت وتحنيج..هاي وايد مطلوووبة ومعروووفة
واستايلها شرات رشنا وفلورا لانها كانت تشتغل وياهم..((واذا تبين الرقم بطرشلج ع الخاص))
وبخصوص البديكير والمانكير في بعد فلبينيات اينج البيت هم خدمتهم خدمة منازل ولكنهم شرات
الصالون بلبسهن واغراااضهم,,وتقريبا نفس سعر الصالون مش اغلى..
ويمكن بعد يعرفن المساج والله ما سالتهن..
وعن حريم اينج البيت ويبيعن مممممم مادري بس نحن نتعامل مع وحده مالت العطور العربية
طبعا عطووورها خبال..كل زباينها الشيخات…
وعن الصالونات القريبه.. اول شي انتي في الورقا يعني كل الاماكن تقريبا بعيده شوية …
مب شرط تروووحين صالونات في ديرة..بامكانج تروحين جميرا وبردبي لانها بعد اقرب لج
من شارع راس الخور دايركت توصلين لين جميرا..
الصالونات البديكير والمانكير
ان بار افرعهم في الغرير وبالم مسترب وابراج الامارات..
وفي عندج صالون رد دور في الحمرية قرب الممزر في سوق الحمرية المركزي
متخصصين في البديكير والمانكير وحمام الزيت..
الحنا عندج فلورا في الحمرية ورشنا في الحمرية وجميرا.. وبعد عندج جراند فلورا في الراشدية
يعني هو برع شوية صالون وسبا حلووو بعد..
واذا تبين شي راااقي وايد.. احسن شي باريس بالاس الي في الستي سنتر..عندهم صالون وسبا
اسمه دي سبا.. وايد راقي وشغلهم نظيف.. حق الفيشل والبديكير والمانكير والقص والصبغ..
وحمام المغربي احلى شي..ونسيت بعد الحواااجب عند سمر فضيعة..
وعندج صالون هيلن شوي برع الضيافه تقص الشعر روووعه..
وعاد هاي لازم اتينها بالموعد ولا يروح عليج…
بخصوص اغراض البيت..
عندج سبينس الي في مردف في اب تاون مول هذا فيه محلات ومطاعم..
وعندج جمعية الاتحاد التعاونية راس الخور الي وين سوق الخضره قريب منج وايد..
وعن القطع في وايد محلات.. لامسي بلازا وين دور الاطفال عندهم قطع حلوه..
وبعد عندج الغرير فوق.. وفي سوق عكاظ ((هذا عاد مابتعرفيله)) لانه وايد تخشيش..
وعن المخاوير انا عن نفسي كل في العين.. وعندج في شارع نايف في البناية البيضا..
وفي واحد في شارع نايف اسمة دانة نايف..حلووو شغله ومرتب وراقي..
وعن تفصيل التنانير والبدل عندج فريج المرر..
وفي واحد انا اتعامل معاه وايد فضيع يسوي كوبي حق الماركات,,
بخبرج عنه بعد…
وبخصوص يرااانج..
طرشي فطاير ولا حلويات مسوووينه في البيت مع الخدامة..
وبتشوووفين المبادره منهم اكيد مابيقصرون…
ونصيحة من اخت.. لاتعرفين على اي حد.. مب تقولين ماعندي حد ومب مشكله بتعرف على ايد حد..
هذا اكبر غلط..خلج ثقيلة مع الكل..ولاتفتحين لهم المجال وبيتج.. يعني خلج محااافظه اكثر يالغالية..
مممممممممممم احس واايد هذربت عليج… المهم اكون فدتج…
واي شي في خاطرج لاتترددين..على طول خبريني والخوات مابيقصرن…
ولج الف تحية..:shy:
خواتي دبي ليدي وقلب الفجيره 00000مشكورات الغاليات علي ردودكن
الدان 000 هذربي ياعمري يعلني لاخلي ولا عدم منج مشكووووووره ياعمري والله كفيتي ووفيتي يعل روحي تفداج والله لج دعوه مني علي صلاه الفير الله ينولج إلي في خاطرج هيه هايلا بنات دبي مع إني شميت ريحت العين هههههههههههه
حبيبتي والله مستحيه منج شو ذوق يكفيني وقتج هذا إلي عطيتني له وكتبتي 00إلحين بغيت منج تطرشين لي علي الخاص كل الارقام واسم الخياط وبعد إلي تبيع العطور 000
وبغيت منج بعد أعرف دكاترت الاطفال الزينين وأحسن مستشفي خاص لو حد مرض لا قدرالله يعني يكون عندهم كل التخصصات وخبريني هم بعاد ولا قراب مني 000
الدان أنا عندي مشكله في الرسايل أستقبل بس ما تتطرش رسايلي ألحين بطرش لج رساله خبريني وصلتج ولا لا 0000000
مشكوووره علي النصايح وإن شاء الله ما بنساها000
باقي البنات لو عندكم شيء ممكن يفيدني لا تترددون تساعدوني لاني يالسه أكتب ملف كامل يساعدني يوم أنتقل عن كل شيء أحتاجه أنا وأولادي 000000
حياج الله يالغالية…
لعيووووووووون الحلوين نفزع لهم…
فديتج اهم شي الدعاااوي لاتقصرين عليه…
بعد لوتدعين لين الله يرزقني بالتوووو ماتقصريين…….. لووووووووول
اموووووووت على التوم اقول يالله ياربي يرزقني بالتوم… ((انشالله))
بخصوص الدكاتره..
احسن اثنين في دبي بالنسبة لي انا وعن تجربة لي ولاهلي..
الدكتور احمد حسن .. هذا في دبي ديرة… تقاااطع المرقبات..قرب الرقة..
الدكتور مسعف .. في بردبي.. شارع الضيااافة…
مشالله عليهم ماعليهم كلام…
دكتور احمد عالجت ولد ختيه عنده من الاكزيما (بسم الله على عيالكم) مشالله وراحت عنه..
مع ان ختيه لفت الدكاتره كلهم وماحد نفعه..(تجربه)
وعن المستشفيات الزينة..
عندج المركز الطبي الجديد (طبعا هذا معروف عندكم في بوظبي)
مكانه في الحمرية البنايات الي جنب ازياء سناء تحته الصيدلية مالتهم..جميع التخصصات
وبعد مستشفى ويلكير قرب القرهود خلق مطعم قصر الهند..جميع التخصصات
ومستشفى زليخة خلف البستان..جميع التخصصات
المستشفى الايراني ((قبل كان وااايد زين … الحين من كثر الضغط.. ممممم ما انصح به))
بس يقولون عندهم اخصائي اطفال باكستاني اسمه ((شبير)) وايد يمدحونه..جميع التخصصات
وطبعا عندج مستشفى الوصل قسم الطوارئ للاطفال بعد زين حق اخر الليل..للاطفال والنساء فقط وهوحكومي
اممممممممممم واذا في شي مر عالبال بذكره لج..
ورسالتج وصلتني…
وحياج الله
والله لاسف انا بعد منتقله إلى دبى …. يايه من بوظبى
طبعا ولا اعرف شى .. بس يالسه اكتشف الدنيا بروحى …
طبعا لو تبين شى في جميرا بس ..اعرف …
ولين اللحين جربت صالون فلورا .. بصراحه كشخه .. والباقى كله اطر اسير بوظبى لين مااتعلم
بس من ناحيه الجيران .. اخ والله للاسف ماقدر اتعرف على حد ..لانى ساكنه عند اهلى ريلى وهم يعرفونهم
يعنى راحت على انا ..
يالسه لا اصدقاء هنى ولا حد اعرفه 