اخباركم حبايبي ان شاء الله بخير
عندي استفسار وانتم اكيد قدها وقدود ان شاء الله
بشرح لكم قصتي
انا قبل سنتين جربت الحناء السوداء اللي تكون صبغه وفرد وندمت شعري كثير مع العلم شعري كيرلي بس جنوني الا ابغى شعر حرير
المهم شعري خلال هالسنتين جدا جدا تعب وانتظرت الين ماطول شعري ونزلت الصبغه تحت
وقصيت شعري وشلت الصبغه والحمدالله راحت الصبغه منه
لكن شعري جد تعب وصار ضعيف
المهم
اللي ابي اسألكم عنه واماااانه يابنات جابوني بصراحه
انا شعري فيه شيب من قدام توي بعز شبابي وشيبت
يلا االشيب ولا العيب على قولة جدتي الله يرحمها خخخخخخ
نصحوني بنات بالكتم
وخايفه اجازف بشعري مره ثانيه واصير قررررعه
امانه يابنات منو جرب الكتم وشنو حسيتو
وكيف طريقته
وشنو احسن نوع
افيدوني عن الكتم بصفه خاصه وعامه انتظركم ع نااااار
وان شاء الله اي وحده تبصم لي هنا وتدلي لي بمعلومات عنه ومجربته اكيد
تستاهل مني دعوه بظهر الغيب
للاول انه قوي على الشعر عندي خالة الله يحفظها تقول والدتي كان شعرهة مضرب المثل بالكثافة واستخدمت كتم وشعرها تساقط بشكل رهيب
السبب الثاني لو حبيتي تغيرين لون شعرك
لازم عند الكوافيرة والشعر ممكن يتضرر
طريقة الكتم هي يعجن بالزبادي ويترك ساعة يتخمر ثم يوضع على شعر تكونين واضعة عليه حناء نفس اليوم وغاسلتة من الحناء ومنشفتة
لو تستعملين حناء تكوني ضربتي عصفورين بحجر واحد
الاول الحناء وفوائدهة الكثيرة للشعر
ثانيا موضة لون الشعر الان هو اللون الحني
يعني بدال الصبغة واضرارهة
الحناء وفوائدهة ولون موضة
اتمنى اكون افدتك اختي
سلامي
أنا مثلك بشعري شيب
والامر وراثي اخوى عمره 14 شعره شيب من قدام ..
فصرت أصبغ والله ..
خذيت فتره على الحنا .. بس يطلع لون الشيب على اورانج وما حبيته ..
تركته اربع شهور ورجعت أصبغ بني ..