الحمد لله 😉
انا كمان طيبة الحمد لله
اليوم جبتلكم موضوع من جهدي الشخصي
يعني بليز لااحد ينسب الموضوع لنفسه اوكي ؟؟؟
يعني دي امانه اسالكم عنها يوم الدين:8884:
بنات الي تعجبها طريقتي وتسويها تدعيلي
انه ربي يوفقني دنيا واخرة ويحققلي الي اتمناه <<<امانة:8884:
ولو نقلتو الموضوع قولو ادعو لصاحبة الموضوع بالتوفيق في الدنيا والاخرة وانه ربنا يحققلها الي تتمناه:8884::21_140:
المهم ندخل في الموضوع :poster_dev:
جبت لكم طريقة الميش بالقصدير يعني الكوفيرات من اليوم راح يتكنسلو :2_22:
الاشياء الي راح تحتاجوها :21_8:
مشط بسن في النهاية زي كدا
اكسجين من الصيدلية او من محلات التجميل
درجات الاكسجين
20% للبني الغامق والدرجات الغامقه (مع العلم انه الاسود حرام وللتبرئة ذمتي)
30% للدرجات المتوسطة يعني زي درجات البني والاحمر
40% للخصل الثلجي وللدرجات الفاتحة والاشقر
الكمية المستخدمة من الاكسجين للصبغة 60 مل من الأكسجين لكل عبوة صبغة واحدة
وطبعا قصدير تقصوه على شكل مربعات او مستطيل على حسب طول الشعر
والصبغات الي انتو تبغوها
يعني ممكن تحطو لون واحد وممكن لونين وممكن 3 الوان يعني الي تبغوه
كمية الصبغة للشعر الطويل والقصير :
الشعر الطويل من 4 إلى 5 عبوات
الشعر المتوسط 3 عبوات
الشعر القصير عبوتين او عبوة
وفرشة لصبغ الشعر تلاقوها في الصيدلية او محلات التجميل
ومساكات عشان تمسكو فيها الخصلات
وسفرة عشان ملابسكم لاتتعدم
وفازلين تحطوه على جبهتكم وعلى الرقبه من الخلف للاحتياط عشان اذا اتسربت الصبغه على برى
دي الاشياء الي انتو تحتاجوها عشان الميش نجي للطريقة:groupwave:
تخلطو اللون الي انتو تبغوه بالاكسجين زي ماكتبت لكم فوق اذا لون غامق 20% واذا فاتح …الخ وبالكمية الي قلتها
بعدين تقسمو الشعر لاربعه اقسام قسم من فوق الراس
(من بداية الجبهه الى منتصف الراس)
وقسم من مؤخرة الراس
(من منتصف الراس الى الرقبه )
وقسمين الي هما جوانب الراس
بعدين نبدا بوضع الصبغة على القسم الاول
( الي هوا من منتصف الراس الى المؤخرة )
زي ماانتو شايفين ناخذ خصلة بالمشط من منتصف الراس
ونحط القصدير من تحتها وبعد ماتحطو الخصلة فوق القصدير
تدهنوها باللون الي انتو تبغوه بالفرشة
(طبعا الشعر من فوق الراس نمسكه بمساكه )
حاولو انكم تبعدو 2 سم ولا 1 سم عن فروة الشعر
عشان لاتعدمو الفروة وبصيلات الشعر
عرض الخصله على كيفكم
ممكن تاخذو خصلة كبيرة وممكن خصلة رفيعه يعني
زي ماانتو تبغو الشكل كيف يكون
بعد ماتدهنو الخصلة تطبقو القصدير على الخصلة بشكل مظبوط
بحيث انه الصبغه ماتتسرب على بقية الشعر
بعدين
تاخذو خصلة زي مافي الصورة
وطبعا الخصله هادي ماراح تصبغوها
وتجيبو المساكه الي قلتلكم عليها وتمسكوها في القصدير الي عملتوه
عشان تسهل لكم صبغ الخصلة الي بعدها
(ماتصبغوها في حالة اذا كنتو بتصبغو بلون واحد اما اذا لونين حتكون الخصلة هادي بلون التاني يعني تجيبو قصدير وتحطوها فوقه وتدهنوا باللون الثاني:poster_dots: )
(طبعا القصدير يكون ملفوف مظبوط بالخصله عشان لاتتسرب الصبغه على باقي الشعر ):poster_vt:
وزي ماانتو شايفين تسوو نفس الطريقه من نصف الراس الى مؤخرة الراس
بدون جوانب الراس ولا فوق الراس
لاتنفجعو ترا هادي مو انسانه حقيقية دي برستيجة 
:poster_kewlpics:
الصورة الي فوق من الجنب عشان توضح لكم اكثر 
دحين نبدا من جوانب الراس
ونعمل نفس الطريقة
وطبعا اذا كنتو صابغين اكثر من لون راح تكون خصلة باللون رقم 1
وخصلة باللون رقم 2
(يعني ماتسيبو خصله مهي مصبوغه يعني الخصلة الي قلت لكم ماتصبغو تصبغوها باللون رقم 2):sa36:
والخصلة الي بعدها باللون رقم 3 او زي ماتبغو انتو الشكل الي يكون…
وتعملو الطريقة هادي اليييييييييين ماتخلصو جوانب الراس:thumbs:
هنا تكونو مخلصين من من جوانب الراس ومابقي الا مقدمة الراس من فوق
بعدين زي ماعملتو الخصلات الي قبل تعملو مقدمة الراس
تقعد الصبغة في الشعر على حسب مو مكتوب في العلبة حق الصبغة او انكم تاخذو خصلة من الخصل الي عملتوها في البداية(الي من منتصف الراس الى مؤخرة الراس)
تفكوها من القصدير وتشوفو طرفها اذا زي الدرجه الي تبغوها ولالا اذا نفس الدرجه الي انتو تبغوها تبداو تفكو الصبغه وتغسلو شعركم اذا لسه ماوصل للون المطلوب تستنو عليها كمان الى ماتوصل للون المطلوب
دا بالنسبة للوقت اما بالنسبة لمن تفكو القصدير لازم تبداو من اول خصلة عملتوها مو تروحو تفكو خصله من فوق الراس ولا من الجوانب اول شي لا طبعا لازم بالترتيب عشان يطلع لون الخصل نفس الدرجه
يعني اول شي من منتصف الراس الىىىىى المؤخرة بعدين بالجنب الي بداتو بعد منتصف الراس بعدين الجنب الثاني بعدين من فوق الراس والخصل لازم تكون بالترتيييييييييييييييييب
يعني لازم تفكو الخصل بالترتيب
حتقولي ليه بدانا بمنتصف الراس اول شي:poster_ban:
اقولكم عشان اللون في هادي المنطقه مايبان كثير :poster_vt:
يعني اذا اخذتو مده طويله في صبغ الشعر واللون في المنطقه هاذي فتح كثير ماراح تشيلو هم لانه الشعر من فوق الراس راح يغطي عليه والي من الجوانب كمان راح يغطي عليه اوكي
بعدين نجي لطريقة غسل الشعر
دحين انتو شفتو اللون الي من منتصف الراس الى المؤخرة وعجبكم بعدين تروحو تفكو القسم دا (من منتصف الراس الى المؤخرة)وتغسلوه بعدين تشوفو اللون في القسم الي بعده اذا عجبكم تغسلو وبعدين القسم الي بعده والي بعده
واحب في النهاية اقلكم نصيحه قبل ماتعملو الصبغة
لاتتروشو يعني خلو شعركم مزيت عشان لاينعدم كثير
وقبل لاتبداو سمو بلله وقولو دعاء تيسير الامور الصعبة
(اللهم لاسهل الا ماجعلته سهلا وانت تجعل الحزن ان شئت سهلا ربي اشرح لي صدري ويسر لي امري واحلل العقدة من لساني يفقهه قولي )
واتوكلو على الله وابداو الصبغة :1_81:
ونصيحه تانية قبل لاتروحو تشترو الالوان
صلو استخارة في الالوان الي تبغوها عشان اذا كانت تناسبكم ربنا ييسرها واذا لا ربنا ييسر لكم الالوان الي تناسبكم <<< النصيحه هاذي مجربه وفعاااااااااله :8884:
دحين اوريكم الشكل النهائي :balloons:
دا الشعر لونين خصله لون بني فاتح وخصلة لون اشقر يعني الشعر كله مصبوغ
مافي خصل في النص بلون شعركم الاصلي
دي الصبغه درجه وحده للبنات الي شعرهم اصلا اسود او بني غامق
يعني خصله لون ثلجي وخصلة مهي مصبوغه
اللون دا روووووووووعه مرا عجبني
واللون دا نفس اول لون وريتكم هوا بس دا بعد مااتعمل الشعر كيرلي
وبس وسلامتكم
وفي النهاية اقولكم ادعولي هاه ؟؟؟؟
والله فناانه وشغل في القمه
زيدينا ياقمر من هالفن …
مــــــــــوفقة أختــــــــــي
روووعه ماشاءالله شغلج نظيف
الله يوفقج حياتو>_<
روعـــــــــــــــــــــــــــه
(( أستودعت الله نفسي وزوجي وذريتي في ديننا ومالنا وخواتيم أعمالنا … اللهم أستــودعتك
بيتي احفظه واهله من الزنا والكذب والفساد ..
اللهم حصن بيتي من أوله لآخره ومن أعلاه لأسفله.. اللهم أبعد عنه الحرام بأنواعه.. اللهم أجعلني
فيه عزيزة وعليــه أمينه وأجعل لنا فيه ســعاده في ديننا ودنيانا..
وصلى الله على سيد الأولين والآخرين وعلى آله وصحبه أجمعين .. آميييين آميييييين آمييييين))