السلام عليكم و رحمة الله و بركاته
بنات الماسكرا مع المكياج الخفيف حق كل يوم تطلع مرررررة روعة و انا ودي استخدم الماسكرا كل يوم بس خايفة
لان يقولون الماسكرا تطيح الرموش و انا ما اعرف اشيلها كويس
فارجو انكم تساعدوني لان شكلي في الجامعة يطلع كأني مريضة و الكحل دايم يسيح معي فما احب استخدمه كثير خاصة ان عيوني تتحسس من كثرة استخدام الكحل
يا ليت تعلموني هل الماسكرا مضرة؟؟ طاحت رموشكم منها؟؟ ايش اسوي عشان ما تضرني؟؟
هل يمكن استعمالها بشكل يومي؟؟ ما هو احسن نوع ماسكرا ((اي ماركة))؟؟ و اهم شي
كيف اشيل الماسكرا و اتأكد انها كلها راحت؟؟
مشكورة و ارجوكم لا تطلعون بدون رد حتى لو ما تعرفون ردوا قولوا اي شي
اختكم: بدور الليل
والله ما أكذب عليج انا طاحت رموشي لكن يعني مو صرت بدون رموش! ههههههه لا بس في تساقط خفيف لا يذكر يعني وممكن تحطين زيت الخروع عليهم باستمرار ان شاء الله بتتفادين هل مشكله وتحطين مسكرا على كيفج لانج بتكونين معتنيه بالرموش
ولو خايفه من المسكرا تقدرين تركبين الرموش مو مالت السهرات لا مالت الاستعال العادي او الي يجي على شكل رمشه رمشه تحصلينه في محلات المكياج او الصيدليات الكبيره
انا اشيل المسكرا بمنظف طبي لإزالة المكياج كله مع مكياج العين من شركة بايو ديرما تحصلينه بالصيدليات احط منه في قطنه واشيل فيها المسكرا ومايبقى شي 
احسن ماركة مسكره عندي من rimmel اسمها exagerate رووووعه ما حصلت مثل نتايجها لا في ماك ولا ديور ولا لنكوم ولا ماكس فاكتر ولا بوبي براون ولا لوريال ولا شنيل ولاYSL ولا غيرلان ولا شي من الي جربته غيرهم بعد!
ولا تنسين تستخدمين الي يكفس الرموش eyelash curler قبل ما تحطين مسكره وتكفسين فيه الرموش لمده 40 ثانيه وبعدين تحطين المسكرا على طووول والنتايج بتكون واااااااااااااو جربي وشوفي
امممممممم وبس
وان شاء الله قدرت افيدج والبنات الي عندهم خبره بفيدونج اكثر لان خبرتي على قدي بس حبيت افيدج فيها
مشكورة اختي دفة البحرين ما تقصرين
و انا اكيدة ان البنات باذن الله راح يساعدوني و يساعدون كل اللي مثلي
وينكم يا بنااااااااااااااات؟؟؟
حبيت اني افيدك من اللي عندي
انا ارتاح لبودي شوب الماسكرا ومزيل مكياج العين والسواد ووهو بنفس الوقت مغذي للرموش..
وهو تبع مجموعة الشاي الاخضر ترا هالمجموعه روعــــــــــــــه انا استخدمهاومايفيدني غيرها…
والكحل استخدمي النوع السائل ودرجيه بالريشه الخاصه للكحل حسب رغبتك …
وبالنسبه للحساسيه احسن حل انو بعد تنظيف الوجه من المكياج تحطين مسحه فازلين.
اعرف وحده يوميا الظل إبداااااااااع فيه وما شاء الله البشره خيال تقول انها يوميا
بعد ماتنظف بشرتها بعد الدوام تحط فازلين وتنام فيه,,,
ارجوا اني ماكنت ثقييييييييييييله عليك ويارب تلقين اللي يناسبك,,,
موفقه اختي مع السلاااااااااااااامه
عاد تصدقين يا ديفا اني من مناصرين الفازلين و دايم اسوي زي صديقتك بس مو كل يوم
و اذا صار عندي عزيمة قبل بيوم احط فازلين و من بكرة وجهي يصير منور
طلبت من اختي تجيب لي مزيل مكياج العيون بس الماسكرا عندي بجربها
مشكورة يا قمر و نشوفك اليوم في المكان المعتاد
للرفع