fashion addicted♥♥♥♥♥ 2024.

هلا بالغوالي…
هذا اول موضوع لي ب مدونة عرووس…. :p
يا ف بالي فكره ….
بما اننا نحب الفاشن

ومدمنين على الموضه

نطالع اليديد من الماركات

واحيانا انحط اشياء ف خاطرنا … ونتعلق ف شي شفناه سواء ف …

مجله …

او بروشور

او ف التي في

او كنتي تحبين تتابعين طلة وستايل وحده من المشاهير…

.. او بالسوق,..

او شفتيه من النت…سواء من المواقع الرسميه او من المنتديات يعني من مشتريات العضوات او ستايلات العضوات واغراضهن الشخصيه…

او شفتيه على حد من ربيعاتج او اهلج او اي وحده بالسوق او بالعرس او باي مكان ..

المهم شفتي هالشي… وحبيتيه .. ودش خاطرج… ودورتي عليه من النت … وسيفتي صورته … واستفسرتي عن سعره .. وحطيتيه ف بالج … ف لستة الاشياء اللي تبين تقتنيها …. سواء ف ف الفتره الجريبه … لو ميزانيتج تسمح … او بعد فتره (بعد ما يتنزل الراتب او بعد ما تطلع لج جمعيه او بعد ما يطلع لج بونس او او او ,,, الخ)
والمعرسه ممكن حطته ف بالها وخبرت ريلها يهديها او اييبلها هالشي…
فيه اشياء انا من زمان مسيفتنها … لانها دشت خاطري وعلى ستايلي وحبيتها … بس لهاليوم ما اشتريتها الميزانيه طبعا ما تكفي نشتري كل شي مره وحده ….وفيه اشياء اشتريتها ….

اكيد كلنا سيفنا صور اشياء وحبيناها … خلونا نتشارك ف صور هالاشياء…. عسب نستفيد من بعض… لان اكيد الوحده ما بتحط الا الشي الحلو … ويمكن انتي شفتي شي وانا ما شفته وما مر علي…جيه بستفيد من اغراضكم اللي حاطينها ف البلان …

اي شي يخص الستايل والفاشن …

سواء ملابس

نعول

اكسسوارات او مجوهرات

عادي حتى لو شي حلمتي فيه … يعني دبلتج اباها تكون هالستايل… او طرحتج هالستايل… شي دش خاطرج وسيفتي ستايله

عبي

لوك معين

نظارات

شي شفتي البنات هابات عليه وتدورين عليه

شنط

ساعات

باختصار اي شي حبيتيه …نبي نشوووفه ….

ملاحظه …. الموضوع من افكاري وجهدي…. و مسمووح عادي خلي الخلق يستفيدون من افكار واذواق بعض… اللي تلطش الموضوع اقووول لها : بالحل…

حابه هالعبايه … والمصممه اماراتيه كانت ربيعتي ايام دراستي برع …..

هالاكسسريز او الذهب شفتهم مره بالنت … كنت يالسه ادور على شي وطاحت عيني عليهم … وحبيتهم من الخاطر وما ادري من وين ممكن الاقي مثلهم … اموووت على اللون الفيروزي

وهذا

وهذا

وهالساعه ميته عليها من فتره … تقريبا من شهر فبراير 2024… خخخخخ شفتها على وحده ودشت خاطري من اول نظره …

وهالساعه طاحت عيني عليها مره لما كنت احوس ف موقع أل في وحبيتها

هالشنطه من الكولكشن اليديد أل في …. شفتها ف المجله … هالصوره من المجله وسيفتها عندي…. لما سرت دبي شفت قماشها ااممممم ما وايد اتشجعت لها ,,,,,

طحت ف غرام هالاسوار …. شفتهم من النت وما ادري وين ممكن الاقي شراتهم …

هالساعه فندي شفت وحده من العضوات عارضتنها ف منتدى ثاني….وحبيتها من خاطري

هالعقد حبيته موووووووووت حسيته راقي واااايد ….. وحده من العضوات ف منتدى ثاني عارضتنه ..كان عقد ليلة عمرها …

هالصوره صورتها من مجله … ما كان اعلان … كانت صورة وحده لابسه هالساعه …حبيتها بس مب متاكده من ماركتها …

هل هي جافنشي شرات هاي؟

حابه هالستايل من الحلق…. هذا جافنشي وشفت شراته بالضبط الماس … وااايد حلو ورااااقي… وحطيته ف بالي..

مسيقه هالجلابيه حبيتها … …خفيفه و سمبل…..

مسيفه هالصوره لطشتها من منتدانا….وايد حابه هالفستان … حده سمبل .. واللون وااايد حلووو… وخاطري فيه