العباية .حالة طوارئ 2024.

. مرحبــآ غلآي

إممم بحــآول أفيدج بآخر الموديلات والمنتشرة عندنا بمحل العبايات بالبحرين ^^

أول شي المنتشرة الحين واللي طالعة موضاهم العبايات الحرير..

أنا الصراحة قبل فترة سويت لي عباة حرير وباللبس رهيبة وتينن.. بس الحرير عيبه حساس من أقل شي ينسل وجي..

وبعد يعتمد ع الإستعمال ^^ أنا ماهتم بالعباة وحركتي بها وايد ^^ منجذي إنعدمت بسرعة

بس جفت مرة بتلفزون دبي على مذيعة مسوية عباة.. بس الأكمام حرير وبالوسط قماش عادي

عجبتني الحركة.. وبعاتي النيوو سويتها.. خلتي بالوسط كريب سعودي من النوع اللي فيه لمعة شوي والأكمام حرير

وطلعت حلووة.. حتى اللي يشوفونها علي دايما تعجبهم الحركة.. لأن الصراحة وايد أجوف البنات يتغربلون بالحرير.. ويقولون لي مايبين إنهم قماشين ^^"

والموديل اللي أنا عاجبني أكثر شي هو المسكر كامل ومن فوق يكون مزموم وبعدين مضبوط شوي ويبدأ يتوسع لين تحت يكون شوي كلوش..

هذي صورة من الغالية الحب الكبير حاطتها،،

العباة اللي بالوسط

أما الحركات هالأيام عندنا منتشرة موضة الفصوص الصغيرونة اللي تشبه الكرستالات.. يا تشترينهم من محل الخرز وهالسوالف أو من محل العبي نفسه عنده.. وفي منهم ألوان وايد.. أنا عباتي حاطة لي وردي فاتح.. إذا قدرت بصورها لج بعدين ^^

هالفصوص يكونون حبة حبة.. يعني تقدرين تتحكين بشكل الحركة.. مثل تكون صفتين بنهاية الكم وبطرف الشيلة.. هذي حلوو وبسيط وناعم وايد..

وتقدرين إممممم الصراحة ماعرف شلون أوصف هذي لأني جايفتها بعباة بنت بس بحاول

بالخيط الخفيف الفضي مال التطريز يكون الخياط مخيط به كذا صفة بشكل قطري "يعني لا أفقي ولا عرضي" ويكون بينهم تقاطعات صغيرونة وهالتقطاعات ينحط داخل كل وحدة فص من اللي قلتلج عنهم الصغار.. بحيث تختارين كذا لون متناسق ويكونون حسب ترتيب معين يعني مثلا صف فضي وصف وردي وصف تركوازي.. أو عشوائي.. أو يصير بعد لون واحد

هذي بيكون عرض الحركة كامل تقريبا إنش ونص.. من نهاية الكم.. أنا عجبتني حلووة الألوان.. هذي تقدرين تتحكمين بنعومتها على حسب عرضه.. يعني تخلينه شوي بيصير أنعم

وإمممم في بعد الحين يضيفون للكم مع الكرستالات شريطة متناسب لونها.. أو قماش شيفون

أنا ضايفتها مع عباتي.. وحركة حلووة بس شوي ربط الشيفون يغربل لوول

وعندج بعد حركة اللولو هذي صارلها فترة بس للحين الناس يسوونها..

اللولو تقرين إما تخلينه بروحه.. أو تخلين معاه فصوص بس مو مثل النوع الأول.. هذي تصير كلها صف واحد وأكبر من ذلاك.. أنا إختي مسوية حركة بسيطة صفين لولو أصغر حجم.. وبينهم صف الفصوص

تقدرين تزيدين حجم اللولو أو عدد الفصوص إاذ تبين الحركة أكثر

وع العموم اللولو تقدرين تستغلينه بحركات وايد..

مثلا تخلين صف متموج صغير من كمن حبة لولو يترتبون من الأكبر للأصغر أحس يطلع حلوو ^^

إمممم هذي اللي ببالي حاليا

وإن شاء الله الباقيات يفيدونج .