عندى استفسار ات
كل كويتيه سامعه عن هذى الدكتوره ……..تفيدنا
واللى جربت من عندها مستحضرات المايكروبيوتيك تقولنا عنها
ابى ابدا بنفسى
لى رفيجه خذت منها فيتامين اى للبشره وهى منتجاتها غير اللى
بالصيدليه وارد المانيا ، وبعد خذت حبوب الخميره للشعر والاظافر
والبشره تخلى بشرتج جنان على قولة الصيدلانيه
وبعد سامعه ان عندها اعشاب للتخسيس ، وقمح وكل شىء طبيعى
شو رايكم بنات اللى استفادت منها تفيد الكل
لانى بصراحه لما اشوف الدكتوره بالمجله او بالتلفزيون
انبهر ببشرتها الله يتمم عليها ، وودى اروح لعيادتها
بس ودى بالاول اخذ اقتراحات كل اللى جرب منها منتج
افيدونا جعلها الله فى ميزان اعمالكم
تهانى
مرة قلتي لوحده في المنتدى عن بخاخ ريفليكشن
ابي اعرف وين ينباع ومتى استخدمه بعد الميك اب والا قبله
وبعدين تعالي
بالنسبه للانصاري بنت خالتي تعالجت عندها عادي ماتغير فيها شي
اللهم الا متنت شوي مثل ماتبي
بس رفيجة بنت خالتي حيييييييل تحسنت بشرتها بعد علاج الانصاري
وسلامتج
:26:
كل الشكر للى ردوا على وافادونى
وخصوصا اختى متغليه
والله انج خرعتينى
ب صددددددددددددتج وقمص قلبى
بس اشوى رد مكانه
يا يبه غالى والطلب رخيص
ريفليكشن هذا مستحضر من كريستيان ديور
وعلبته بخاخ غطاتها وردى وهو سائل لزج فيه بلورات لؤلؤيه
يوضع قبل الميك اب لاعطاء الوجه لمعه وذا مزجتيه مع الكفر ديرم
رقم 1 +كريستيان ديور افتح درجه يثبت ثباااااات
ويا جبل ما يهزك ريح
وتدللى ياالغاليه بس مو تخرعينى مره ثانيه
تهونه
وتبشرين ماراح اخرعج مرة ثانيه
سلااااام
