انا ملاحظه كثرت الخلطات والزيوت والاقنعه
ووصفات للرجيم والحلويات والعصيرات
و…و…والكثير
🙂
ففكرت (طبعا الفكره منقوله:cool2
ان كل وحده تكتب تجربه ناجحه جرببتها
واذا كتبتها تكتب الوصفه كامله
او تحط رابط للموضوع
حتى مايكون الموضوع كله اسئله
تمااااااااااام
بعدين اذا في احد عنده سؤال يسأل صاحبة الموضوع على الخاص
او يسوي بحث
علشان كذا اذا وحده حطت وصفه نفعتها تضع الوصفه كامله
اعتقد كلامي مفهوم؟؟؟
راح ابدأ انا
1) للاماكن الغامقه
زيت زيتون (الكميه اللي تعجبك) + ملح خشن (اللي تبي ملح ناعم بكيفها)
الزيت مو شرط يكون دافئ افركي المكان لين يصير احمر من كثر الفرك
((((((((((((((طبعا كل يوم قبل الاستحمام بنص ساعه اوساعه)))))))))))))))
وبس
النتيجه تبان على حسب درجه السمار انا طلعت النتيجه بعد اسبوع
واستمري عليه لان اكيد بيرجع السمار اذا تركتيه
2
2) لاظافر لماعه
ادهنيها كل يوم بزيت لوز حلو او مر انا جربت الحلو
متى تبان النتيجه :rolleyes: نسيت مااذكر اعتقد اسبوعين
ولا تنسون الرابط :rolleyes:مثل ماقلت لكم
هذا اذا وحده عبرتني وردت
scream
🙂
وبحاول المشاركة إذا اذكرت تجربة من تجاربي الناجحة …:smile:
أول شي جلست على طرف البانيو وبديت افرك ركبتي بعد ما خلصت عاد فتحت الرشاش عشان أستحم وأغسل مكان الركبة من الفلفل الأسود طبعا الفلفل مو بروحه معاه زيت عاد شوفو الزيت لما يلحقة الماء صارت خبصة وما رضي يطلع من جسمي وحطيت صابون وانتشر الفلفل الأسود على طول جسمي حتى لوجهي ما أعرف كيف وصل له وألتهب جسمي بالكامل وتميت طول اليوم وأنا اتحرق وعاد توبه من بعدها.
أما بصراحة بعد في أخت طرحت موضوع عن إذا كان عندك حفلة وبشرتك مرهقة جيبي ملعقة عسل+ خميرة+ حليب ممكن تستغني عن الحليب وحطيه بوجهك واسترخي شوي وبعدها غسلية بصراحة بالفعل وجهك بيسير منور ومتورد وانا جربت هذي الطريقة وفادتني كثير .
وسلامتكم
أم أنوار
😡 انا وش قلت ؟؟
كل رد فيه تجربه
😉
امشيها لك المره هذه
………………………………………….. ..
ام أنوار
تسلمين
وعلشان كذا انا كتبت الموضوع
تجارب ناجحه
……………………………………….
وجبت لكم عصير حلو جربته لام شهاب جزاها الله خير
وهو:
مشروب للمناسبات الخاصه
السلام عليكم
كيفكم يا بنات
هذا العصير قراته من احد المنتديات وجربته وطلع يجنن
وينفع للضيوف او على العشاء او في الحفلات
المقادير
4كاسات عصير تفاح بارد جدا
3علب سفن اب بارد جدا
3اعواد من النعناع الاخضر
نصف حبه برتقاله مقطعه شرائح
نصف حبه تفاحه مقطعه شرائح
نصف حبه ليمونه مقطعه شرائح
10 مكعبات من الثلج
الطريقه
توضع الفواكه في جك التقديم ثم يضاف اليه عصير التفاح
وقبل التقديم بخمس دقائق ضعي الثلج والسفن اب
جربوه يابنات والله مره حلو
بصراحه لذيذ
تسلمين وان شاء الله نجربها:clap:
انا جربت هذا كم مرة رهيييب
كوفي بالمارس…. جناااااااااااان
مرحبا بنات… عندي لكم قهوه تجنن و سهله..
المقادير (لكل كوب) :
ملعقه صغيره نسكافيه..
2 ملعقه صغيره كوفي ميت…
مارس
رشة قرفه..
ماء مغلي مقدار كوب(لكل شخص)
الطريقه :
1- تقطع المارس الى 3 قطع..توضع قطعه مقسمه جزئين في الكوب(يعني تصير قطعتين بالكوب)
2- توضع النسكافه والكوفي ميت والقرفه وقطعه واحده من المارس(وحده من القطع الثلاث) في جزوه أو أي اناء وتصب فوقها الماء المغلي.. وتحرك على النار الى ان يذوب المارس..
3- ثم يصب في الأكواب فوق المارس…
وبالهنا والعافيه…
لبنت ابوها
على الموضوع الحلو بس ياليت يقتصر على التجارب الناجحة في المنتدى بركن العناية بالبشرة والجسم يكون افضل
انا احط
سدر بمقدار انثين كاسة شاهي+زيت سمسم+عصير ليمونه
افركهم على جسمي واخليهم نص ساعه لين ينشف وبعدين اجيب بقايا الليمونه المستخدمه
سابقا بالخلطة وافركها على جسمي واغسله بعدها
روووووعه
وسلامتكم
مشكورة على الرد انا قلت التجارب في جميع الاقسام علشان يكون اسهل
واخترت احط الموضوع هنا حتى يشوفونه البنات كلهم لكن اكتشفت ان التطنيش
صفه مميزه للمنتدى
………………………………………….. ………………………………………….. …
متغليه
جزاك الله خير لكن ماقلت كميه زيت السمسم
وهل هي للنعومه ام للتبيض
وشكرا
………………………………………….. ……………………………….
مشكووووره اختي على الموضوع الحلو والفكرة الاحلىىى
من رايي ان الموضوع هذا يقتصر فقط على خلطات البشرة والجسم والشعر مثل ماقالت الاخت ريم الشمال
الخلطة اللي استخدمتها :
للوجه :
ملعقة – ملعقة شاي – خميرة فورية
ملعقة طعام زبادي -روب –
يخلطون مع بعض جيدا وتترك قليلا حتى تتخمر – 3 دقائق –
وتوضع قناع على البشرة واستمري عليها اسبوع او اسبوعين
يعطي بياض + صفاء بشرة
باقي الخلطات يتبع مرة اخرى 2
باااااااااااااااااي
دينااااااااا