في فترة تغيير الجو
تجمعت حشرات كثيرة في البيت عدنا
وبما ان سريري عند الدريشة
صار مرقدي خلية منهم
صرت اكره افتح الشباك عشان لا يدشون
جربت كل شي
غيرت مرتية اسرير مرتين
اشتري جديد
رشيت مبيدات حشرية
حطيت طارد للناموس
ما في فايدة
وجسمي كان الضحية
مقرصة في كل مكان
مادري هو قارص ولا حساسية
رحت للدكتورة وشرحت لها مشكلتي
قالت لي حساسية وعطتني ادوية ومراهم
بس انا اخاف من الادوية المصنعة
لانها تحتوي على مواد كيماوية
ولها عوارض جانبية
الحين المشكلة مو فيالحشرات
تخلصت منها
بس المشكلة في جسمي
اثار القرص في كل مكان بجسمي
كاني وحدة فيها جديري
تبقعت
الحمد لله اني مو متزوجة للحين كان شرد الريال
بس اخاف على مستقبلي
قمت اوسوس
جسمي ما تروح منه البقع
عدكم خلطات طبيعية تساعدني في التخلص منها؟
ساعدوني الله يخليكم
استخدمي المراهم اللي وصفتها لج لأن الدكتوره ادرى بحالتج ،، و هالكريمات فيها مضادات حيويه
فتوكلي على الله و استخدميها والله يشفيج حبيبتي
الدكتورة تقول لي حساسية
مع اني قلت لها قرص
شي طبيعي ان جسمي يتحسس من كل ها القرصات
وعددها كبير
تميت اعاني من ها المشكلة اكثر من 3 شهور
كل ما فتحت الدريشة
عشان اهوي الغرفة
ما اقدر انام هذيك الليلة من القرص
وساعات اشوف حشرة تشبه البق اللي ينمو في جسم الحيوانات في سريري
انقهر
كان عدنا قطاوة في البيت
مربتنهم اختي الصغيره
ومحد مبتلش غيري
وما ارتحت الا يوم اتصلنا بمكافحة القطط وحطو لهم قفاصة وصادوهم
حتى اختي زعلت
مره كنت في باريس و كنت قاعده بحديقه و فيها بحيره عاد عجبني المكان و انسدحت لووووول
المهم كان هذا بأول يوم ،، تخيلي بعدها بأسبوع وانا خلاص رايحه المطار شفت حبه على وجهي
في الطياره زادوا الحبوب و اول ما وصلنا الدوحه جسمي كله حبوب ،، وصل لأماكن حساسه
و على طول رحت المستشفى ،، و الدكتور عطاني مرهم وقال لي نفس الشي حساسيه و كان يبي يعطيني ابره بس بو الشباب رفض اني اخذها بدون تحليل
شرايج تسوين تحليل و تعرفين شنو الحل و شنو اللي تتحسسين منه
اسفه اني طولت عليج
لاني عديييييييييييت مثلك
وتخيلي قرص ناموووسه واجلس احكه الين يطلع كأنه حبة شباب واذا انفقعت تصير زي الجرح
وتكون علامه فيني
بس لما تشوفينه قام يحكك وينتفخ
عليك بالمررر ايه المر حطي عليه مويه حاااااره الين مايذووووب
وجيبي قطنه او منديل وعلى كل حبه فيك
علشان مايعلم فيك ويرووووح بسررعه
والله يكون بعونك وربي عانيت مثلك واحس فيك
وبالتوفيق حبيبتي
والحين ما في بق الا نادرا
ا"لبقة شكلها مفعوص واذا قتلتيها تطلع منها ريحة عطرية ودم"
هل هذي هي البقةاللي تقصدينها اختي؟
ابوي قال هذي من الحيوانات تتغذى على دمهم
الحين ما قمت اشوفها الا نادرا لما يزورونا قطاوة الفريج
بس شغلنا عليهم مكافحة القطط وارتحنا
اليحين انا اعاني من الاثار اللي خلفتها ها البقة