شحالكم؟
وهذي اول مشاركة لي في ركن العناية بالبشرة والجسم
وانا من الركن الادبي
المهم خذوا الوصف لازالة حب الشباب و تفتيح البشرة
اوكي خذوا الوصفة يلا
ولا اقول بعدين:cool:
اوكي اخذوا : اوهو نسيت :s
بتذكر وبقولكم
انزين خلاص بقولكم لا تفلعوني ببيض و طماط تسوون مني شكشوكة
طيب تفضلوا الوصفة
المقادير :
صندل مطحون تجيبونه من عند محلات الاعشاب يكون(( لونه بني))
ماي ورد
الطريقة :
تاخذين مادة الصندل و تحطيبن عليه كمن ملعقة ماي ورد وتخلطينهم مع بعض لين يصبحون على شكل عجينة و بيكون لون العجينة بني بس خليها متماسكة وبعدين حطيها على ويهج لمدة ساعة لين ما ييبس و بيستوي لون الماسك ابيض وبعدين حاولي انج تشيلين القناع بالتدليك و الفرك بالشكل الدائري و استعمليها مرتين كل اسبوع لحد ما ما تلاحظين اختفاء حب الشباب و يفتح لون البشرة وعلى فكرة هذي تناسب كل انواع البشرة حتىعلى البشرة الحساسة مجربة 100 %
وشوفوا و قولوا رايكم
عشان انا لاحظت انه ربيعتي مبيضة و الحبوب اختفت من ويها
وبس
حبيت اقولكم معلومة لا تقولون باي تعرفون ليش؟
لانه معناته باي في حفظ البابا (( وهذا البابا الله يسلمكم راعي الكنيسة مالتهم )) اوكي ارمسوا عربي احسن و افضل واللفظ العربي احلا و ارقي
وايد ارمس لا 😮 اوكي اسمحولي طولت عليكم
وشكرا
انا اذكر كنا نستخدمه مع الروب
يعني نخلطه مع الروب بدال الماي
ينور بالوجه
و الصندل الي كنا نستعمله كنا جايبينه من الهند
و كان روعه
وبيكون محطوط في كيس ولون الصندل بني و مطحون ناعم
انشالله تستفدين اختي
مشكوره على الوصفه ……… شكلها حلوه بجربها انشاءالله
بس هالوصفة تناسب البشرة الحساسة؟؟؟؟؟؟؟
شحالج ؟
بغيت اقولج انه شرايج تجربت هذه الوصفة على وحدة بشرتها حساسة ولا بعد دهنية والحمدلله ما لها اثار جانبية واعطت هذي الوصفة البنت المجربة مفعول وايد حلو وهذي الوصفة تليق على كل انواع البشرة سواء كانت حساسة ولا دهنية ولا جافة وحتى العادية
وانشالله يوم بتجربين ويهج بيشع نور اكثر
😉
انا بغيت اسألكم انا عندي صندل مثل الخشب يايبينلي اياه من الهند
كيف اطحنه او اكيف استخدمه 
اذا اتعرفون ياريت ما تبخلون علي بالرد
مع السلامه
بس اعتقد انه تاخذين الصندل وتحطينه في الشمس لين يجف و بعدين تاخذينه وتدقينه وبعدين تتطحنينه في الطحانة
بس بعد لازم اتاكد
اوكي 😉