الفتلة موضوع مممممممهمممم 2024.

الفتلة

ودي بتستخدم أساسا للوجه هي بتشيل الشعر من جذوره. وهي عملية وسريعة جدا لأنها بتشيل شعر كتير في وقت قليل.
ومميزاتها غير إنها بتشيل الشعرة من جدرها -يعني بتطول في الوقت اللي الشعرة بتاخده علشان تطلع من جديد- إنها مابتتسببش في ترهل الجلد زي السويت مثلا.
لكن مش معنى كده إن مالهاش سلبيات، بالعكس هي مؤلمة وخاصة بالنسبة للبشرة الحساسة وممكن كمان تتسبب في ظهور بعض الحبوب.

طيب والحل؟

أكيد مش هاسيبك لايصة لازم أقول لك على حلول للمشاكل دي، خدي عندك يا ستي.
1. لازم تختاري خيط قطني علشان بشرتك ما تلتهبش من مرور الخيط عليها أكتر من مرة.

2. فيه طريقة بقى هي إنك تحطي بودرة تلك على الجلد قبل استخدام الخيط لتقليل الالتهاب والاحمرار اللي بيزول بسرعة بعد دقائق وخاصة إذا استخدمتِ قطعة تلج صغيرة أو ماء بارد ومررتيه على جلدك بسرعة وبعد شوية هيروح الألم والاحمرار.

3. أما لو حصل التهابات بالرغم من كده فممكن تدهني وشك بأي كريم يحتوي على مضاد حيوي بس بعد استشارة الصيدلي أو الطبيب طبعا.

الملقاط :

الطريقة دى معروفة وبتستخدم لنزع الشعر من الحاجبين (بس لازم تاخدي بالك وإنت بتنضفيهم إنك ماتغيريش في شكلهم يعني لا ترفعي ولا تعملي تمانيات ولا سبعات ولا ترسمي حواجبك علشان ماتدخليش في حرمانية).

وكمان فيه بنات وستات بيستخدموه علشان يشيلوا شعر الذقن وفوق الشفة العلوية وهو بينزع الشعر من الجذور ولكنها عملية مؤلمة شوية.

وللحصول على أفضل نتيجة استخدمي ملقاط حامي وجيد الصنع علشان يسهل لك عملية إزالة الشعر ومع شد الشعر برفق باليد الأخرى.

منقووووووول

اتمنى ان الموضوع يكون مهم ومفيد للعرايس