حبيت اسالكم شو يعنى الفيشال العادوي الفيشال الكريستال
وشو الفرق امبينهم واللى عدة صورة للمنتج تحطة دخيلكم
بليز لا طنشون عاد لانى ابغية ضرورى وين ممكن احصلة
قبل ما أرد على موضوعج بحثت وكل اللي قريته انه ممكن يسبب خدوش أويجرح ومب أي حد يسويه لازم دكتور جلد،،،
أما بالنسبة للفيشال العادي الكـــل يسويـــه ويستفيــد منه،، انشاءالله تسوين العـــادي بس يكون عند متخصص مب أي صالـــون وأكيـــد راح تستفيـــــدين منه.. والله يوفقـــج
أنا أؤيد كلام الريم … وحبيت أجاوبج من واقع خبرتي
الفيشال العادي فعلا تقدرين تسوينه في أي مكان ويعتمد على استخدام البخار لفتح مسام الوجه واستخدام السكراب اللي يناسب نوع البشره وبعدين ترطيبها …. (مو متأكدة من الخطوات لأني من زماااان ما سويته)
لكن الكريستال ما يسوونه الا الدكاتره او اخصائي التجميل وهو يعتمد على الكرستال المطحون نااااااااااااعم مثل الرمل لتقشير الوجه والدكتور هو اللي يتحكم في قوة التقشير بحسب الوجه واحتياجه .. يكون جهاز فيه انبوب صغير بفتحتين يضخ الكرستال الرملي ويسحبه في نفس الوقت عشان ما يظل عل الوجه … وتحسين كأن الدكتور يقشر ويهج برمل ناعم… ويستخدمونه غالبا اذا يبون يزيلون أي آثار من الويه … أنا أسويه حاليا عند دكتوره لأن ويهي احترق من الليزر وتبقع بشكل يعور القلب .. والحمدلله من جلستين بديت احس بالفرق … واذا تبين عنوان الدكتوره انا حاضره
أتمنى أكون فدتج بمعلوماتي المتواضعه 😉
اما الكريستال هذا تقشير طبي ،، لكن بعض الأطباء ما ينصحون فيه
وجزاكم اللة خير