بنات انا بشرتي والحمد لله مثل الأطفال روعععهههه…. وما في حد ما ينجن عليها … (قولوا ماشالله ) الله اكبر…
و بعدين
توظفت :s
وخفت على بشرتي ، وقلت لازم اعتني فيها عشان ما تتأثر…
والنتيجه
انها صارت أحلى من أول ومب بس جييييييه صارت خدودي حمرررررررر وخشمي بعد …:o
تريدون تعرفون ok
كل مرة راح اعطيكم طريقة من اقوم الصبح لين حزة الرقاد لكن ألحين بكتفي بالصبح لأني في الدوام واذا شافني مديري بينتحرررر
شوفو أول ما أقوم طبعا اتسبح و أغسل شعري الي أدهنه كل يوم وأغسل جسمي بصابون زيت الزيتون الطبيعي (اييبونه لي من الاردن) وبعدين أحط زيت بيبي جونسون حق جسمي لأن ما في وقت للتدهن الصبح ….
حبيت أقول اني اغسل وجهي بصابون العسل وايد لطيف
بعدين اتنشف وارش على وجهي ماي سدر (هذي لاطشتها من المنتدى).. واخليه مع حبيبات السدر الناعمة على وجهي مدة خمس دقايق
وفي هالخمس دقايق أحط كريم العناية الخاص بالركب والاكواع.. (نتايجه فعالة بخبركم عنه عقب)
وبعدين أغسل وجهي بماء ورد باااارد
واحط قناع الروب والخميرة…
وأكمل لبس ثيابي وماانسي ارش بودرة جونسون الي بالنعناع على جسمي مع رش عطر جونسون الأصفر…والله عجيبه ريحته في الجسم
بعديييييين أغسل وجهي وأمرر عليه ثلجة لين تذوب كلها … وانشف وجهي بطريقة التربيت فقط …. وأحط كريم ضد الشمس و كحل + مرطب الشفاه بس.. وأطلع الدوام 
يتبع……
واتمنى لج جسم نعومي بزياده واللهم لا حسد
الله واكبر وماشاء الله عن الحسد بس يباله وقت عشان كل هذاااا والوحد يوم ينش بيروح الدوام يدووب يتسبح وينشف شعره ويصلي ويلبس ويتعدل ويتعطر وهذاا احسبه واااااايد بعد … بس ماشاءالله عليج انتي تاخذين وقت وايد …..
😮 مع أني احب اقولج اني ما اداوم في مكان ويدوب انش متاخر و ما اسوي كل هذااا غير شي بيسط بس يوم قريت موضوعج قعدت افكر وقلت متي حليلها اتنش ..
المهم بصراحه احس انه معلوماتج جيده وحلوه يلا فيدنا وخبرينيه عن غسول السدر لاني ناويه استخدمه .. وبعد عن باقي الاشياء عشان نستوي شراتج .. ههههههه
والسموحه اذا طولت عليكم 😮
جدولج غاوي ومشجع بس مب حق الصبح :p
ربي يجعلج دوم نشيطه ان شاء الله. .
نتريا خلطة الركب ونتريا غسول السدر. . .
وبعدين صابونة العسل شو ماركتها؟؟؟
وأنا بشرتي جافه ينفع اللي تقولينه؟؟؟ حقي؟؟
أدري بتقولين شو يفججني من هذربان سويره؟؟:o
والسمووووووووووووووووووووووحه
أختج: سويره
أولا اختي دمعات الحزن انا مرتبة وقتي بالفطرة وبعدين كل هذا والله ماياخذ وقت طويل صدقيني … أما الصابونه ما أعتقد انها موجودة لأني جد قلبت الدنيا عليها…
وانتي اختي الدمانية … انا انش الصبح الساعة 6:00 (مع العلم أرقد الساعة 11)
وبالنسبة لخلطة السدر هاتي ملعقتين سدر مطحون + غرشة ماي معدني صغيرة وحطيه في الثلاجة و ممكن تضيفين شوية عسل …
وانتي يا سويرة ام الهذربااااان ،، بعدج ما شفتي بقية الجدول اصبري … و عن صابونة العسل موجودة في كل مكان شكلها نفس الخلية مالت العسل … وأكيد بشرتج راح تستفيد وتستفيد كثير بعد
وتسلموووووووووووون
يتبع……
تحياتي لك على هانشاط
و انا متشوقة اني اعرف الباقي
احتك
بسمة
بس انا سمعت ان الزيت موزين تحطينه على الجسم وتطلعين لشمس يسمر…..
تحياتي…
اختي غصن الرند صحيح الزيت يسمر في الشمس بس انا احط كميه بسيطه في (( الجسم)) وطبعا ما يكون مكشوف لأشعه الشمس بالثياب…
والحين خلوني أخبركن شو أسوي أثناء الدوام …..
أجلس في المكتب و لازم يكون معاي كلينكس ديتول (لنظافة اليدين ) و تدرون اني حاطة في مكتبي كريم لليد و ممغذي الأظافر ..
واستعمله أول ما أوصل الدوام أغذي أظافري وبعدين كريم اليد … وفنص الدوام استعمل محارم ديتول للنظافة وريحتها حلوة بعد .. Fresh
والمفاجأة اني أعتني بجسمي في الدوام :eek::eek::eek:
لحظة لا تفهموني غلط … طول فترة الدوام ما أشرب غير ماء + قهوة دينا سفلت لتنقيص الوزن (اشتريتها و عطيتها للفراش يسويلي بدل الشاي والقهوة) … هذا الى جانب عصير البرتقال والعنب (أحيانا) … فكرة حلوة صح
وطول الفترة ما أحاول ألمس وجهي ابدا ابدا ابدا واذا كنت مضطرة اجيب كلينكس ناعم وأمسح به وجهي ..
هذي العناية أثناء الدوام ..
انتظروني
يتبع…