مراااخب
اهلين صبايا شلونكم ؟
ان شاء الله تكونوا بخير ..
حبيت ادرج لكم المستحضرات الخاصة الي استخدمها و الي في منها فادني بشكل كبير و حبيت اقيدكم معاي …
قبل كل شيء اعتذر عن الصور الي ممكن تكون غير واضحة لانها تصوير الجوال
وطبعا الموضوع يشمل صور المنتجات + تجربتي + تقييمي الشخصي ..
المستحضرات الخاصة بالبشرة
** نبذة عن بشرتي ** طبعي بشرتي حنطية فاتحة ومثل كل بنت تحلم بالبياض الناصع لجأت لكريمات تفتيح و سويت بشرتي حقل تجارب كل شهر مجموعة غيييير !
طبعا بشرتي جدا دهنية و البشرة الدهنية معرضة للحرار بشكل كبير و كان هاي الشيء يزيد الطين بلة عندي …. اذا زاد الحرار اوقف عن استخدام كريمات التفتيح و لين خف ارد ارجع لها من جديد ….. و الحصيلة بشرة مجهدة و مرهقة و تعبانة !
طبعا استخدمت منتجات عديدة جدا للتفتيح كان افضلها على الاطلاق مجموعة وايت بيرفكت من لوريال و تقييمي لها 10/10 بكل جدارة ..
وهاي صورة المجموعة
طبعا استخدمت كريم النهار و كريم الليل و التونر و الغسول و كلهم روعة الشيء اللي خلاني اترك هاي المجموعة ان البشرة عندي دهنية جدا و هاي المجموعة تخفف البقع الداكنة بس ما تحصن البشرة ضد الحرار فالحرار ظل يستمر بشكل خفيف
بس نصيحتي الي تبحث عن النضارة و البشرة الفاتحة تستخدم هاي المجموعة و خلال على الاقل اربع شهور راح تلاقي نتيجة فعالة جدا ..
طبعا بعد هاي المجموعة استخدمت كريم الليل من البودي شوب للبشرة الدهنية المصابة بالبثور و كان يجفف الحرار بس ما يعالج البقع و يخففها … يعني بالنسبة لي يصلح للحرار الي يجف و يروح بدون ما يترك اثر
عموما مجموعة البشرة الدهنية من البودي شوب جدا ممتازة بس المنتجات القديمة قبل التحديث كانت افضل بكثييير و النتايج كانت تظهر باسبوع من الاستخدام
حاليا
اني استخدم مجموعة متكاملة لعلاج البشرة الدهنية و هاي المجموعة خذيتها من صيدلية بوتس و طبعا اني شرحت للصيدلانية الي هناك مشكلة بشرتي بالضبط وعطتني مجموعة تعالج البقع البنية و تخفف من ظهور الحرار و تضيق المسامات و توازن الدهون في البشرة و اقدر اقول ان هاي من اروع المجموعات الي استخدمتها لان في خلال اسبوعين قدرت الاقي نتيجة واضحة و ملموسة و اهمها في الدهون .. خصوصا اني احط ميك اب بشكل يومي تقريبا للدوام وقدرت الاحظ انه صار مات و الدهون خفيفة جدا جدا
المجموعة الحالية
طبعا المجموعة تتكون من ثلاثة انواع من الغسول
الغسول الاول وظيفته ينظم الافرازات الدهنية في البشرة و كان جدا فعال بالنسبة لي
الغسول الثاني ينظف البشرة و يعالج البقع البنية الداكنة
الغسول الثالث يعيد بناء البشرة و التخلص من الخلايا الميتة و ينظفها من بقايا المكياج
طبعا الغسول الثاني استخدمه كل يوم مرتين بشكل منتظم لانه من ضمن مجموعة الكريمات و التونر الي استخدمهم
اما الغسول الاول استخدمه قبل المكياج لان يجفف الدهون في بشرتي
و الغسول الثالث استخدمه بعد ما ازيل المكياج
بالنسبة للتونر
التونر الاول و هو من مجموعة شجرة الشاي استخدمه بعد الغسول من نفس المجموعة و قبل استخدام كريم الليل و كريم النهار
التونر الثاني معقم و يخلي بشرتي نظيفة و فرش .. في الغالب استخدمه بعد تنظيف بشرتي من بقايا المكياج
بالنسبة للكريمات
الاول كريم النهار و يعالج البشرة من البقع و يخفف من الدهون و يصلح بيس قبل المكياج بس للامانة ما جربته لهاي الشيء
و طبعا هو مرطب لتنظيف البشرة حق حماية ضد الحرار
الثاني كريم الليل و احسه افضل من النهار من ناحية نضارة البشرة
طبعا وظيفته مثل كريم النهار بالاضافة الى انه يضيق مسامات البشرة
~~~~~~~~
هاي جل احطه فقط على الحرار اكثر من مرتين باليوم حق يجف
و طبعا فاعليته مو سريعة مثل باقي المنتجات …
][ .. الحماية من الشمس ][ ..
بحكم اني احط ميك اب فاستخدم كريم الحماية من لرويال الي اهو اساسا يكون بيس قبل المكياج و نسبة حمايته عالية 50 و طبعا اني ما استخدم اكثر من هالنسبة
الكريم حلووو يخلي البشرة مخملية …
.. ][ .. العناية الدورية و الاسبوعية ][ ..
السكراب
سكراب يوم و ترك …
هاي السكراب جدا ممتاز و من اروع الانواع الي جربتها ينظف البشرة .
سكراب بالاسوع مرة او مرتين
هاي المنتجين حق فيشل اسبوعي بس الاول نستخدمه مرة فقط و الثاني نستخدمه مرتين و المنتجين امريكيين ممتازين بس بالنسبة لي النوع الاول افضل لان فعلا ينعم البشرة بشكل جدا واضح و من اول استعمال و مع مرور الوقت المسامات بالوجه تضيق بشكل واضح
جهاز اشتريته من خلال اعلان تلفزيوني و طبعا يجي معاه كريم تقشير كريستالي و الكريم اقل ما اقدر اقول عنه انه فضيع جدا و النتيجة بالضبط مثل الي تكون بالعيادات الخاصة
بس مع الاسف الكريم ما ينباع لحاله لازم معاه هالجهاز
الجهاز هو مساج و يساعد على تضييق المسامات و يعطي البشرة نضارة و طبعا المفروض ايكون استخدامه كل اسبوع مرتين او ثلاث ليعطي نتايج افضل بس مع الاسف استخدمه بين فترات جدا جدا متباعدة
][ الماسك ][
الماسك الاول طين مغربي ونتايجه حلوة و خفف من لون البقع البنية اثار الحبوب و طبعا يكون استخدامه ثلاث مرات بالاسبوع
الماسك الثاني فقط مرة بالاسبوع و استخدمه بعد الفيشل الي بالاسبوع مرة
يعطي نتايج جدا ممتازة … هو اساسا للتنقية و الشد … بس احس فاعلية الشد اكثر
طبعا في ماسكات ما صورتها لاني شلتها من علبتها الاساسية
و هي ماسك الكركم و العكر الفاسي و الاثنين روعة
و طبعا بالاضافة الى طين البحر الميت يستاهل الفايف ستارز من اروع الماسكات بس طبعا مخلص من عندي من فترة و حبيت اجرب اشياء ثانية
.. ][ .. العين .. ][…
كريم خاص للعين مغذي
و يفتح الهالات .. الكريم نتايجة حلوة بس ببداية الايام بسبب
حرقان خفيف تحت العين
كريم ازال مكياج العيون … حلو بصراحة خصوصا انه يصلح للعيون الحساسة
.. ][للرقبة ][ ..
بشكل يومي مرتين استخدم المنظف بالافكادو و فعلا التنظيف بالصابونه بروحه مو كافي حق التنظيف بشكل كلي .. وطبعا الاسكنيول فايدته الى جانب التنظيف … التفتيح
الكريم البابايا طبعا هو كريم وجه و كنت مخذته اساسا حق وجهي من كثر ما سمعت عنه ان يصفي البشرة .. طبعا فتح بشرتي في خلال اسبوعين لكنه بالمقابل طلع ببشرتي حرار فما قدرت اواصل عليه و لاني لقيت نتيجة حلوة على وجهي حبيت استخدمه لرقبتي و فعلا نتايجة كانت جدا ممتازة
واخيرا
][ .. ازالة شعر الوجه ][ ..
طبعا استخدم فيت الخاصة بازالة شعر الوجه
طبعا مستحيييل يكون مثل الحفاف لان الحفاف يشيل الشعر حتى القصار …
يعني اقدر اقيمة ب 6 / 10
و يبي له عناااية خاصة في طريقة النزع
ههه اول مرة حرق وجهي
و بما ان في الوجه هههه حبيت اضيف منتجين استخدمهم لاسناني و للفم
المنتج الاول معطر فم و ريحته مثل المجعون بس الانتعاش يبقى لفترة قصيييرة
المنتج الثاني مسواك و معروف طبعا حق تبييض الاسنان
يتبـــــ ع
مستحضرات العناية بالجسم
* العناية اليومية *
السكراب
الاثنين روووعة بس الاول وظيفته التبييض و الثاني وظيفته التنظيف و التنعيم
طبعا الاول احسه سوفت مو خشن عكس الثاني و لهاي السبب استخدم الاثنين مع بعض
صابونة تبييض البشرة
الصابونة حلوة بس بحاجة لفترة طويلة حتى تبان نتايجها ونسبة النتيجة الي تحققها متوسطة بس الشي الحلو الي فيها انها توحد لون الجسم
لوشن التفتيح و هاي اروع لوشن جربته و ريحته حلووووة
بس اهو مرتين يوميا للنتايج السريعة بس شخصيا استخدمه فقط مرة وحدة
المنتج حلو و فعلا يفتح بس عيبه ان متى ما تركتيه يرجع لون الجسم الاصلي فلازم المداومة عليه و عموما يستحق المداومة للنتيجة الي حققها
كريم للمنطقة الحساسة يعتني فيها و يفتحها بشكل ملحوظ مع الاستمرار
و هالكريم جدا جدا مهم
سكراب جدا خفيف استخدمه بعد السكرابين الاوليين و الشي الحلو الي فيه يكون مثل المرطب بعد السكراب …
الاول كريم مرطب استخدمه قبل النوم لان احس ان الكريم ما يمتصه الجلد بسرعة اما الكريم الثاني فهو اساسا كريم وجه لكني استخدمه حق يدي و جدا جدا ممتاز لان يخلي يدي كني حاطة فيها كريم اساس
طبعا عمل هالكريم بالضبط مثل عمل فير اندلفلي و كنت قبل استخدمه حق يدي و فتح لون يدي بشكل كبيير بس من كثر الاشاعات كرهته و تركته
هاي غسول بوندس طبعا استخدمته لبشرة وجهي وما ناسبني طلع لي حرار و صرت استخدمه ليدي و عطاني نتايج لا باس فيها
][ العناية الاسبوعية ][ …
حمام تركي روعة روعة للاسترخاااء و ريحته جدا حلوة تعيشج الجو
طبعا المنتج ينظف الجسم من البقع النية و مفيد جدا للاسترخاء و يجي معاه زيت نستخدمه بعد الحمام مباشرة بس للامانة الزيت ماجربته
وفي اشياء ما صورتها لانها تجي خلطات او كريمات من الحواج ماتجي في بكج مصنع و ما راح تكون معروفة و طبعا اهمها :
الحنة البيضاء للجسم .. تعطي نتايج جدا روعة بس ما يكون لي بارض اسويها خصوصا ان مو دايم الخلطة تكون صح مية بالمية لما بحط معاها ماي يا تصير كثيفة او العكس
ماسك الطين و يكون بعد الحمام المغربي يشد و ينظف و الاروع يروح الحرار الي يطلع بعد الحلاوة او الواكس
اما بالنسبة للحمام المغربي فاخذه كل مرة من مكان بس احسن واحد جربته الي من نزيه , طبعا حاليا استخدم واجد ماخذته من محل بجدعلي و احسه تمام ..
][ في الختام ][ ……..
في منتجات ممكن تفيدني و ممكن ما تفيد غيري و العكس صحيح , بس من خلال ما اجريت تجارب على بشرتي و جسمي عرفت ان اهم وسيلة لتحقق النتيجة المرضية هي المواصلة مافي نتيجة تبين من اول و لاثاني و لا حتى رابع استخدام ….
و اي استفسار او سؤال اني حاضرة !
عنايتك كثير حلوهـ
ما كنت ابي الموضوع يخلص !!!!!خخخخ
عنايتك ممتازة وانا اقولك لا تجربي اي خلطه علي وجهك لان تقريبا وجهك زي البشرة الحساسه
ولا تستخدمي اي منتج الا باستشاره طبيب
كفيتـي ووفيتـي ..
يعطيج الف عافيهـ حبيبتي ..
عى هالموضووع الحلووو ..
يسلموووووو على الموضوع الحلو والممتع
اممممم وأنا يوم اجوفج كنتي بيضه مش حنطيه :worn_out:
بس في شي حسيته ناقص في الموضوع
الا وهو
أسامي بعض المنتجات اللي مب واضحه في الصور + من أين يبتيهم؟؟
خبرج احنا كلش مانحب نقلد في هالسوالف 😮
منتجاتج حلوة ،،
تتهنين فيهم يارب ،، ^^
بس على فكرة ،، اسلوبج يشبه اسلوب العضوة حلمـ ،، 
يسلموووو ياعسل يعطيكـ العافيه
تم التقييم
 |
اقتباس |
 |
|
 |
المشاركة الأساسية كتبها بنت عاشور  |
 |
|
 |
| |
|
|
| |
جهاز اشتريته من خلال اعلان تلفزيوني و طبعا يجي معاه كريم تقشير كريستالي و الكريم اقل ما اقدر اقول عنه انه فضيع جدا و النتيجة بالضبط مثل الي تكون بالعيادات الخاصة
بس مع الاسف الكريم ما ينباع لحاله لازم معاه هالجهاز
الجهاز هو مساج و يساعد على تضييق المسامات و يعطي البشرة نضارة و طبعا المفروض ايكون استخدامه كل اسبوع مرتين او ثلاث ليعطي نتايج افضل بس مع الاسف استخدمه بين فترات جدا جدا متباعدة
|
|
 |
|
 |
ماشاءالله عجبني الموضوع
سؤال من وين خذتيه الجهاز ؟
من زمان ادوره بس مافيني شده اقعد ادوور
عندي كسل مزمن خخخخخ
وهل اقدر احصله في مكان غير الي انتي خذتيه منه يعني ابيه بروحه