حبيت في هالموضوع ان كل اللي لهم تجربة (فقط اللي لهم تجربه ناجحه )عاشوها في ازالة السواد من المنطقه الحساسه ، او الابطين، او الارداف او الوجه او اي مكان في الجسم تكتب تجربتها هني بالتفصيل
يعني شلون بالتفصيل
يعني
اول شي : وين كان السواد عندج؟؟
جم كانت نسبته؟؟خفيف وله وااجد
من وين سمعتي عن الخلطه او الكريم؟؟
شنهي هاي الخلطه بالتفصيل بمقاديرها بالضبط؟؟واذا كريم اسمه بالضبط
جم المده اللي استخدمتيه فيها ليما طلعت النتيجه وهل للان مستمره فيها؟؟وجم مره كنتي تحطينها ؟؟وشلون طريقتك ؟؟هل كنتي تغسلينها بعد فتره معينه؟؟هل
انتي مرتاحه من النتيجه الحين وناويه تستمرين على الخلطه ؟؟
هل في اشياء ثانيه استخدمتيها وساعدت مع الخلطه؟؟
اللي جربت وراح منها السواد تخبرنا علشان الكل يستفيد في المنتدى من خبراتكم وتجاربكم حتى لو كان السواد بسيط
اتمنى منكم جميعا حبايبي تتفاعلون في الموضوع
واتمنى ارجع له واشوف التعاون منكم علشان كلنا نطلع من هالمنتدى بنتيجه حلوة من تجاربكم جميعا
تكفون يا بنات لا تبخلون علينا محتاجين تجاربكم
,, .. حبيبتي موضوعكــ جداً رائــع ..,,
,,.. ان شاء اللــه البنــات يتفاعلــون معــاكــي ..,,
,,.. تحيــاتـــي ..,,
~*~*~*~*~*~*~
انا من الناس للاسف اللي ما يداومون عالوصفات بس الفازلين وكثرة الترطيب عموما مفيدة
وبجاوبج عن استفساراتج
وين كان السواد عندج؟؟
كان عندي بالركـــب
جم كانت نسبته؟؟خفيف وله وااجد
كان خفيف بس بعدها طحت مرتين على ركبتيني فزاد الطين بله وصار بشكل ممكن نسميه كبير وواضح
من وين سمعتي عن الخلطه او الكريم؟؟
ماسمعت عنه … انا اخترعته
شنهي هاي الخلطه بالتفصيل بمقاديرها بالضبط؟؟واذا كريم اسمه بالضبط
الخلطة انا وصفتها بموضوعي
جم المده اللي استخدمتيه فيها ليما طلعت النتيجه وهل للان مستمره فيها؟؟وجم مره كنتي تحطينها ؟؟وشلون طريقتك ؟؟هل كنتي تغسلينها بعد فتره معينه؟؟هل
انتي مرتاحه من النتيجه الحين وناويه تستمرين على الخلطه ؟؟
من اول ثلاث ايام بينت النتيجة بس استمريت لمدة اسبوعين او اكثر بشوي …
كنت احطها مرتين باليومين واذا كنت مشغولة مرة واحدة
طريقتي موجودة بالموضوع
الغسل مهم… وخصوصا بماي دافي يعني قبل ماتسوين الخلطة تغسلين الركب بماي دافي
لتفتيح المسام وبعدين تخلينها اذا حطيتيها قبل ماتنامين تغسلينها نهار ثاني
واذا حطيتيها اي وقت ثاني خلال اليوم تنتظرين كم ساعة وتغسلينها ..والحلو في الخلطة انج
ماتحسين فيها وماتملل مو مثل ماسكات الوجه لانها تجف وتمسك بالجسم
انا اكثر من مرتاااحة …. انا مستانسة ومنبهرة وعقبال الكل ان شاااااااء الله
هل في اشياء ثانيه استخدمتيها وساعدت مع الخلطه؟؟
كنت اسوي سكراب مرة الى مرتين بالاسبوع واعتقد ان حسن وسرع النتيجة لان السكراب يجدد
الجلد……
وربي يعطيج العافيـــــــــة حبيبتي على موضوعج المفيد وان شاااااء الله افدتكم
#رومانسية#
هلا خواتي , يالنسبه لي كنت استخدم الشبه وكان عندي سواد شديد في منطقة الإبط , وغيرت إلى مزيل العرق الابيض من نيفيا وخف بدرجه كبيره , والحين استخدم مزيل العرق من MUM الغير معطر بس ما احطه كل يوم ,والحمد لله خف الاسمرار اكثر .
بالنسبه لخلطات الجسم استخدمت خلطة والله ما اذكر راعيتها جزاها الله كل خير , تتكون من قشور الموز والحليب وليمون وبطاطا , النتيجه بينت من أول مره , لكن الكسل ما خلاني أداوم عليها .
في الوقت الحالي قاعده أجرب خلطة بنت عذاري لشهر العسل , والبدايات تبشر بالخير , بس المشكلة إني أحس أني مو نظيفه , والله المستعان
دمتم بود
تأكدو اني أول مايروحو باقول لكم