السلام عليكم ورحمة الله وبركاته
مرحبا بالجميع
ابارك لكم جميعاً هذا الشهر المبارك
اعانكم الله على صيامه و قيامه ،، وتقبل الله منكم صالح الأعمال
و اعتذر منكم عن قلة دخولي للمنتدى في الفتره الماضيه
كثرت التساؤولات والمواضيع في القسم عن السفيدآب
و بصراحه انا ما عرفته الا عن طريق المنتدى
و حبيت اجمع كل معلوماتي مع معلومات البنوتات ويكون الموضوع مرجع لجميع استفسارات البنات
بداية نعرف السفيدآب
هي مادة او حجر ،، يستخدمونها بنات ايران ،، العراق والشام لتبييض جميع مناطق الجسم و الوجه
كثر الحديث عن كونها مصنوعه من البيض او قشوره …
لكن من خلال سؤالي لـ
الكثير من بنات العراق اللي يستخدمونه ،، قالوا انه حجر يستخرج من الجبال ،، وفي العراق يستخرج من الجبال الموجوده في الشمال
له عدة اسماء :: سفيدآب ،، سبيداج ،، سبداج ،، سفيداج ،، حجر الباروق
و في منه المطحون ،، و في الحجر
ينصح دائماً بشراء الحجر و طحنه في المنزل ،، لأحتمال ان البائع ممكن يغشك ويخلطه مع بودره او اي شيء ،، طحنه سهل براحة اليد او بالهاون
بصراحه انا جربت الحجر من ايران وهذا شكله
تلاحظون لونه مائل للبيج و الأحجار مو متشابه في الشكل
لكن اللي جاني من العراق كان لونه ابيض مثل الطباشير وحجم الحجر اصغر ،، وكل الاحجار متاسويه في الحجم والشكل لكنها اخشن من النوع الايراني
لكن الاهم ان كلها نفس الطريقه وبأذن الله نفس النتيجه
و عندي لكم خبر جديد
ان في العراق حجر سفيداب وردي ،، و فائدته ان يعطي البشره لون وردي حلو ،، ما جربته لكني وصيت عليه
وفي للسفيدآب صابون ،، يستخدم للتبييض
بصراحه انا ماستخدمته ،، لكن البنات يمدحونه واللي مجربته لا تبخل علينا بنتائج تجربتها
و هذه صورته من الغاليه سهوور
عني انا اتبع طريقتين وحده للجسم والأخرى للوجه
طريقة استخدامه للجسم من اختنا الغاليه ناردين
ممتازه لكنها متعبه وصعب الاستمرار عليها
يعني لو شطوره تقدرين عليها مره بالأسبوع
وتستخدمين فيها الحجر بدون طحنه
من هنا
اذكرها لكم بأيجاز ،، وبلمساتي الخاصه
تجلسين في البانيو وتحطين الزيوت وكل اللي تحبينه ونصيحه مني ارمي قالب صابون طبيعي في
البانيو
غار
كركم
طاووس
او اللي تحبينه
هذا الطريقه راح تخلي الصابونه تلين جسمك
بعدها جيبي ليفه خشنه مع الصابونه وافركي كل جسمك ،، اشطفي بسرعه و بعدها امسكي منطقه منطقه بالحجر يعني لما يصير الحجر مثل الطبشور على جسمك وافركي بالليفه المغربيه او الخشنه لما يطلع لك مثل الخيوط البيضاء ،، واذا ما طلع ارجعي افركي بالحجر
بعدها اغسلي جسمك بالشاور جل ،، طبعاً تكونين غاسله شعرك من قبل
وكملي حمامك عادي
الطريقه الثانيه للوجه انا كنت استخدم الحجر بدون طحنه ،، لكن بعد طحنه حسيت الاستخدام اسهل و افضل
هذا شكله بعد ما طحنته
تاخذين الكميه اللي تحتاجينها و تخلطينها مع عصير ليمون وهو يساعد على التبييض ،، اما لو بشرتك تتحسس منه اخلطي مع ماء ورد
ومديه على وجهك ،، او اي منطقه غامقه عندك في جسمك
الطريقه من حبيبتي رومانسيه
من هــنـــا
بس انا ما استخدمها قبل النوم
احطها واخليها تنشف ،، على فكره هي تنشف بسرعه ،، وافرك بخفه عشان يطيح الزائد
ويصير على الوجه او الجسم مثل البودره البيضاء
اتركيها الوقت اللي تبينه وبعدها امسحي وجهك و اغسليه
الطريقه الأولى استخدميها متى ما تبين
اما الطريقه الثانيه فهي سهله جداً تقدرين تستخدمينها يومياً للوجه او الجسم
كم معلومه على الطاير
السفيدآب مع الاستمرار يخفف ظهور الشعر في الجسم
كذلك يفضل استخدام البودره قبل حف الوجه،، يقولون الحف يصير اسهل والنتيجه افضل
اما عن اماكن تواجده تلقونه عند العطارين :: الحواج::
حبيت اقول لبنات الرياض ،، ان كثير من البنات اسئلوا عنه وما لقوه
اما بنات قطر تلقونه في العطار في السوق القديم : سوق واقف ،، خلف سوق آل احمد اكيد تعرفونه
في شارع حمد الكبير ،، اللي يسمونه شارع البنوك ،، بالعربي الشارع اللي يودي لسوق الجبر والديره
اما عن سعره فأعتقد بـ 10 ريالات او 20 كميه مناسبه وتكفيك فتره مناسبه
هذا كل اللي عندي حبيت اطرحه هنا ،، واجاوب على التساؤلات قبل ان تطرح
و ذلك لصعوبه دخولي المستمر و تواصلي معاكم
اختكم// ام خالد
والله من زمان اسمع عنه السفيداب وماكنت ادري انه موجود في قطر
مشكورة وماقصرتي
ومبارك عليج الشهر الكريم[/frame]
وينعاد علينا وعليج بالصحه والعافيه
وتسلمين والله عالموضوع المفيد
وكل عام وانتي وخلودي بالف خيـــــــر
وفعلا استخدام السفيداب حق الحف وايد زين
وفي البحرين لما يحفون دوم بدل البودة يحطون السفيداب
لانه يخفف من ظهور الشعر 
مشكوورة مرة ثانية حبيبتي ام خالد على الموضوع
اختج
#رومانسية#
سهلتي علينا وجمعتي كل المعلومات في موضوع واحد
"صيـــــام مقبــــــول"
والله والله والله
جايه افتح المنتدى وانا اقول بشوف مواضيع رعبوب (انتي سابقا ) هع
اكيد عندها موضوع عن السفيداب لاني شريته من جم يوم
مشاللللله عليج دخلت ولقيت الموضوع بدون بحث
بس حبيت اسئلج بجم شريتيه لاني حاسه انه نصب علي
شريته من السوق اللي يم سوق ال احمد
والاحجار نقس اللي عندج بس اصغر وايد
جنهم يقط اذا تعرفينه
وباعني الحبه بريالين
وفي مره دخلت معاي المحل وشرته بنفس السعر
بس لما طلعت قلت مو جنه نصب علينا وسكتنا؟
فحبيت استفسر منج
والف الف شكر لج
حتى انا حابة اعرف سعره الاصلي قبل لا اشتريه
مابيه يقص علي لوووول
والله وحشتينا شلونك وشلون خالد ؟ ان شاء الله بخير
شمسوية معاه برمضان
مشكورة حبيبتي على المعلومات وان شاء الله الكل يستفيد منها
تسلم ايدك
كنت افرك المنطقة بالليمون واحط عليها السفيد اب المطحون وافرك شوي واخلية واغسلة الصبح ما لقيت تقدم يعني
شكلي بعاود علية مرة ثانية بس هالمرة بقعد افرك فية بجسمي
ويعطيج العافية