حبايب قلبى دا تانى موضوع ليا هنا فى قسم العنايه بالبشره اتمنى افيدكم
وانا بتصفح الانترنت لاقيت نصايح لخبيره التجميل "رانيا موسى "
بصراحه عجبنى وصفاتها جدا وفى اسئله وهى بترد عليها
انا هنزلكم الموضوع بتاعها ولو لاقيت تفاعل منكم هنزل الاسئله ان شاء الله
اتمنى الموضوع يفيدكم
مشاكل البشرة كتير.. وفي الصيف الأزمة بتزيد…
جفاف وبهتان.. تشقق شفايف!! بقع غامقة.. بثور سوداء!! هالات وتجاعيد.. وجفاف في القدمين والإيد!!
الحل لكل مشاكلك هتلاقيه بماسكات طبيعية جداً جداً قدمتها "رانيا موسى" خبيرة التجميل بالأعشاب والمواد الطبيعية في الندوة اللي أقامتها "ساقية الصاوي"
واللي جاوبت فيها رانيا على كل الأسئلة اللي بتدور في رأس البنات والشباب كمان في كل ما يتعلق بمشاكل البشرة والشعر في جو مليان بخفة الدم والمشاركة الفعالة من الجمهور، كما قامت رانيا بعمل بعض التجارب العملية بالماسكات لبعض البنات اللي حضروا الندوة…
ودلوقتي تعالوا نشوف الحلول اللي قدمتها رانيا لكل المشاكل اللي بتعاني منها..
F:البشرة شديدة الجفافF:
F:1- كريم اللانولينF:
المكونات:
قطعة لانولين خام بحجم عين الجمل
معلقة زيت زيتون
معلقة زيت لوز حلو
معلقة زيت سمسم
معلقة زيت جنين القمح
معلقة زيت مشمش
معلقة زيت ليمون
الطريقة:
بتسخّني مية كتيرة في حلة على النار وبتحطي على المية طبق حراري أو حلة أصغر شوية "حمام مائي" وبتسيحي فيها اللانولين شوية وبعد كده بتضيفي مجموعة الزيت المختلفة، وبتسيبيهم في الحمام المائي الساخن، ونستمر في تقليبهم لغاية ما المزيج يبقى له قوام كريمي، وفي النهاية بتحطي الكمية اللي عملتيها في برطمان صغير وتحطيه في الثلاجة وتستعملي منه على بشرة وشك وجسمك والإيدين والقدمين كل ما تحتاجي.
F:2- كريم شمع العسلF:
المكونات:
قطعة من شمع العسل
زيت لوز حلو
زيت ورد
الطريقة:
بتسيحي قطعة شمع العسل في حمام مائي بنفس الطريقة اللي فاتت وبعد كده بتضيفي زيت اللوز وزيت الورد، وبتحطي الخليط في برطمان وتستعملي منه كل ما تحتاجي، والماسك ده كمان مناسب لبشرة الوش والجسم.
F:ملحوظة
:
الكريمات اللي بتحتوي على العسل يفضل إننا مانسيبهاش على البشرة أكتر من 3 ساعات، أما الماسكات والكريمات اللي بتحتوي على ليمون ممكن نسيبها على البشرة وقت طويل لكن ناخد بالنا إننا ما نتعرضش لأي إضاءة قوية وهي على بشرتنا.
F:التجاعيد والبشرة المرهقةF:
لو بتعاني من ظهور التجاعيد على بشرتك، ولو بشرتك حساسة وبتلتهب بسرعة، ولو بشرتك باهتة ومرهقة ومحتاجة لتغذية ممكن تجربي ماسك ماسك الموز…
المكونات:
موزة
معلقة عسل نحل
عصير ليمون "في حالة البشرة الدهنية"
الطريقة:
بتهرسي الموزة كويس جداً وبتضيفي عليها العسل، ولو بشرتك دهنية بتضيفي نقطتين عصير ليمون، وبتفردي الماسك على بشرتك وتسيبيه حوالي ساعة أو ساعة إلا ربع، وبعد كده بتغسلي وشك كويس بالماء الفاتر.
F:البثور السوداء والنمش والبقع الغامقةF:
نصحت رانيا بعمل ماسك من الفجل البلدي لعلاج مشكلة البثور السوداء والنمش وكمان البقع الغامقة اللي بتظهر على البشرة بسبب الجفاف أو التعرض للشمس لفترات طويلة، ولكنها أكدت إنه علشان نشعر بنتيجة الماسك ده على بشرتنا لازم نواظب عليه لمدة 3 شهور ونعمله بشكل يومي، لكن كل 20 يوم ممكن ناخد راحة لمدة 10 أيام وفي فترة الراحة دي ممكن نحط على بشرتنا شرائح خيار…
طريقة عمل ماسك الفجل:
بنجيب الفجل ونعصره كويس جداً في عصارة البرتقال ونصفيه كويس، ونشوف السائل اللي هيطلع من الفجل قد ايه، يعني لو طلع معانا كوب من عصير الفجل نخلط معاه كوب من عصير الليمون وكوب من زيت اللوز الحلو، ونقلبهم مع بعض كويس، ونحطّهم في الثلاجة، وعند الاستخدام نرجّه كويس، ونحطّ منه على أماكن البثور والبقع والنمش، لكن لازم ناخد بالنا إننا لما نعمل الماسك ده مش لازم نتعرض لأشعة الشمس مباشرة أو لأي إضاءة قوية.
F:انتظرونى فى رد اخرF:
ده ماسك هايل لتفتيح البشرة، ومكوناته سهلة وبسيطة..
معلقة كبيرة ترمس مطحون
1/2 معلقة عسل نحل
1/2 معلقة زيت ورد
ماء ساخن جداً للعجن
معلقة ردّة
بنخلط المكونات كلها مع بعضها ونقلبهم كويس، وندلّك البشرة برفق جداً بالماسك ده في حركات دائرية، ونسيبه على البشرة لمدة ساعة أو ساعة إلا ربع وبعدين نفركه من على البشرة، ونشطف البشرة بماء فاتر.
جفاف الشفايف مشكلة بتؤرق الكثير من البنات، وفي أثناء الندوة قدمت رانيا وصفة طبيعية بسيطة وسهلة، ممكن نعملها بشكل يومي وهي إننا نخلط كمية صغيرة من اللبن مع نقطتين عصير ليمون، وندهنهم على شفايفنا كل يوم قبل ما ننام، وكمان نصحت بوضع شرائح الخيار على الشفايف لأنه بيفيد جداً في ترطيبهم.
للتخلص من آثار الحبوب اللي بتظهر على البشرة، ممكن ندهن بشرتنا والأماكن اللي فيها آثار الحبوب بزيت الليمون قبل ما ننام بالليل ونسيبها على بشرتنا لمدة نصف ساعة وبعد كده نشطف بشرتنا كويس بماء فاتر، ونكرر الموضوع ده بشكل يومي.
بالنسبة لمشكلة المسام الواسعة اللي بيشتكي منها ناس كتير وخصوصاً أصحاب البشرة الدهنية، فأوصت رانيا بوضع شرائح الطماطم على البشرة لمدة نصف ساعة يوم بعد يوم.
شرائح الخيار وعصير البطاطس يعتبروا من أفضل الحلول الطبيعية لعلاج مشكلة الهالات السوداء، لكن مع المواظبة والاستمرار عليها، والبعد عن الإرهاق والتوتر والسهر.
لو كانت أظافرك ضعيفة وبتتكسر بسرعة ومش بتطول، فالحل إنك تدلكيها بشكل يومي بزيت الخروع أو بزيت الزيتون الدافي.
الحبوب مشكلة بتحير وبتضايق ناس كتير، وفي الندوة نصحت رانيا كل الناس اللي بتعاني من مشكلة حبوب البشرة إنهم يستخدموا ماسك حبة البركة…
2 معلقة كبيرة حبة البركة مطحونة
كوب من مغلي زهرة البابونج "الشيح"
عصير ليمون
بشر ليمون
زيت ليمون
1- بنشطف البشرة الأول بكمية كبيرة من مغلي البابونج واللي سبق وقلنا طريقة تحضيره، وبنفرد على البشرة -وهي مبلولة بمغلي البابونج- طبقة من حبة البركة المطحونة، وبندلّك بها البشرة في حركات دائرية، لمدة 5 أو 10 دقائق.
وصفت رانيا اللوشن ده بإنه اللوشن السحري لتأثيره على تفتيح الجسم وإعطاؤه ريحة عطرة وفواحة بطريقة طبيعية، واللوشن مكوناته بسيطة جداً وهي عبارة عن كولونيا ليمون (555) وبنخلطها مع زيت ورد طبيعي بنسبة ثلاثة لواحد يعني بنحط 3/4 كوب من الكولونيا وربع كوب من زيت الورد، وبنحطهم في زجاجة ونحفظها في الثلاجة، وبندهن منه على الجسم بالكامل والوش لكن مع مراعاة إننا مانتعرضش به للضوء.
انتفاخ المنطقة حول العينين ممكن نتغلب عليه بإننا نعمل كمادات من اللبن البارد على المنطقة دي، وكمان ممكن نحط شرائح خيار، لكن يفضل إننا نكتفي بكمادات اللبن البارد بالنسبة للبنات الصغيرين؛ لأن الخيار بيستخدم على بشرة أكثر نضجاً.
لو عايزة تهدي أعصابك وتصفي ذهنك، فدي الطريقة اللي وصفتها رانيا وهي إنك تخلطي معلقة من زيت اللافندر مع معلقة من زيت الريحان مع معلقة من زيت الليمون مع مية، وتحطي الخليط ده على الفواحة وتحطيها في غرفتك الخاصة، مع الاسترخاء التام، هتلاقي نفسك هادية ومنتعشة جداً وكمان حالتك النفسية هتبقى كويسة، وممكن تحطي من نفس الخليط ده على ليفة الاستحمام الخاصة اللي بتغسلي بها جسمك، وهتلاقي جسمك بقى له رائحة مميزة وجميلة وهتستمر معاكي لفترة طويلة.
ممنوع النقل بدون ذكر اسم المنتدى والمصدر
بس الفجل معرفتوش لو توضحيلي
نونه حبيت اقيمك بس الميزان رافض
لي عوده ان شاء الله
امواااااااااه
لولو تتشرف بأن تكون ثاني واحد ترد
موضوع حلو و فيه نصايح مفيدة و كله من الطبيعة،،،
تسلمي عالتجميع و الترتيب.
ميزانك شو في له حل:struggle:
يعطيكى العافيه
 |
اقتباس |  |
 |
المشاركة الأساسية كتبها ** سوسو جزائرية **  |
 |
 |
|
تسلمي ياقطتي على هيك موضوع
بس الفجل معرفتوش لو توضحيلي
|
||
 |
 |
الفجل دا اخ الجرجير هههههههههههه خضره يابنتى بتتاكل ههههه
تسلمى ياسوسو على ردك ياقمر بجد نورتينى F:
وسيبك من التقييم ياحبى وتنورينى وقت ماتحبى بس المره الجايه تعرفى الفجل هههههههههه
|
اقتباس | |
|
المشاركة الأساسية كتبها i miss u dad |
|
|
|
لولو تتشرف بأن تكون ثاني واحد ترد موضوع حلو و فيه نصايح مفيدة و كله من الطبيعة،،، تسلمي عالتجميع و الترتيب. ميزانك شو في له حل:struggle: |
||
|
|
دا يشرفنى انا يالولو انك تنورى موضوعى بجد
تسلمى على ردك ومرورك العطر F:
وسيبك منا لميزان دا زى الميزان بتاعك عاوز الضرب هههههه
|
اقتباس | |
|
المشاركة الأساسية كتبها amy85 |
|
|
| مشكوره على المعلومات الرائعه يعطيكى العافيه |
||
|
|
جزاك الله خير ياقمر
نورتى موضوعى بجد F:
تسلمي ياقمر
وعايزين تاني طبعا واحنا نستغنى عنك ياجميل
اديها مترحميهاش هههههههههه
تسلمي على النصائح ياقمر
وأجمل خلطه عجبتني
2- كريم شمع العسل
شكرا وتستحقي التقيم
~
°•◦● ₪ °•◦● ₪°•◦● ₪