انا اليوم راح اكشفلكم على سرين من اسرارى حصلت عليهم بعد عناء طويل و هما سواد المنطقه و شعر الجسم هههههههههههههههه ال البت يعنى خبيره تجميل
اولا انا استخدمت كل الوصفات دى من على موقعنا هذا موقعى انا المفضل و اللى ما استغنى عنه ابدا
يلا نبدأ مش عاوزه اطول عليكم
اول حاجه الحلاوه او الشيره انا كنت استخدم الحلاوه العاديه و لقيت وحده كتبه عن حلاوه بتأخر نمو الشعر فجربتها بصراحه اول مره عملتها طلعت عينى و كانت بتسيح و بلاوووووووووى بس خليكوا معايا علشان تعرفوا الطريقه الصحيحه اللى توصلت اليها اخيرا
هنجيب مقادير الحلاوه العاديه بتاعتنا
كوب سكر + كوب ماء و عليهم شويه ماء صغيرين يعنى ربع كبايا كده و بدل ما هنضيف قطرات ليمون هنضيف نص الليمونه كلها
الزوائد اللى هنضيفها هيه
هنروح عند العطار نجيب حاجه اسمها فسوخ اول ما سمعت الاسم اتخضيت و زعلت قلت اكيد مش هلاقيه علشان بلدنا كل ما اسأل على حاجه يتنحوا مش فاهمين لاكن رحت و سألت لقيت العطار عرفه فرحت اووووووووووى قالى بتاع البخور قلتله ايوه ولا فاهمه حاجه طبعا ههههههههههه المهم انى لقيته
معلش بنات كنت حاطه صوره السعد و مظهرتش
ممكن الراجل يدهولك مطحون او على شكل حبات بندق نأخذ منه ملعقه مطحونه
تانى مكون هوا الشبه العاديه نأخذ منها 3 م كبار مطحونين
ثالثا 14 م مستكه مطحونه اللى بتستخدم برده فى البخور هيه شبه الشبه بس على اصفر شوى
نحط المكونات كلها و نقلبهم بمعلقه بس تقليبتين كده يعنى و نحطهم على النار و نباشرهم زى الحلاوه العاديه بالظبط ب
ملحوظتين مهمين جداااااااا
بس فيه حاجه الوصفه دى لازم تسيبيها لغايه لما تحسى انها خلاص هتتحرق يكون لونها بنى غامق علشان تبقى زى الحلاوه العاديه و تقدرى تفريديها و لو معملتيش كده هتسيح خالص و مش هتعرفى تعمليها المهم هتملكيها و هتلاقيها ملزقه ملكيها انتى بس و بعد كده تكونى محدره كيس و تحطيها و تفرديها داخل الكيس و تحطيها فى التلاجه و تقدرى تستخدميها تانى يوم
تانى ملحوظه مش هتعرفى تستخدميها فى مكان مش متسلط عليكى الهوا هتلاقيها ساحت لازم يكون عليكى هوا مروحه او تكيف
كمان لما تخدى حته حطى الباقى فى التلاجه علشان لو سبتيها بره هتسيح و لما تخلصى اللى معاكى تقدرى تخدى التانيه بس برده ترجعيها التلاجه
بصوا فيه بنات قالت انى استخدمت الوصفه دى و معملتش حتجه و اللى تقول عملتلى مش عارفه ايه هما اصلا مستمروش عليها فيها ايه يعنى لو تعمليها كأنك هيه دى الحلاوه اللى بتعمليها من زمان
انا بقالى عليها 6 شهور او اقل و الله يا بنات المناطق الحساسه بدل ما كان الشعر بيطلع بعد اسبوعين دلوقتى بيطلع بعد شهر و الجسم بدل ما كان الشعر بيطلع بعد شهر بقى يطلع بعد شهر و نص و كمان بعمله علشان زهقت بلاقى شعر طلع و الباقى لسه اعمل اللى طلعوا و خلاص يعنى لازم الاستمرار
تانى حاجه كانت السبب فى تأخر الشعر هوا السعد و محدش يقولى انا عملى و عملى و الله انا بقالى سنه عليه مشفتش حاجه خالص من اللى بتقولوا عليها دى يمكن طبيعه بشرات
الطريقه كوب زيت زيتون و هوا ايضا من ضمن الحاجات اللى بتخفف نمو الشعر هنسخنه على النار ثم بعد ما يسخن نحط 2 م ك سعد و اللى مش عندها مطحون تأخذ شويه كده و تحطهم و تسيبيهم شويه على النار و بعد كده سيبيهم يبردوا شويه بس غطيهم بأى قماشه علشان الفوائد كلها تكون موجوده بعد كده حطيهم فى برطمان و حطيهم فى التلاجه و سيبيهم يومين و بعد كده صفى الزيت و ارمى السعد كده عملنا زيت السعد هنخليه فى التلاجه و لما نعمل بالحلاوه ندهن لمده 6 ايام
طريقه تبيض المنطقه
بصوا اول حاجه لازم نصنفر المناطق الغامقه كل اسبوع مره او مرتين
تانى حاجه هنجيب كريم جلسوليد المتوسط + عصير ليمونه + 2 م زيت لوز هنقلبهم كويس جدا و نحط كل يوم منهم بس قبل ما نحط نغسل المنطقه علشان لو حطينا على بعده هتيجوا تقولولى وصفتك طلعتلنا حبوب انا كمان استخدم حته من كريم اسمه بوهلى متوفر فى البلاد الخليجيه اخلطه مع هذه الوصفه و احطه بس انا كنت بحطه مؤخرا لاكن عالطول باستخدم الوصفه دى وهذه صوره كريم جلسوليد
المهم هنستخدم الوصفه دى و لما نستخدم السعد نوقفها كمان زيت السعد هتلاقيه بيفتح المنطقه انا المنطقه عندى كانت اسود عارفين يعنى ايه اسود بفت و الحمدلله خلالالالالالالالالالالاص قريبه جدا من لون الجسم
لو عملتوا اللى بقولقوا عاليه هتلاقوا نتيجه حلوه بس الصبر بقالى على الوصفات دى سنه ربنا معاكوا بقا و معايا لما اتخلص من بقيه الشعر و بقيه السواد
يلالالالالالالالالالالالالا سلام لا تنسونى من دعائكم و اللى تجيب معاها نتائج حلوه تدعيلى كتير بالزوج اللى بتمناه يارب
لا تنسوا تقيموا موضوعى اذا اعجبكم
انا كمان اجرب عصير الليمون مع زيت الزيتون يفتح المناطق الغامقه
تظهر النتيجه بعد شهر
 |
اقتباس |  |
 |
المشاركة الأساسية كتبها واثقه بنفسها  |
 |
 |
| الله يدوم عليك البياض والنعومه انا كمان اجرب عصير الليمون مع زيت الزيتون يفتح المناطق الغامقه تظهر النتيجه بعد شهر |
||
 |
 |
عندي نبات سعد مطحون جاهز بس خايفه استخدمه 
وكريم جيلوسليد رووووووووووووووعه يفتح الجسم مع المداومه عليه
الله يعطيك العافيه حبيبتي
انا باشيل الشعر بامجوى مكينة نزع الشعر
و بالنسبة للتبييض استخدم الدوكين فورت و الخلطة اللى انتى كاتباها يا قمرى و فيه تحسن بسيط
جعله الله فى ميزان حسناتك
وهجرب طريقتك وانا سئلت قبل كده على الفسوخ ولقيته عند العطار
ولقيت ان العطار بيقولى بتستخدم مع المستكه وبتخفف الشعر بتاع الجسم
و الله يرزقك باللي في بالك