تطبيقى للسكرب السحرى للعضوة sweeeeeet g!rl 2024.

وبالفعل جربت السكرب وعملته ولسه طالعه من تحت الدش حالا بصراحة جسمى ناعم خالص بس

انا غيرت شوية حاجات لانها مكنتش متوفرة عندى يعنى طحنت الرز وحطيت عليه ملح الحليب

والملح العادى وعليهم الفازلين والجلسرين وزيت اللوز بس مكنش عندى زيت زيتون ولا كريم

جليسوليد فحطيت كريم دوف المركز وطبعا زيت جونسون بالافندر وعجنتهم مع بعض كانت شكل

البسبوسة كده قبل ماتحطيها ف الفرن هههههههههههه وحطيت الخلطة على جسمى وسبتها

شوية وقعدت ادلك بايدى وبعدين استخدمت الليفة اللى كانت منزلة صورتها سويت جيرل وبتاعتى

لونها ابيض بعد الفرك لقتها اصفرت والله تقريبا من البلاوى اللى طلعت مع الفرك :-# وبعدين غسلت

جسمى بالمية بس بصراحة خفت استحدم شاور النعومة تروح كنت حاسة انى هتظفلط من

البانيو من شدة النعومة كريم دوف وزيت جونسون ريحتهم طالعه وحاسة انهم سبب النعومة

دى مابلكم لو كنت حطيت جليسوليد ولا جيل جونسون:thumbs_up: كانت هتبقى اروع ودلوقتى

دهنت كعوبى ورجلى كريم دوف ولفتها بالرول البلاستيك ده وسايباها تسخن :woo:

وعاملة شعرى حمام كريم يعنى عملت حملة نضافة متكاملة من الشعر للقدم :p

وبس دى تطبيقى للسكرب وان شاء الله اعمله تانى الاسبوع الجاى

شكرا خاص لصاحبة الموضوع ويلا نزلى وصفات حلوة تانى من وصفاتك الحلوة :L::L:

ده لينك الموضوع الاصلى يا بنات

اقتباس

المشاركة الأساسية كتبها sherrykitty

	جازاك الله خيرا شجعتينى طيب خلاص وغير رأيى ههههه ما شاء الله ربنا يحفظك يا رب من كل شر وتفضل معاكى النعومة على طول

تسلمى يا شيرى على دعوتك الحلوة ويلا اتشجعى محدش واخد منها حاجة

بقالى فترة عاوزة اعمل تجديد واخيرا قررت:p

اقتباس

المشاركة الأساسية كتبها @smsm@

	ما شاء الله ام حموودى شطورة ربنا يديم عليكى النعومه وكل ما تستمرى النتيجه هتبقى احلى وان شاء الله احاول اجرب انا كمان هقيم لعيونك

ااه جربيه يا سمسم ده مخدش وقت خالص عملته فى ثانية وماشاء الله جميل وهاحاول استمر عليه ان شاء الله

شكرا على التقييم ياعسل

اقتباس

المشاركة الأساسية كتبها رووفة

	امممممممممممم ماشية معاك انت يا عسسسسسسسسل;) انا برده عجبني وناوية اجربه باذن الله

ههههههههه ااه ياروفه شوية دلع من نفسى بقه

اقتباس

المشاركة الأساسية كتبها sweeeet g!rl

	احم احم 😮 انا والله هطير من فرحتي وسعادتي لاني كان نفسي حد يجربه معايا ويستفيد معايا :adore: وانتي كنتي اول ضحيه قصدي اول مُجربه ( بهزر معاكي طبعا ) وتجربتك حلوه اووي ما شاء الله وجدعه انك ابدعتي واتصرفتي :thumbs_up: والحمد لله انك طلعتي باحلي النتائج والنعومه فعلا والله النهارده خدت شاور به وحسيت اني بتظفلط ربنا يباركلك يا قمر ويباركلك في النتيجه الحلوه دي وخافي بقي من الحسد وموفقه يا حبيبه قلبي انتي وكل اللي هتجربه :032: وكويس اكيد انتي كده هتشجعي بنات كتير يلا يا بنات فرجونا علي الهمه والنشاط بقي 😉

ربنا يفرحك كمان وكمان ياقمر الواحد بيقرا كتير عن وصفات بس المشكلة فى الكسل لكن ساعه ما بنوى تلاقينى زى النحلة وعاوزة اعمل كذا حاجة فى وقت واحد
وانا لما لقتنى بفكر طول الليل فيه قلت لا بقه اكيد هيبقى حلو ان شاء الله ولما جربته حسيت براحة نفسية والله بس انا عملت كمية صغيرة قلت اجرب الاول لو حلو ازود تانى :adore:
فاضل شوية صغيرين يكفو مرة كمان وهعمل تانى ان شاء الله ويارب الاماكن الغامقة تفتح وى كله يبقى لون واحد ..انتى عارفة انا عندى ملح الحليب من فترة بس كنت مكسلة استخدمه فلما لقيته داخل فى وصفة اتشجعت وقلت اعمله ربنا يجازيكى خير ياقمر ..

اقتباس

المشاركة الأساسية كتبها تتاوي

	ماشاء الله عليكي ان شاء الله نويت اجربه وانتي شجعتيني انا نفسي ي يتوحد اللون وقتها برتااااااح ان شاء الله اجربه مشكوووورة على طرح تجربتك

مشكورة يا اختى على المرور نورتى موضوعى :L:

يلا اتشجعى وجربيه مش بياخد وقت خااالص وابقى طمنينى على النتيجة

اقتباس

المشاركة الأساسية كتبها &Nada&

	ما شاء الله يا سولى ايه النضافة والحلاوة دى يا رب شيل منى الكسل عشان اعمله