السلام عليكم ورحمة الله وبركاته
ازايكم.. وكيفينكم.. قلبت اللهجه ههههههههههههههههه 
عساكم بخير وصحه وسعاده يا رب.. وربي يجعل كل ايامكم فيها الخير والبركه يا رب..
درسناا اليوم كيفية المحافظه على الأظافر.. ونظافة الأظافر مهمه جدا جدا.. يعني كيف تخلينها نظيفه وقويه ومرتبه.. وانا من النوع ان الاصابع تلفت انتباهي كثيرا.. يعني اذا حد شرح لي شي في الورقه على طول انتبه للاصبع :-# علعموم موضوعي بيكون شوي يديد بس في فكره عجبتني وحبيت اشاركم به.. يالله نبدء..
بس قبل كل شي كلعاده تقهوو معاي قهوة Dunk’n مع الحليب وريقو شوي معاي..
أول شي هنيه شكل الأصابع قبل عملية التنظيف والترتيب.. طبعا تلوع بالجبد اتحملو شوي ههههههههه :sick:
خلنا نقصها ترى النظافه من الايمان.. بقصها بحيث اخلي شكلها مربع شوي.. وانا ما قصيت منه وايد لان دورتي قريبه وابغي اكشخ حق بو العيال لما اصبغه باللون الاحمر 😮 ترى بوالعيال يستاهل.. يوم التنظيف بقصه بالمره لان بيكون عليي الصلاه وهذا طبعا اهم..
نجيب السحاته ونسحت من الداخل والاطراف..
وهذي الفكره اليديده الي ذكرتها بالموضوع من البدايه.. ترا هاي مش للعصير البرتقال هههههههههههههههه..
هذا شفت منه في اليوتوب يوم يستخدمونه الناس علشان الاظافر للمانيكير ورحت ادور عنه لينما حصلته في محل بيع ادوات التجميل للصالونات..
طبعا نعبي بماي دافئ مره للفاتر شوي يعني بحيث ان اصبعج يتحمله وتقدرين تحطين قطرتين من عصير الليمون لترطيب الاظافر ترى مفعوله وااااااااااااو..
طبعا تتركين الاصابع بالماي لفترة 6-8 دقايق..
وتجففين اليد جيدااااااااااااااااااااااا.. وتتركينه يجف لفترة 4-5 دقايق..
ومن بعدها تيبين هالشي.. هو عمله مثل السحاته بس لbuffing يقولون بالانجليزي يعني تعديل وتلميع الاظافر.. وطبها له وجهين وجه باللون الراصاصي اتمين تنظفين في الاصبع كانج تمسحين السبوره.. وبعدين تستخدمين الطرف الي لونه ابيض للتلميع وبنفس الحركه..
وهنيه بيكون شكله بهذا الشكل.. بس ما خلصنا بعدنا..
يتبع باذن الله ولا تروحون بعيد……………………:thumbs_up:
ومن عقبها وزعي اي زيت خفيف.. عني استخدم هذا من جونسون بريحة البابونج والافندر.. لان الريحته تهبل..
وبعدين اوزع الكريم المرطب من جارنرز 3 نقاط منه لانه وايد يرطب..
يالله انشوف الشكل النهائي..
وبالتصوير الهوليوودي ههههههههههههههه للدعايه..
همســــــــــــــه..
* أتمنى ذكر المصدر عن النقل..
* حقوق الطبع محفوظه..
* اتمنى التقييم لو عجبكم الموضوع..
* دعوه حلوه منكم تكفيني..F:
حبيبت الطريقه وأن شاء الله باعتمدها
تسلمي يارب
يعطيج العافية
جميل ..
و بالتوفيق
مشكورة يا عسل
طريقتك حلوة
أجربها ان شاء الله
ما شاء الله
موضوعج رائع اختي
الله يعطيج العافيه
تستاهلين التقييم
ماشاء الله تبارك الله
تسلمين يالغاليه
شكرا علمرور الطيب خواتي..
وطلتكم اسعدتي وااااااااااايد..:adore: