بصراحة كل مادخل المنتدى اشوف اكثر عن خلطة .. وكل مادخل Google .. تطلع خلطات وكريمات
انا مليت والله من كثر مااكتب خلطات … بس اكثر الكريمات والمستحضرات واللي حسيتها مشهورة قلت بخلطهم مع بعض
وماعرف النتايج … فيدوني … يابنات …. البارحة رحت الجمعية واشتريت … وامس قلت بخلطهن مع بعض بنشوف النتيجة … بس خفت .. قلت لازم استشير البنات ….
شو رايكن لو خلطت …
كريم جليسرود . فكس . كركم (من العطار) . شويه فكس وفازلين . بودة جونسن للاطفال . زيت اللوز مع الخروع مع زيت زيتون . مع جلسرين سائل . وصابونة غار مبشورة في ماي ورد . ( ولا من غير الصابونة ] افيدوني … هذه الخلطة قلت بحطها في الليل على جسمي كامل …
والصبح بغسله ب صابونة فلبينية RDL مبيضة بالخيار …
وشريت اللي يسلمكن … 3 صابون كركم … وقلت ببشرهن وبحطهن في ماي ورد وشوية زيت لوز …( هذه خلطة صابونة قلت بتسبح بها وانا راجعة من الدوام )
شو رايكم … ابدأ اخلط ولا … افيدوني … بليز بليز …
محتاجة للكل ,,,, يرد عليه لو سمحتن
..:: والله ياحبيبتي .. شوووفي الخلطااات من المنتدى ::..
..:: وشوووفي وش اللي يصلح مع بعض ::..
..:: يعني ماانصحك تحطين مواااد على بعض وبس ::..
..:: وشوووفي انتي تبغين حق الجسم بس .. شوووفي
يمكن في زيوت او شي ماتصلح حق الجسم ::..
..:: يعني شوووفي اللي يصلح حق الجسم .. واللي يصلح حق بشره الوجه وهكذاا ::..
..:: علشااان ماتوهقين عمرج فديتج ::..
..××..
..:: ][ روح أنثى ][ ::..
اول شي الخلطه اللي ذكرتيها باللون الاحمر استخدمتها وما نفعت
اذا تبين بيااض وصفاء للبشرة انصحج تستخدمين ((( النيل ))) وما اظن ما تعرفين النيل ؟؟؟
صدقينيه انا مجربتنه وكلمة رووعه شوي فيه …
واما عن صابونة الكركم تراها وايد اتجفف البشره واذا تبين بديل عنها صابونة البابايا انا هاي ارتحت عليها 
واذا تذكرت شي ثاني بقووولج
,, .. هلا حبيبتي .. نصيحتي لكي احذفي زيت الزيتون من الخلطه وخليكي على الجلسرين بس والخروع .. ,,
,, .. لانــه زيت الزيتون والخروع والجلسرين كلهم ثقال على البشــره .. ,,
,, .. زيت الزيتون فائدته ترطيب والجلسرين ترطيب شديد والخروع تبييض .. ,,
,, .. انصحك بالجلسرين + الخروع بس .. ,,
,, .. بودرة الاطفال لا تحطينها على كامل جسمك فقط على الاكواع والركب والابط وعلى سواد الفخوذ من الداخل .. ,,
,, .. نصيحتي احذفي صابونة الغار من الخلــطه .. ممكن تغسلين فيها جسمك لمن تقومــين .. ,,
,, .. الصابونه الفلبيينيه الي ذكرتيها للامانه ما سمعت عنها شي ..,,
,,.. الخلطه الي تتسبحين فيها بعد الدوام مره حلــوهــ .. ,,
,, .. بالتوفيــق حبيبتــي .. ,,
..::..
تحيــاتـــي
اوكي بحذف زيت الزيتون من الخلطة … واكمل الباقي ولا شو رايكن ؟؟؟؟
وبالنسة للنيل اعرفه .. بس وين اقدر احصله ؟؟؟
افيدوني … يعني اخلط الخلطة بس من غير زيت زيتون ؟؟؟
ومن غير البودرة ؟؟؟
ولا كيف ؟؟؟
وه وه وه وه وه :qaq:
كل هل مكونات لخلطه وحده !!
كل ما كانت الوصفه بسيطه كل ماكانت احسن
ممكن اتحطين ( الجلسرين + البودره + زيت الخروع + زيت اللوز ) خلطه وحده
زيت زيتون + زيت لوز + كم قطره عصير ليمون .. خلطه ثانيه
صابون الغار مبشور + ماي ورد + زيت اللوز + زيت خروع
.. خلطه ثالثه
اما الفكس فانا عن نفسي مااحب استخدمه لجسمي .. بس لقاعه الريل ( الله يعزكم ) اخلطه مع اشويه فزلين وزيت خروع
والبس دلاغ وانام
انشاء الله قدرت افيدج
اختج
روح البحرين