كيفكم يابنات عروس
ان شاءالله بخير
يابنات أنا ودي اسوي ازاله للشعر بالليزر بس محتاره ووايد خايفه
وعندي استفسارات كثيره فقلت مالي الا بنات عروس هم الي بيساعدوني
حاولت اني ارتب الاسئله لكم عشان ماأدوخكم وأطفشكم>>>على بالها تسوي اسئلةاختبار
السؤال الاول:ابي اعرف شو الفرق بين الليزر والفوتولايت والضوئي واليبس لايت؟؟؟
ووشو الافضل للاستخدام ولا يختلف الاستخدام على حسب المنطقه؟
والسؤال الثاني:كم الفتره الي اجلسها بعدين يطلع الشعر؟؟
وهل صحيح مايصير أشيل الشعر لابالحلاوه ولا الموس بين الجلسات ؟؟ وكم الفتره بين كل جلسه وجلسه؟؟
السؤال الثالث:هل صحيح يسبب تشوهات خلقيه للجنين والرحم..؟؟
السؤال الرابع:هل يزيد الشعر بعد استعماله؟؟
السؤال الاخير:هل هي مكلفه ياليت تخبروني كم تكلف يعني
سامحوني تعبتكم وطفشتكم بالأسئله
بس تعرفون ماقد سويته ونفسي فيه من زمان بس خايفه
وان شاءالله ماتقصرون وياي وتجاوبوني على استفساراتي ومب شرط عن كل الاستفسارت حتى لوتعرفين عنه شي بسيط
انا بجاوبج باللي اعرفه
السؤال الاول:ابي اعرف شو الفرق بين الليزر والفوتولايت والضوئي واليبس لايت؟؟؟
بصراحه ماعرف
ووشو الافضل للاستخدام ولا يختلف الاستخدام على حسب المنطقه؟
بعد ماعرف
والسؤال الثاني:كم الفتره الي اجلسها بعدين يطلع الشعر؟؟
حسب نوعية الجسم بس غالبا شهر تقريبا وحسب المنطقه
وهل صحيح مايصير أشيل الشعر لابالحلاوه ولا الموس بين الجلسات ؟؟ وكم الفتره بين كل جلسه وجلسه؟؟
ممنوع استخدام الحلاوه والموس مسموح والفتره تقريبا كل شهر فالبدايه وبعدين تبعد الفتره اكثر
وارجع اقول حسب الجسم اذا مشعره ولا لا
السؤال الثالث:هل صحيح يسبب تشوهات خلقيه للجنين والرحم..؟؟
ماضن..بس اضمن لج اسئلي دكتوره مختصه
السؤال الرابع:هل يزيد الشعر بعد استعماله؟؟
لا..لكن بشكل عام لو عملتي لمنطقه الشعر فيها خفيف بيزيد ويغلظ وايد ومع الاستمرار والمداومه بيرجع يختفي
السؤال الاخير:هل هي مكلفه ياليت تخبروني كم تكلف يعني
حسب العياده ويختلف من بلد لبلد
سامحوني تعبتكم وطفشتكم بالأسئله
عادي حبيبتي خذي راحتج
وأنا بعد الشعر فيني خفيف أخاف يزيد ويغلظ
أجل شكلي ببطل مابسوي
مشكوره دلوعه قطريه على ردك
والله يسعدك دنيا واخره
ياربيييييه والله محتاره
يابنات أرجوكم أعطوني من تجاربكم وخبراتكم
ولاتطنشوني
انتظركم
اذا الشعر خفيف انصحج لا تسوينه لانه بنت اختي شعرها اسود وغليظ سوته بعد اربع ايام بروحه يطيح الشعر وقعدت شهر ونص ما طلع واذا طلع الشعر لازم ما تستخدم اي شي على طول تروح العياده للجلسة الثانيه ويختلف اذا كانت البشره سمراء او بيضه اهي مسويه حق شعر ويهاا والرقبه انا بغيت اسوي بس اختر يألت حماها دكتور نصحها ما تسوي لانه بعدين اذا طلعت الشعره تلتف حول الخلايا داخل ما تطلع بره … هذا اللي سمعته وانتي روحي للدكتور احسن اهو خل يشوفج ويقولج اذا تحتاجين ولا لأ وسأليه …. احنه عندنه بالكويت بعياده بو شهري كلينك عند الدكتور احمد رشيد اول جلسه 25 وبعدين يقل لما يصير ثابت 15دينار بس واهو دكتوووووووور ممتاااااااااااااااااااااااااز ….. واسفه عالاطاله اتمنى اكون افدتج حتى لو شوي 
شوفي بالنسبة لليزر العادي فهوا يستخدم لو تبغي تتخلصي من الشعر فقط والشعر الأسود طبعا
لأنه ما يخرق إلا الشعرة السودا
بالنسبة للضوئي يعمل كتصفية للبشرة وألم أخف وتوحيد لون ويقفل مسامات لكنه للتخلص من
الشعرة فقط فهو ضعيف لكن للوبر وللشعر اللي مو أسود ممتاز
أما الجهازين اللي تقولي عنهم فالصراحة أول مرة أسمع بهم
ولو ما خاب ظني واحد منهم يعمل كإحياء للبشرة يعني ماله علاقة بالشعرة
والتاني الله أعلم
ووشو الافضل للاستخدام ولا يختلف الاستخدام على حسب المنطقه؟
شوفي أنا شخصيا اللي لاحظته مافي زي الليزر
لكن مشكلة اليزر اه يزيد الوبر يعني كل ما كانت الشعرة سودا وسميكة كل ماكان مفعول الليزر
قوي جدا بإذن الله تعالى
وصراحة أنا ما شفت أي أثير على الشعرة إلا خفيف جدا مع الضوئي
يعني لو تبغي تخلص من الشعر فنصيحي اليزر فقط
والسؤال الثاني:كم الفتره الي اجلسها بعدين يطلع الشعر؟؟
شوفي الليزر ماهو معروف 100% يعني على حسب طبيعة جسمك
والعادة إنه النتيجة تظهر من الجلسة الرابعة
لكن اللي لاحظته إنه من الجلسة الأولى تلاحظي أول شيء الشعر يبدأ يبطأ نموه
الجلسة اللي بعدها يبطأ أكثر من الأولى
الجلسة اللي بعدها تلاحظي الشعرة بدأت تخف
وهل صحيح مايصير أشيل الشعر لابالحلاوه ولا الموس بين الجلسات ؟؟ وكم الفتره بين كل جلسه وجلسه؟؟
بالنسبة للحلاوة ممنوع نهائيا تنتفي الشعر طول فترة الليزر
أما الموس بالعكس مرغوب بيه لأنه بيزيد سماكة الشعرة فيساعد على سرعة النتيجة بإذن الله
وأما الفترة فعلى حسب المنطقة لكن عادة تكون من 4-6 أسابيع في الجلستين الأولى
بعد كدا تعملي الجلسة لما تلاحظي الشعر طلع
وممكن ياخد تقريبا فوق الشهرين عشان يطلع
وطبعا الفخد لأنه أساسا طبيعته يطلع بطيء فممكن من الجلسة الأولى ما يطلعع إلا بعد شهرين وزيادة
لكن دائما جلسات الوجه هي اللي بتطول ونتيجه بكون متأخرة عادة
السؤال الثالث:هل صحيح يسبب تشوهات خلقيه للجنين والرحم..؟؟
اليزر له فوق الأربعين سنة مكتشف
وللآن ما ثبت أي تأثير له على الجنين أو الحامل ولله الحمد
وأساسا الليزر لا يخترق الجلد بإذن الله تعالى يعني أي تشوه ممكن يكون عبارة عن لون في الجلد أو جروح
السؤال الرابع:هل يزيد الشعر بعد استعماله؟؟
الشعر الأسود لا
أما الوبر فيزيد لأنه زي ما قلتلك الليزر ما يخترق إلا الشعرة السودا
السؤال الاخير:هل هي مكلفه ياليت تخبروني كم تكلف يعني
ايوة مكلفة بصراحة
لكن على حسب الطبيب اللي تروحي له
في عيادات تزيد السعر وفي عيادات سعرها معقول
لكن بالنسبة للضوئي فترى سعره أغلى من الليزر وجلساته أطول
وكل ما كانت بشرتك أفتح وشعرتك أغمق كل ماكان فيه إمكانية إنه يرفعوا قوة الليزر
وبكدا تكون النتيجة أسرع إن شاء الله
وأتمنى أكون قدرت أفيدك
على حسب المعلومات الي استفدتها منك يعني الليزر مايناسبني
بس بروح عند دكتور يوم وأشوف ايش يقول لي
وأكيد حبيبتي أفدتيني
ومشكوورره والله يوفقك ويسعدك دنيا واخره
… غ …
أجل شكل الضوئي هو الي يناسبني مو الليزر
وغريبه أنا سمعت ان كل الطرق الأربعه لازالة الشعر وأنا ماادري والله
ومشكوره أختي على كل معلومه كتبتيها بصراحه في أشياء ماكنت عارفتها
الله يعطيكي العافيه ويرزقك الجنه يارب