شخباركم ياصبايا ان شالله كلكم بخير الله يوفقكم يارب ويخلي الخير في دربكم دووم
يا احباب قلبي
انا عمري 19 هههه يعني في الجامعه <<شسالفه ؟
وغشيمه حيل في سوالف البشره..
صراحه يعني لما اقعد الصبح ..اغسل ويهي بصابونه جونسون مال الاطفال وبس..
واحط مكياج..كريم اساس خفيف مال ميبي لاين وبلشر واطلع.. وتتبين بشرتي حلوه ..
بس صراحه يعني
انا هالكم يوم قررت قرار بيني وبين نفسي.(ادعو الله يوفقني ويثبتني)..
قررت ان ماحط مكياج ابدا في الاماكن العامه غير الاماكن النسائيه..
اول شي سويته..شلت شنطه المكياج من شنطتي كلش….وقلت الله يوفقني ان شالله
بس بصراحه يا بنات
حسيت ويهي شااحب كأني مريضه….وكلما مشيت واحد يقولي شفيج مريضه؟؟ اضعف وافكر ارجع للمكياج..اقول ماعليه حطي بس بلشر.
..لكن ارجع واقول لا ماعليه…
انا بشرتي بيضه..فيها اثار حبوب خفيفه يعني مو عنيفه..احس يحتاج صفااء بس ويصير تمام…
ويمكن لان دراستي كمبيوتر فانا اكون مجابله الكمبيوتر ساعات متواصله..يمكن احس مأثر على عيوني مبينها كأنها تعبانه..
يصير تقولون لي شلون اهتم ببشتري بحيث تكون نظره ؟ يبين بياضها؟ ويبعد الشحوب عنها؟
مابي استخدم مكياج
ابي بس خطوات استخدمها الصبح وقبل النوم..لتنظيف البشره والاعتناء بها
وياريت تكون خطوات سهله
اكون شاااااااكره لكم كثير ..
اسمع كلام وايد..مرطبات مقشرات سكرابات..لكن مادري شسالفه ههه مرات استخدم بالصدفه كم شغله في كم يوم..لكن ماعرف اطبق اي نظام
تسلموووووووووووووو يارب الله يخليكم
وحتى الي مرو علي..وماعدهم شي يفيدوني فيه يسلم مروركم الله يوفقكم..ادعولي الله يثبتني على بعض القرارات الي اتخذتها بيني وبين نفسي
اناناسه
الله يثبتك وينصرك ويخليك بنت لهلوبة في امور البنات اللي ماتدرين وش السالفه فيها :biggthum:
نجي للمهم
اول شي لازم تشربين موية كثير قد ماتقدرين
ثاني شي روحي اشتري لك كريم حماية من الشمس وكريم لتحت العين وكريم مرطب لباقي اليوم وغسول وجه ومقشر
انا اسمع انك اذا اشتريتي مجموعة كاملة من ماركة وحده تكون النتيجة افضل علشان المكونات تتفاعل
في ماركات حلوه زي كلارينس وايسته لودر
واسألي عن المنتجات اللي تعطي نضارة للوجه مش تبيض لا نضارة كلارينس وايسته لودر عندهم واظن كل الماركات الكبيرة عندها
اسبوعيا تسوين تقشير مرة او مرتين وتحطين بعده قناع وبعد القناع تلقين انواع منها شي للبشرة الشاحبه اتوقع هذا يفيدك
وبما انك بديتي الاهتمام بسن صغير اكيد ان شاء الله كل شي بيصير تمام 
في المنتدى في خلطات ووصفات اذا تحبين تجربين الله معاك واذا تحبين الاسهل مالك الا الجاهز بس انتبهي على نوع بشرتك وشوفي اللي يناسبها
هذا اللي في بالي ……. كريم الشمس مهم اوكي
اذا محتاجه اي شي انا في الخدمة وان شاء الله اكون افدتك بشي
(f)
انا اليوم مريت على الصيدليه قبل لا انزل الجامعه قلت ممم لا خليني اشوف الاعضاء الحلوات وردرودهم الحلوه اول بعدين ادخل
تسلمي ما قصرتي =)
ان شالله تكون النتيجه تمام
غسول جونسون fairness علبته بيضا وغطاته وردية هو منظف ومفتح
وانصحج بصابونة الطاووس والبابايا لجسمج
اذا فيج حبوب استخدمي dalacin T كل يوم في الليل ويجي على شكل سائل وهو عبارة عن مضاد للحبوب
كل يوم قبل لا تنامين امسحي ويهج بسكينول على ليمون وحتى ايدينج ورجلينج
كل يوم حطي على ريولج وركبج وكوعج ليمون + جلسويد الاحمر ولبسي قفازات وجوارب
امسحي كل صبح ويهج بماء ورد بااااااااارد
اذا فيج اثار الحبوب استخدمي كريم سكينورين البرتقالي
واذا كني تشيلين حلاةو ويطلع لج حبوب غسليه بماي ورد اول ماتخلصين وحطي عليه كريم فيوسيدين مباشرة عقب مايجف ماي ورد وتخلينه على الاقل 5 ساعات
واستخدمي مقشر اسبوعي لها ( عندك مقشرات من كلارنس ولوريال وبودي شوب وبيور سكن وهيمالايا ) اختاري الي يناسب بشرتك
قناع الزبادي مخلوط بملعقة عصير نعناع اسبوعيا ينعش البشرة ويبيضها والنعناع عنصر فعال في علاج الحبوب
واستعملي كريم مرطب وواقي شمس
والله كنت محتاجه لهنالصايح
اختي حبيت اسأل
كريم سكينورين وصابونه الطاووسه والبابايا؟؟وين احصلهم يعني؟
في صيدليه او في وين؟
وسكينول على ليمون<<شنو يعني سكينول؟
كريم بعد؟
سامحيني
لكن الجهل ظلام ههه والعلم نور
الدنياا بخيــــــــــــــر
لووووووووووووول
ختيه انسه انانااااس … انا مثلج بالضبط .. بنوته 19 والحين بس فكرت
انا كبرت .. البنات كلهم مهتمين ببشرتهم .. انا ليش غير عنهم .. مايصير هالكلاااام
ويوم اروح الجامعة اكتفي بالكحل وبس .. ومراات بلا كحل بعد
ومرات يوم يدق ف المزاج احط من بودره اختي وادري هالشي اكبر غلط .. هيه لوون وانا لووون
لووول
كتبت موضووع ف هالقسم وفيه مشاركات بسيطة من البنات
الله يعطيهن الصحة والعافية
ف نهاية الكلام حبوبه … خلااص نحن استوينا ربع (غصب طيب)
لووول
وانشالله بنقرر توقاذر شوو بنستخدم توكيه ؟؟؟
انا بشرتيه دهنية وااايد وفيها مساماااات واايد
افا عليج نتشرف بهالصداقه الغصب… ههههههههههههههههههه
انا بشرتي عاديه ماتعتبر دهنيه
لكن فيها اثار حبوب خفيفه