السلام عليكم ورحمة الله وبركاته
الصراحة انا عندي 3 مشاكل والله يوفق اللي بتساعدني فيهن والصراحة كنت مستحية أكتب بس غيرت رايي وقلت بكتب وانتوا خواتي ومابستحي منكم
*** أنا أعاني من الكرشة ومن فترة قبل لا اسبح اسوي تمارين للكرشة بحيث اني اضغط عليها أو أسحبها للداخل بس مع الايام مليت وماقمت اسويها عسب جي ابى خلطة أو شي يساعدني واتخلي الكرشة اتخف مع الايام واتروح عني للأبد 😮
ملحوظة : قريت عن ماي ورد + خل التفاح وحطيتهم برش للعطر وقبل الاستحمام ارشه على منطقة البطن ( الكرشة ) والحمدلله مع الايام لاحظت اختفاء بسيط للكرشة بس المشكلة طلعت في انها إتأخر لي الدورة وانا لاحظت هالشي عسب جي وقفت لأني خفت اتسببلي مشاكل خاصة اني من كثر ماستخدمته انقطعت عني الدورة لمدة اسبوع وهاللي خوفني اكثر
*** المشكلة الثانية في الأرداف
عندي بروز واضح بالارداف خاصة لما ألبس تنورة ألاحظ بروز وانتفاخ في منطقة الأرداف والفخذ
وعلى هالمناطق استخدمت ماي ورد + خل التفاح ولاحظت تغيرات بسيطة بس ماوصلت للنتيجة اللي اباها ووقفت عن هالخلطة
*** المشكلة الثالثة والأخيرة السواد
عندي سواد في منطقة الركبة ماعرف كيف اتخلص منه
والسواد الثاني في المنطقة الحساسة خاصة على يمين ويسار المنطقة وفوق السواد شي حبوب بسبة لما استخدم الموس لأن مرات يطلعلي دم وعقب يتغير لون المنطقة وتسمر وتظهرلي حبوب لونهن بني غامق وبكثرة :confused:
فــ ياريت للي يعرف كيف أتخلص من هالمشاكل يخبرني ويقولي خلطة اتكون نتيجتها فعالة 100% بس بشرط اتكون مجربة من صوبكم يعني مابه خلطة ماتعرفون شو نتيجتها او قريتوها بالنت ولا تعرفون اذا هالخلطة مفيدة ولالا
حبيبتي الكرش والارداف حلهم في المشي والحركه وممكن نط الحبل متى ما يطري على بالج نطي بس قبل اي تمرين لازم تكوني لابسه صدريه مناسبه يعني من الركن الرياضي عشان ما يترهل الصدر وممكن ترشين الخل على الارداف بس قبل التمارين وهشكل بتكون النتيجه اسرع
واذا ما تحبين المشي ارقصي هههه والله نتايج الرقص اسرع
اما سواد الركب والمناطق الحساسه محتاجه سكرب باستمرار وبعدين الترطيب وتنشيف المنطقه بعد كل حمام تكرمين عشان ما يرجع السواد
نبتدي . . .
((((((الكرش))))) … وما ادراك ما الكرش !
انا مثلج معقدني
اشتركت بنادي رياضي وللحين ماشفت شي
ابتعدي عن الببسي والعيـــــــــــش … (هذا اللي معذبني انا) . . .ماتشوفين الاجانب ماعندهم كرش ! الا احنا يالخليجياات ! كله من هالعيش . . .
ولا تشربين ماي مع الاكل ..
ولازم تاكلين ٣ وجبات يوميا ..
وتدرين ان الفطور يساعد على تخفيف الوزن ؟
ايه يساعد على تخفيف الوزن .. لا تقولين هاذي شو تخربط ..
لان السعرات الحراريه تبتدي تحرق من الصبح !
ومن خلال تجربه …ايام الجامعه كنت اتريق واتغدا واتعشا وكنت اضعف
اما الحين فالاجازه بس اكل وجبتين الي هي الغدا والعشا
وامتتتتتتتن بوايد عن قبل !
بالنسبه للارداف ،،،
المشششششششششي ..
بس امشششي !!!!!
والحين حر وموت اخذي لج جهاز مشي !
وخليه عندج فالغرفه وامشي عالاقل ساعه فاليوم والله ينفع للارداف
او عندج سيكل؟ العبي فيه !
وبالنسبه للركب
– حفيهم بحلاوه
– سوي لهم سكراب بالليفه والمقشر بس خفيف مو بقوه وماي دافي …
– نشفيهم
– حطي عليهم اسكينول بالقطنه (بابايا)
– حطي عليهم اولاي
ولا تخلينهم ناشفين ..كله فيهم اولاي
شهر وعلميني النتيجه
واذا كلش كلش مافاد
في فالعياده الجلديه يسوون لج تفتيح المناطق السمره
(تقشير كرستالي ) بس وايد يكلف
شكرا
ننتظر تجارب باقي البناااات
رينا الخليجية
والله ودي بالرياضة واحتمال جريب اشترك بنادي واسير
وبالنسبة للرقص هههههههههه لو أعرف مابقول لا 
تسلمين يالغالية ع المرور
يعطيج العافية
عنودي
ماشاءالله كفيتي ووفيتي يالغالية
وفيه معلومات اول مرة اسمع عنها خاصة ان الفطور يضعف ههههههه انا وين والريوق وين ماقوم الا على صلاة الظهر وان شاءالله استخدم هالاشياء وبشوف
بس لازم حلاوة للركبة ههههههههه لأني استخدم الالة ومرتاحة فيها
وبالنسبة للتقشير ماحب افضل الاشياء الطبيعية
يعطيج العافية وتسلمين ع المرور
انكساري شموخ + سندباد
يعطيكم العافية وتسلمون ع المرور
عفوا
بس طبقي هاي وشوفي
وادعي لي
مو كل شي طبيعي طبيعي!
ترى والله انا جربته وفادني
كم اشكثر يباله لين ماتبين النتيجة ؟ كم اسبوع ؟ :sm229:
سمعوا تجربتي يابنات يمكن تستفيدون شي مثل ماانا استفيد منكم
انا متزوجه وعندي عيال يعني اكيد عندي كرش وصدري كبير وخصري عريض يعني مو منحوت ومؤخرتي مو ذاك الزود
بديت اسوي رياضه الاوروبيسك شهر واحد والله وماكملت
الا انا نحيفه بدرجه ماتتصورون وكان الجو عذاب يعني في الصيف ،صج هالرياضه تهد الحيل وتضعف وتخليج تشخين شخ من العرق
بس انا وقفت لان المؤخره انمسحت فقلت خلاص اهم شي اضعف الكرشه والصدر الحين
شنو سويت؟؟؟؟
قمت اشفط بطني شفط انا جالسه وانا منبطحه اطالع التلفزيون اطبخ في كل الحالات واذا ماشفطت احس اني متوتره ناقصني شي يعني صرت ارتاح ع هالطريقه احس انها تمحي معالم الكرش خصوصا اني اعشق اللبس الضيق فما ابي يطلع شكل بطني مو حلو والنتيجه وااااااااااااااو اختفت الكرشه نهائيا بسسسسسسسسسس!!!
الجزء السفلي من البطن هذا الي موجود مو كبير قل وااايد بس مترهل حيل وانا الي سمعته انه صعب ينشد وماظل شي ماسويته يعني الحين اذا البس ضيق مع الكلس العادي مايبان ان لي بطن بس لمن افصخ هدومي يبان الجزء التحتي مترهل
اما مشكلة الاردام والمؤخره فقاعده اسوي لها التمارين الي اشوفها في المنتدى وانشالله تجيب نتيجه خصوصا ان مشيتي غيرتها خير شر صرت عارضة ازياء في كل مكان مرات احس اني ملفته للنظر مو عشان تضحك بس عن جد تكون المشيه رايقه وشيك
وصدري استخدم له الخل والتمارين بعد عشان ينحف وراح اكتب بعد شعر شنو صار لاني توني مستخدمه الخل الطبيعي
انشالله اكون فاديتكم لو بالفليل