كيف الحال ان شالله بخير
ماعرف كيف ابدا بس انا بشرتيه حساسه ومايخوز الحب منها بسرعه ويضل اثره
استخدمت الكورتوزون ((اعتقد اسمه جذه) وماخليت كريم طبي من الدكتوره
او اي شي ماستخدمته
بالعكس يزيد الحب في ويهي .. ولو خـف يطلع في مكان ثاني 
الحينه اعلاج بكريمات طبيه بس ويهي واايد استوى جااف ومتقشر وطلعلي بعد حب مكان ثاني
بزياده وبشرتي استوت باهته .. حتى استخدمت زيت اللوز .. وبعد طلعلي حبوب صغيره
قريت واايد مواضيع بنت عذاري يزاها الله خير .. وفي كذا رد او موضوع عن حب الشباب
الحينه ابغي استخدم الي هي اتقوله بس من كثر ماقريت ماعرف في اي موضوع 
انا ان شالله باجر بسافر .. وعندي احساس ان ويه بيزيد فييه الحب وبيستوي باهت اكثر واكثر
فأبغي اخذ العلاج ويايه في السفر
ممكن حد ينوري ويقولي يزااكم الله خير 
الغاليه الي فهمته من موضوعج انج تعالجتي عند اكثر من دكتوره ومانفع صح ؟؟؟؟
اذا هذا الي تقصدينه ماعتقد ان نحن بنفيدج اكثر من الدكاتره هم اعلم بس شوفي دكتوره لها سمعه طيبه وروحي لها وترى علاج حب الشباب محتاج صبر وطولة بال
والاهم التوكل على الله سبحانه واليقين ان الشفا من عنده
نصيحتي حبيبتي انج تبدين يومج بغسل الوجه بغسول لحب الشباب وبعدها تكوني مخليه زجاجة ماي ورد بالثلاجه على طول وتاخذين منها شوي بقطنه وتمسحين على وجهج بس واني تمسحين تقولين (( بسم الله الشافي المعافي )) 3 مرات وبعدها تنشفين الماي بالتربيت على الوجه وبعدين ترطبين وجهج بعد بكريم خاص للبشره الدهنيه وضيفي شويه ماي ورد لزجاحة ماي عادي واشربي منه الصبح وترى ماي الورد ينشف فلا تهملين الترطيب وان شاء الله تشوفين نتيجه
والاحسن طبعا تروحين لدكتوره تكون ممتازه نفس ما قتلج وما تشوفين شر حبيبتي