السلام عليكم ورحمة الله وبركاته
كيفكم يالطيبات
الله يبارك فيكم
انا قريت مواضيع كثيره عن ايديال وخصوصا هنا في منتداكم
وسمعت عنه وكثير نصحوني فيه
بس المشكله ان المواضيع في منتداكم قديمه وفيه اخوات سالوا بس محد رد عليهم
والمشكله الثانيه ان مع كل الاساله الي انسالت مالقيت اجوبه حق اسالتي
فابي إذا وحده تعرف الله يبارك فيها ويرزقها كل الي في بالها اي شي عن ايديال
وابي تكون صادقه معي الله يخليكم انا تعبت وجهي كل ماكبرت احس الحب زااد احس وجهي اعتفس من كثر ما استخدمت له خلطات حتى العسل مافادني كثير ولا حبة البركه والحين عمري 19 سنه وابي الحل
فقررت اني استخدم ايديال بس من كثر ماخوفني بعض البنات الي في المنتدى انه اعتفس ويهم صرت ما افهم طريقه الاستخدام
فاسالتي هي (( ابي الي تجواب تحرص كل الحرص الاجابه عن كل سؤال عشن ما يتوه الموضوع ))
وعقب ابتدي من الاسبوع الثاني احط كل يوم
بس في اخت ذكرت انه لازم بالتدريج اول شي اول اسبوع مره في الاسبوع والاسبوع الثاني احط كل يومين عقب الاسبوع الثالث كل يوم
الحين شو اسوي اتبع الي بالورقه والا الي قالته الاخت الكريمه
والله يجزاكم خير
اختكم شموخ
حبيت أرد ع موضوعك لأني اشتريت هالكريم لأمي هي عندها آثار للحبوب وحفر ونمش واستخدمته اتفتحت بشرتها شوي بس تركته لأنها ماتحب تلتزم بكريمات والحمدلله ماصار لوجهها أي شي يمكن السبب عمرها فوق الأربعين وخلاص ماعاد تتأثر بشرتها وتطلعلها حبوب..ورح اجاوب ع أسئلتك عزيزتي باللي اقدر عليه وأعرفه إن شاء الله..
1- ف الاسبوع الأول كانت تسخدمه كل يومين يعني التزمت بالنشرة ..مثلا إذا حطيتي يوم السبت بعد 48 ساعة حطي مرة ثانية عشان تكوني متأكدة ومطمئنة أكثر..و ف الأسبوع أللي بعده يوميا..
2-كانت تحطه بالليل توزعه ع كامل البشرة وتغسله بالصابون أول ماتقوم لصلاة الفجر وأتوقع ف هالفترة حتى لو تعرضتي لإشعاع من الشمس مابيضرك لأن الشمس أول الصباح ما تأثر ..
3- إذا صارلك لاسمح الله تشقق وتقشر وحبوب في بداية استعمالك للكريم استخدمي زيت اللوز أو أولاي وهذي مجربة وأيضا كانت وصفة من طبيب..
4- إذا حبيتي تتركي استخدامك للكريم قللي استخدامه واستعمليه كل يومين (يعني كل 48 ساعة) وبعدها ف الأسبوع مرة وحدة فقط لمدة 3 أسابيع..
أتمنى أكون أفدتك أختي ونصيحتي لك عزيزتي لاتضيعي وقتك ف استخدام الكريمات والخلطات يمكن تكون بشرتك مشكلتها من الداخل ويمكن أفضل تعالجي عند طبيب.
نتائجه كانت كثييييير حلوة وملحوظة بس لمن تتركي يرجع كل شئ وكنت الاحظ مسامات وجهي صارت كبيرة
من تجربتي وراي الشخصي وسمعت انه من الكريمات الممنوعة
أسألي وتأكدي اول شئ
وموفقة حبيبتي
حياك الله اختي الكريمه جميله ام الريم:032:
وجزاك الله الف خير على ردك ونصايحك الطيبه
انا يا اختي ما استخدم خلطات انا بس استخدم العسل الصافي الاصلي وساعات غسول عشبة السدر ونصحوني بزيت حبة البركه استخدمته بس زيد الحبوب فقطعته وانا بصراحه كنت رااضيه بالوضع الي انا فيه وللحين رااضيه بس بعد انا صرت في سن زواج واحس الحب مغير من شكلي خصوصا اني بيضا (( مو بياض الثلج بس الحمدلله
)) يعني بس نقط صغيره اتبين وهذا مسبب لي عقده وانا ما شريت الكريم الا بعد ما قالوا لي عنه انه واايد زين وقريت عنه وفيه اخت اكدت انها سالت دكتوره والحمدلله طلع كل الي فيه مواد طبيعيه لانه مو مبيض هذا مقشر ومصفي يعني يشيل الجلد الميت بس يالغاليه ماقلتي لي اغسله باي صابونه عااادي مب صابونته
طيب سؤال نسيت احطه او بالاحرى سؤالين خخخ
الاول : بس اشعة الشمس الي تاثر عليه يعني لو احطه واطالع تلفزيون او فاتحه الليت عادي ؟؟؟
وثاني شي الماي يكون بارد ولا دافئ
خخخخخخخخ والله اسئلتي ترفع الضغط خخ بس ماعليه تحملوا
هلا وغلا اختي هنوده :032:
بارك الله فيج حبيبتي على نصايحج القيمه
طيب انتي قلتي انج عقب ماتركتيه رجعت بشرتج مثل قبل زين انتي تركتيه بالتدريج والا على طول تركتيه
اما بالنسبه عن المنع انا سمعت انه انسحب وردوا رجعوه فاكيد ما راح يرجعونه الا إذا تاكدوا انه خالي مافيه زئبق وخصوصا انه في بنات وامهات استخدموه لاكثر من 20 سنه ومواصلين عليه وما صادهم شي بالعكس بشرتهم مثل بشرة الطفل هذا والله اعلم
وخصوصا في بلدانا الخليجيه فيه تشديد من وزارة الصحه على اي كريم او اي مستحضر يدخل والدليل مصادره الشامبوهات الي يسببون سرطانات ونشروا صورهم وكل شي مع ان الشمبوهات يديده اما ايديال انا عرفت انه قديم واايد بس يمكن النتايج كانت تختلف من بنت لبنت بسبب الاستعمال او طبيعة البشره وانا الي اغلب الي قريت عنهم كانوا مستانسين منه واايد وعاجبهم وهدوم وما حصلت لهم اي مضاعفات
على العموم جزاج الله الف خير
والله يرزقج كل الي في بالج
بس إذا تقدرين تفيدني بهالسؤالين كل ماقررت استخدم الكريم اتفاجأ اني متردد بسؤال خخخ
الاول : بس اشعة الشمس الي تاثر عليه يعني لو احطه واطالع تلفزيون او فاتحه الليت عادي ؟؟؟
وثاني شي الماي يكون بارد ولا دافئ
دمتي بود
امي صاتر مسامات بوجهها والله
ايديال يخرب الوجه يسوي حفر
روحي الطبيبة تعالجك احسن شي لا تلعبي بوجهك
في مستحضر طبي كويس اللي هذا صورته يفتح شوي وينفعك للاثار اثار الحبوب
وفي كريم للحبوب بعد طبي الدوك بتركيز 25 % على الحبة فقط تضعينه ..
وانتي حتى ولو تروحي للصيدلية هو يعطيك دوا للحبوب ولاتخربطي بكيفك والله نصيحة
واتمنى اكون افدتك وانا بمثل سنك واستخدمت هالاشيا ونفعتني الحمد لله
شفتي حبيبتي برد الاخت ماضية بالزناد نفس السلبيات اللي قلتها لاحظت مسامات انا عن نفسي تركته مرة وحدة مو بالتدريج حبيبتي جربي لوريال والله حلوة ونتائجها روعة ومجربة