موضوع حلو …
انا ما اتوقع ان تكون لي صديقة قريبة مني وبعدين تتكلم علي من وراي او انها مصاحبتني عشان مصلحة بس لو اكتشفت متأكدة ان كل جرأة الدنيا بتحل علي عشان اصارحها واواجهها
والموقف صار لي من قبل مع وحدة اعتبرتها صديقة اكثر من انها قريبة … كنت اشك انها تتكلم علي بعدين وصلني كلام قالته واللي خلاني اتأكد انها قالته لان الموقف صار قدامها
في البداية قاطعتها لاني ماعرفت كيف اتصرف معاها بعدين كلمتها وقلت لها اني سمعت كلام قالته عني واني متأكدة منه …. ومن ذاك اليوم وانا صرت احذر منها لان اللي يغلط هالغلط يمكن انه يكرره مرة ومرتين واكثر بعد
صارت ماعندي ثقة فيها هي بالذات
عموما الباب اللي يجيك منه الريح سده واستريح ولو اعرف ان وحدة مصاحبتني عشان المصلحة وهي تتكلم علي من وراي بتركها بدون تردد بعد ان أتأكد طبعا
اما في الجامعه وحده للاسف من ربيعاتي لما تبا شي طفرني لدرجه ما تتخيلونها يعني تلفونااااااااااات ومسجااااااااااااااات لكن بعد ما يخلص الموضووع الي تباه خلاص ما بدق تلفون ولا بتسأل عنج ، في الاجازات ابدا ما تسأل يعني الاجازه شهرين ولا مره اسمع صوتها إلا اذا انا اتصلت !!!!! تعرفون مره كان عندنا كتابة تقرير سالناها كتبت التقرير قالت لا بعدين بالصدفه انا وربيعتي كنا قاعدين في مكان كانت حاطه اوراقها فيه وشوي ونشوف انها كاتبه التقرير تعرفووون ليش تقول لا عشان ما تبي احد يقولها هاتي بنشوف شو كتبتي مع الكل كان كاتب التقرير ، ووووووايد مواقف بس انا اقول حق عمري الانانيه وحب النفس ما تضر إلا صاحبها وعلى فكره انا اكثر من مره كلمتها على سالفة الانانيه لاني ما احب ارمس عن وحده وهي ما تعرف بالغلط الي تسوييه ترى رحت وقلت لها يا فلانه شو الي يخليج تتصرفين بالطريقه هاي تقول بس وتقول ان شاء الله بتغير اسبوع يمر تكون البنت اوكيه معانا لكن بعد الاسبوع ترد الابنيه لعادتها القديمه بس الله يهديها ويهدي الجميع بس الدنيا اقول دايما بتعلمها الصح من الغلط انا مو مستعده اخسرها بالرغم من انها ربيعة مصلحه لاني اكون قريبه منها احسن من اكون بعيده منها .
لكن انا عمرها ما استوتلي اني عرفت من غيري انه في ربيعه قالت انها بس مرابعتني عشان المصلحه لكن لو استوالي الموضوع هذا بصراحه بكسب الموضوع لجهتي يعني بساعدها وبحتسب الاجر من الله ، لكن للاسف انا ما سمعت انا حسيت وشفت
أنا ماحصل لي الموقف هذا مع صديقات لأني أصلا ماعندي صديقات صديقاتي هم أخواتي والباقي جمعتني فيهم مدرسه وجامعه
الحين عمل يعني علاقات عاديه …….لكن كان عندنا جاره وها الكلام من سنين دامت علاقتنا فيها أكثر من عشرين
وماكنا نصدق فيها أبد أي شي وأمي كانت تعتبرها وحده من بناتها وكانت تجينا بأي وقت وبعدين إكتشفنا بس مره متأخر إن كان لها مصالح
منها إنها كانت توفر عشان تبني بيت تجينا وقت الوجبات هي وعيالها ورغم كانت تصير مشاكل مع أى وأبوي لكن أمي كانت
تقول لأبوي عيب مايصير يعني اطردها ..وكان مسكين يصبر ما يبغى مشاكل ….وكانت وااله لما تروح مع أمي السوق تشتري
أشياء وهي ماعندها قيمتها وأمي تكمل لها وماتردها ..وحتى حق التاكسي أمي كانت تدفع وأمي كانت تحن عليها تقول يتيمه مالها
أحد غيرنا………وبعدها تأكدنا إنها ماصانت العشره وكنا سالفتها في المجالس نسمع أخبار البيت كلها حسبي الله عليها
المصيبه والسؤال من وين جابت هالصبر كله خصوصا إن وحده من خواتي كانت ماتحبها وتبين لها هالشي ….حرباء كانت تتلون
والحين نست كل عشره ذيك السنين ودورت غيرنا …….تصدقون كانت تستلف لبناتها فساتين الأفراح تقول ماعندي أشتري لهم وكنا نذاكر لعيالها …….ووووووووو
وأثرها تجمع الفلوس والله في علبه حليب نيدو حسبي الله……….والسالفه تراها طويله …….
لكن حبيبتي الدنيا دوارة وما طار طير وارتفع إلا كما طار وقع
الخل الوفي من المستحيلات الأربع ياأخواتي الكريمات