ليه ايام الوناسه والدلع بس في البدايه وبعدين عادي 2024.

السلام عليكم ورحمة الله وبركاته

انا في خاطري هالسؤال وحابه اعرف ارائكم ……………….للمتزوجات فقط

ليه الوحده اول ماتتزوج تهتم بنفسها وتعدل وتكشخ وكلام حب لزوجها وخرابيط وبعدين بعد ثاني طفل لها او يمكن الاول تصير حياتها عاديه وماعاد تكشخ مثل وشعرها حالته حاله وشكلها والمكياج ماينحط الا في المناسبات واذا فكرت تكلم زوجها على الجوال مو عشان تقوله كلام حب وشوق لاااااااااااااااااااااااااااااااااا

عشان تقوله جيب حليب او اغراض للبيبي

وخلاص تروح ايام الدلع والسوالف

على فكره انا مو متزوجه بس تعقدت من اللي حولي اذا شفتهم بهالشكل وازواجهم بيجون من برا مثلا اقولها قومي اكشخي او تعدلي تقوللي ليه وين برووووح ههههههههههه

اقولها يالخبله عشان زوجك تقول يااااااااااااااااااه خلاص شبع من شكلي

مع اني انا في قراره نفسي اقول لما اتزوج باذن الله ماراح اكون مثلهم لان انا اولا
رومانسيه بعدين احب اللبس والكشخه والتعدل حتى لما الله يرزقني بعيال بعد راح استمر …..

اللي عندي ((اللي غبر عليها الزمن )) تقوللي كله كلام اللي تقولينه عقب الزواج والعيال يتغير كل شي وتحسين انك مو فاضيه لهالسوالف

انا ابي اسمع ارائكم لاني مو مقتنعه جايز هذه وجهه نظري :think:

شدعوه :eek2:17 وحده قرت الموضوع ولا رديتوا على الاقل مجامله

وهج

بالعكس الحمد لله انا من نوعيتكِ احب التغيير واحب اعيشه ايام حلوه حتى اموت

احب يتذكرني وهو بعيد عني اهتم فيه واهتم في نفسي واهتم في نظافتي ونظافة بيتنا

بيحس بكل الفرق اكيد خصوصاً للي زوجها جرب حياة العزوبيه

انا انتقد البنات اللي ماتهتم بشكلها تقول خلاص صار يعرفني

طيب هو يعرفك بس حسسيه انك كل يوم تتغيرين عكس امس وقبله عكس قبل شهر

واهم شيء طاعة الله سبحانه

يسلمو موضوعيه على مرورك يالغاليه والحمدلله ان في حد مثلي ويؤيدني:flower:

انا لي الحين ما تزوجت
ادعوا لي يااا بنااات
بس انا نوعي احب التغيير و التجديد ما اعتقد اني ممكن أهمل روحي واحب الكشخة و المكياج و كل شي حلووو
شكرا لج حبوبه

علشان جه تستوي عيون الريال زايغه يمين شمال2

((((((((((((((((((( ولا تقولن لشي اني فاعل ذلك غدا الا ان يشا الله )))))))))))))))))

عزيزتي وهج الغرام

المراه المتزوجه وخاصة الام مو مثل ما كانت بنت فاضيه ماعندها الا نفسها لا طبخ ولا مسؤلية اطفال ولا مسؤلية بيت كامل ماعندها الا غرفتها ومقالبله مرايتها وتتمشط وتترقص وتتزين

هذه انا كنت كذا اووووووول وكنت اقول بتدلع وبتزين وبسوي وبسوي

لكن الزواج والانجاب و التربيه والمسؤليه ماهي مثل منتي مفكره بكل بساطه وسهله لا والله ياوخيتي خلااااااااص الواحد يمل ومايلقى احيان وقت لنفسه

يادوب تهرب من بيتها تطلع الجيران عشان تغير جو الضغط اللي عايشته او مثل مانسوي حنا هنا نجي المنتدى نطلع الكبت

حبيبتي ماهو كل ماتتخيلينه سهل ولا كل ماتتمنيه بيصير

احيان الزوج مايشجع
احيان الجو مايساعد
احيان قلة النوم تنرفز

والمراه اللي عندها شغاله تشيل عنها شغل البيت مو مثل اللي كل شي على راسها وانتي ناظري واحكمي

فلااااااااااااا تقولي انه المراه تتغير من لاشي
لا عيوني

واسفه لو طولت عليكم لكن انا حسيت اني بديت فعلا اتغير وهذه بعض الاسباب

وبالتوفيق

صح لسانك ياالبقره الوحشيه والله كلامك رهيب

مرحبا حبيبتي وهج الغرام
صراحة موضوعج شدني وراح أقولج رايي فيه بصراحة. الوحدة فينا على حسب زوجها في حريم وايد تلاقينها مسكينة تكشخ وتتزكرت حق زوجها وتلاقينة مو مهتم أو ما يعلق ولا تسمع منه لو كلمة حلوة مع أنها كل يوم تغير من الوك بس ما يبين بعينهم
لا واللي يبط الجبد لا لقيتها ساعة قدام المراية تتكشخ وأخير شي يحط راسة وينام تلاقينها من القهر تنام بمكياجها ، عشان جذي تلاقين الوحدة تتكشخ أول أيام الزواج وبعدين يمل الزوج ويكشت فيها :mad2::mad2:.
لاوتبين اللي يبط الجبد صج في ريياييل لالقوا حريمهم كاشخين تلاقينه يعلق(شعندج كاشخة اليوم ترا مالي خلق) كأن الوحدة لاكشخت تبي شي اليوم .وتلومينا وتقولين ليش ما نكشخ وندلع عليهم؟؟؟؟:cry::cry:

حبيبتي وهج الغرام
انشاء ربي يرزقك وتتزوجي وراح تعرفي ان راح تكشخين يوم واثنين شهر وشهرين بس بعدين لمن ماتلاقي مقابل بتملين ولكن راح تستمري في الكشخ بس بعدين تزعلي لان الناس يلاحضوا شكلك وهو ماشاف شي ولمن تواجهيه راح يقول شفتك ماشاء الله بس لازم اقولك ماشفتيني (اطالع فيكي)
اما اذا كان يلاحظ فالله يعينك يعني يمكن راح يشوف الشعره الشقره من السوداه