الزوج: الوووووو
الزوجة: هلا وغلا
الزوج: اسمعي الغدا جهزية بدري ابي اجي اتغدا وانام على طول لاني تعبان
الزوجة: ابشر ياغالي….من عيوني الثنتين
الساعة الان 2 الظهر…
الزوج: ام محمد حطي الغدا بسرررررعه جوعان وتعبان
الزوجة: خلاص جاهز ي تعال تغدا
انتهى الزوج من الغدا وكانت الساعة تشير الى 3 …
الزوج: ابي ادخل غرفتي انااااااااام ولا ابي احد يصحيني او يزعجني ولاتخلين العيال يجوني يصجوني..
الزوجة: ابشر ولا يهمك ادخل وانام وعساها نومة العافية يارب
الساعة تشير الى 5 عصرا…
الزوج: ام محمد سويلي شاهي راسي مصدع وحطية في مجلس الرياجيل ولا يجوني القرودة يزعجوني ترى ماني بناقص ( القرودة يقصد بها اطفاله)
الزوجة: على مضض طيب طيب
الزوج: شرب الشاهي ونظر للساعة لقاها 6 !
ونادي ام محمد
الزوجة: هلااااااااا
الزوج: انا بطلع مواعد لي رجال ..
الزوجة: يعني ضروري تطلع؟؟اجلس معنا العيال مشتاقين لك
الزوج: ايه ضروري بخلص كم شغلة معه وارجع
الساعة الان 10 في الليل وام محمد تنتظر قدوم زوجها..عشان تتعشى معاه
الزوجة: ابومحمد وينك العشا برد؟
الزوج: لا تعشي انتي انا معزوم في الاستراحة مع الشباب
الزوجة: بتتاخر؟؟؟!!
الزوج: ايه بتاخر
مشهد يتكرر في الكثير من المنازل….
كثير من الازواج ترى حياتة بعد الزواج هي نفسها قبل الزواج نفس الروتين والجدول لم يتغير شي …
مابين السهر وضياع الاوقات والنوم والعمل ….لا يعرف المنزل الا وقت الاكل والنوم فقط..
والكثير من الزوجات يشتكين من هذا الوضع المؤلم فالزوج يقضي اغلب وقتة في الاستراحة واذا اتصلت عليه الزوجة تطلب شي قال اتصلي على اخوك يجي يوديك انا مشغول !
انا برأيي انها قضية خطيرة لان الزوجة تحتاج للاهتمام والرعاية العاطفية اكثر والكثير يظن ان الزوجة خلقت لتعمل
بلا كلل او ملل في المنزل وعليها السمع والطاعة واذا تكلمت وقالت لزوجها انا احتاجك ومحتاجة القرب منك..
يكون رده الرد المتعارف عليه
( انتي وش ناقص عليك تلبسين احسن لبس وتاكلين احسن اكل وخدامة انترنت وجوال وش تبين اكثر من هذا )
ويذهب بعد ذلك متنقلا مابين الاستراحات والمقاهي والاصحاب !!!
من منكم مثل هذا الزوج؟؟؟؟وماالسبب الذي يجعل اغلب الازواج يعيشون بهذه الطريقة؟؟؟
وما الحل برأيكم لهذه المشكلة التي تعاني منها الزوجات؟؟؟
كلام صحيح ..اغلب الريايل الحين هذا برنامجهم اليومي ..ولاحول ولا قوة إلا بالله..
والدور يجي على الحرمه هي اللى لازم تعرف تجذب زوجها وتخليه يحب يقعد فى بيته..
وصدقيني الحرمه تلعب دور كبير فى استقرار الزوج ..
ومشكوره على الموضوع..
ياكل ويطلع وما يرجع غير متأخر 2أو 3 وينام
ولازم تكون صاحيه لما يجي وإلا يزعل:ss::ss::ss:
طيب خل المسكينه ترتاح:mad:
ويصحى الصبح يروح الدوام وهكذا كل يوم تقول لي ملل بشكل فظيع الله يعينها ويعين الزوجات اللي ازواجهم كذا ويهدي الأزواج اللي كذا يارب
لانهم لين قعدو مجابلين زوجاتهم بيقعدون لهم قعده ويرفعون ضغطهم
مثل الشياب ليش وليش وين ومتي والزوجه تركض رايحه جايه وهم يتحنطمون
ويتدخلون في كل صغيره وكبيره
خلهم يطلعون ومتى ماجاو حياهم الله
والله يعينا على مزاجهم
الله يعين زوجاتهم
على المشاركه الحلوه
وبانتظار اراء الاخوات