السلام عليكم …. بنات والله فيني غصة مب قادرة اسكت على اللي يسويه ابوي احنا ست بنات الكبيرة متزوجة وام اطفال اختي اللي بعدها ماتزوجت وهي اكبر مني انا واللي اصغر مني تزوجنا والثالثة بالطريق ملكت واختي كاسرة خاطري والله مرات ابكي بسببها هي عندها مشكلة اذا عصبت حساسة مرة مدري يمكن نفسية هي طبيعية بالمرة بس مرات تزعل من غير سبب وماتكلمنا اسابيع وابوي كل احد يخطبها يقوله انها مو كاملة بعقلها…!!! فيتركونها اخر مرة تقدم لها واحد من الجماعة وقاله هالكلام وقال مومشكلة ورفضته اختي لانه متزوج وزوجته لها شهور عند اهلها بسبب انه يسكر ويشرب لما رفضته راح يسولف على الناس ويقول غيرت رايي لان ابوها يقول مب صاحية يعني ابوي مايبي يغشهم بس الناس قلوبهم سوده ابوي المفروض مايقول مو كاملة لان هي مافيها شي بس تعبت لما تزوجنا وبقت بروحها يمكن لما تتزوج تنحل مشكلتها ماادري احس ابوي ظلمها مع اته مدللها ومو مقصر معاها ومرات اقول كان المفروض يخبرهم بس موبالطريقة والله ادعيلها ليل ونهار والله المرة مالها الا زوجها بعد امها وابوها
الله يعينها
لا تعليق
حرااام فديتها وربي ما تستاااهل اللي يصير لهاا ,, ان شاء الله الله يفرجها لهااا
ويرزقها بولد الحلال اللي تستاااهله ,, وتبين الصج ,, احسن يوم رفضت الريال << يشرب ومتزوج يا اختي تصبر الله بيرزقهاا خليهاا تستغفر والله الاستغفاااار ايييب الرزق وانا مجربه
انا نفس كلام اختي بنت زايد
الله يفرج لها
ابوك عمل الصح لكن بطريقة غلط…..يعني مو عشان ما يغش الناس يجرح في بنته…..الله يصلحه ويهديه….وانتو كلموه وحاولوا تقنعوه
أختك طبيعيه مافيها شي بس مزاجيه و المفروض أبوك مايقول للخطاب كذا الله يهديه والله يرزقها باللي يسعدها ويهنيها
لطلط .. في حالات القاضي في المحكمة الشرعية هو اللي يزوج البنت بنفسه..
لازم تخلون حد يتكلم وقت الخطبة مثل خالكم أو عمكم .. لين متى بتسكتون !!~
هوا ابوكي من حرصو وخوفو عليها ويبغالها الكويس والي مايقول عنها مدلعه او يقول غشوني فيها غلط مع الناس الحرص الزايد وعدم التعبير الصحيح هوا السبب
انا من رأي لو اخوكي او زوجك او زوج اختك كويس مع ابوكي ويقدر يتكلم معاه عادي يجلس معاه ويفهمو
انو حرصو على انو مايغش الناس ودا البنت في ستين داهيه بدل مايقول مو عاقله يقول حساسه زياده واي شي ممكن تتحسس منو
وعلى فكره اختك طبيعيه جدااااا انا اختي لو شافت احد يبكي تبكي معاه
حتى لو في الT.v وعلى اي شي يستاهل ولا مايستاهل
في فتره انا مرضت فيها عيوني اتفخت واتغيرت ملامح وجهي ماسارت تجلس معايا مع اني كنت تعبانه
كانت تمر من الغرفه تشوفني وتروح تبكي
المهم او ممكن تكلمي اختك نفسها وتقوليلها تكلم ابوكي مدام هوا مدللها ومو مقصر معاها اكيد حيتفهم
اي احد قريب من ابوكي
لاكن حطي في بالك انو ممكن يزعل شوي ويحسس من الكلام
لانو الابو داااايما يشوف انو الصح في مسائل اولادو
الله يوفقك ويسهل لاختك ويرزقها الزوج الصالح
عيون الفهد
آختك ماافيها شيء بس يمكنها عصبية وحساسة واذا زعلت يمكنها تغاار من خواتها ..
فهمي آبوك وقولي له هي نفسيتها تعبانة لانها تبي تتزوج ..
الله يرزقهاا ..
ولو فيها شيء ماايقول والدك كيذا يقول سبب غيره لان الناس ومسكوا خبر بالاحلام يسكتون عنهاا ..
ياحياتي والله تقطع القلب بس رجاءً لاتسكتو على كلام ابوك لانه بكدا مستحيل راح تتزوج وراح تزيد الحاله وهذا شيء طبيعي اخواتها تزوجو وهي جلست راح تحس بالنقص ويصدر منها هالشعور