الحمد الله رب العالمين
اللهم صل على محمد وآل محمد
شخباركم عرايس هالقسم
والى كل وحدة عندها مشكلة الله يحلها ان شاء الله
اليوم جاية اخذ رايكم في شغلة
دار نقاش بيني وبين امي
وابي رايكم فيه هالشي
اني ماعندي غير اخت وحدة الله يخليها لي
والحمد الله رب العالمين
ماشاء الله علاقتي فيها اكثر من اخت لي هي اختي وصديقتي
وانا عندي ولدي عبادي الله يخليه لي ان شاء الله
واختي توها متزوجة من كم شهر
عاد امي قاعدة تقول اذا اختك جابت بنت
هذه لعبادي
اني قلت الليها لا ماابي من الاهل ياخذ
لانة تصير مشاكل وبصراحة اني ماعندي استعداد اخسر اختي الوحيدة
بوضح اكثر
يعني اني اخاف انه يصير شي بين عبادي وبنت اختي مشاكل
طبعا هذه مجرد توقع
وبعدين طيح في راسنا اني واختي ونكره بعض بسببهم
يعني اني عماتي ثنتين ولد وحده فيهم ماخذة بنت الثانية
وتعالوا شوفوا المشاكل الي بينهم
ووحدة منهم قاطعت الثانية 6 سنوات ماتروح بيتهم
وحتى لما ولد عمتي الثاني كان بيخط كان يبي ياخذ اختي بس قال ماابي اخاف تصير مشاكل
فامي استغربت من هالكلام لانة اني واختي مثل الراي
الي ابي اعرفة ويش رايكم في زواج الاهل انتم معاه او ضد هالشي
وياترى الي افكر فيه صح او لا
ومين مينكم متزوجة زواج اهل
موضوعك حلو وايد
بالنسبة لي الزواج من خارج العائلة أفضل لأسباب كثيرة منها اسباب صحية وشي ثاني عشان تكبر العيلة وتقل المشاكل
بالنسبة لي انا متزوجة من خارج العائلة
و البنسبة لولدك و بنت اختك الموضوع مستقبلي و بعيد
بالتوفيق
ثانيا هالشي احسه يعتمد على 1_الاهل… يعني اساسا هم العائلتين متفاهمين مع بعض ومافي اي خلافات سابقه ..ومؤمنين ان كل شي قسمه ونصيب
2_البنت والولد والي هم اهم شي اذا كان في حب بينهم وتفاهم وخلوا سرهم ومشاكلهم بينهم اعتقد الامور راح تكون اسهل
لكن اذا اختفوا هاالحاجتين اعتقد ممكن تصير مشاكل حتى لو كان الخلاف بين الزوجين بسيط
ههههههههههه اكلتوني بقشوري
ادري حبايبي قسمة ونصيب وادري لو طلعوا يبون بعض مااقدر اقول لا
بس لو قال لي مثلا دوري وحدة لي ماراح اقول لة ويش رايك في بنت خالتك
وادري انه هالشي تو الناس علية عبادي توه عمره سنتين ونص
واختي للحين ماحملت هههههههههه
بس اني قلت لكم السالفة علشان ابي اشوف رايكم في زواج الاهل
لانة يزيد الامراض الوراثية بصراحة
كثير ناس اعرفهم ما انجبوا والسبب ان متزوجين من داخل الاهل
الله يخلف عليهم ان شاء الله
من رايي الشخصي !
زواج الأهل واللي الكل يذم فيه ،، اشوفه لما يكون الزوجين مناسبين لبعض طبعا ، وتكون العلاقة صافية بين العائلتين
ترى واجد افضل ، لان في الاخير انتين عارفة اطباع العائلة اللي مقبلة عليها
يا ما ناس تزوجوا من عوايل مايعرفون عنها شي ولما يعاشرونهم يشربون المر وياهم !!!!
ولكن لا انكر ان فيه ناس تدخل بيوت وتكون علاقات طيبة
وكله قسمة ونصيب
وفي الاخير اني بعد مااحب فلان لفلانة خليها على الله بس
والله يخلي عبادي وتزفينه معرس وية عروسته يارب
متزوجين من اقاربهم وبصراحه مشاكلهم كثيره