بغيت اطرح لكم قضية وايد مهمه ومدري اذا مرت عليكم ولا لا..
مره رسلت رساله لأختي ورد علي زوجها طبعا بمسج وكتبلي فلانه راقده… بيني وبينكم إستغربت ليش يفتح موبايلها ويقرأ المسج, فيه شي اسمه خصوصية ولو كان زوجها…. طبعا في يوم الثاني دقيت عليها وسألتها ليش تخلين زوجك يفتح رسائلك قالتلي عادي هذا زوجي ومابيني وبينه أسرار…
طبعا انا ضد هالشيء ومو متعوده أفتح موبايل زوجي ولا هو يفتح موبايلي وبينا ثقة واحترام الخصوصية لأنكم تدرون فيه مسجات خاصه لسوالف الحريم وكذلك الرجال لهم سوالف خاصه…
عزيزتي هل أنتي مع أم ضد هذه العاده؟؟؟
ضد ضد ضد والله انا اقلب عليها واطيها لازم يكون فيه احترام للخصوصية
انا ضدها
مليون مره
مو بس احترام خصوصيه
بين المرأه وزوجها تنعدم الخصوصيه
لانهم ينصهرون في بعض
يصيرون واحد
علشان كذا اختك ماتفرق بينها وبينه وتسميها خصوصيات
المسجات احترام لخصوصيه المرسل وليس المستقبل
انتي وين راحت خصوصيتك
اهي وزوجها كيفهم
بس انتي وين من القصه
يعني ممكن تخلي يسمع مكالماتكم
طبعا لا
كله يصب في نفس النهر
لاحد يدعي انو مافي خصوصيات
بس عندنا احنا الخليجين او الشرقيين
المرأه يعلمونها انت مالك راي ولا خصوصيه
قبل الام تتجسس
وبعدين الزوج
بحجه
مافـــــــــــي خصوصيه
……………………………..
قصه حدثت لي
ارسلت رساله لبنت خالتي
وفيها كلام يخصني مررره
كنت اشتكي لها
وتعبانه والرساله فيها اسرار
بس كنت تعبانه مو قادره تكلم
وارسلت المسج
واختها قرته
وتخيلو ردت علي
ورديت عليها احسبها هي
طبعا ااهي واختها اصغر مني
يعني مافيهم احد يقدر يسوي فيها خايفين على مصلحتك علشان كذا ندخل في خصوصياتك
……………………………………….
قصه اخرى
الاهل يتجسسون على عيالهم
احنا البنات نتجمع عند بعض
عادي تطلعين تلقين احد حاط اذنه على الباب
ولما انحرجت الانسانه قالت
سمعتكم تضحكون وابي اعرف على ايش تضحكون
برضوا الحجه خايفين عليكم
………………………….
تعلمنا من الصغر
انو نشوف الكبير يتجسس على اولاده
والام مالها خصوصيه امام الاب
وكبرنا نعتقد انو ازواجنا لهم حق حتى الرد على رسائلنا
شكرا سيدتي على الموضوع
احترامي وتحياتي
وبعدين هذي اسرار ناس وفيها ارقام بنات سبحان الله الشيطان شاطر وماتدرين بايش يوس وس له
ويمكن تكون فيها سوالف مهمه وخطيره يمكن تخصه وتخص اهله مو حلوه ابدا
حتى لو كانو زوجين لازم فيه خصوصيات لكل واحد
حتى لو كانت الثقه موجوده
المفروض اذا جت ترسل تتئكد اول ان الجوال بيد صاحبتها وبعدين ترسل الي ودها
لكن ترسل على باب الله غلط
وماحس فيها شي اذا فتح هو رسايلي او فتحت رسايله لان في الاخير اسرارنا وحده .!
لكن فيه بعض الزوجات الامر بالنسبه لها عادي جدا ولاتهتم
ومشششششششكوره
ومافي سبب يمنعني او يمنعه يفتح رسايلي او افتح رسايله واذا هو رفض
انا بزعل وبشك اكيد
تحياتي
بس لو المسج كان من اهلي يقراه واذا يبغا كمان ياخذو
بس لومن صحباتي اكيدماراح يفتحوا
وحتى انا ممكن اعمل كدا
بصراحه ايش دخل الجوال في الثقه من جد الجوال في الخليج سارنقمه ونعمه
مدام نتي واثقه من نفسك خليه يعمل الي يبغاه في الجوال
بس تخيلي لو زوجك قالك لا تلمسي جوالي ما بتشكين فالموضوع…؟؟
يعني انج انتي ما تفتحينه شي وانه يمنعك شي ثاني
يتروالي كلمه المنع نفسها بتفتح للشيطان الف باب
وكل واحد ينام على الجنب اللي يريحه يمكن اللي انا اشوفه صح يشوفه غيري غلط