انا موضوعي مثل ماانتوا شايفين الزوجه الثانيه ………………..؟؟؟
طبعا في عصرنا الحالي الشيبان والشباب قاموا يتظاهرون بالزوجه الثانيه ويتباهون فيها
آحنا ماراح نرفض إنك تتزوج ثانيه لان هذا الشي مباح بدييننا الأسلامي بس فيه نقطه مهمه
وهي اهم نقطه بالتفكير بالزواج الثاني الا وهي العدل وطبعا آغلب الرجال يقولونها كلمه ولكن
مايعونها ولايعرفون إيش معنى كلمة عدل …وهو الشرط الأساسي عشان يتزوج ويعدد
يقصد بذالك العدل هو.. "المبيت، النفقة والكسوة، السكن "
وطبعا يجينا المعرس الجديد كاشخ ويجي ويقول لزوجته والله انا يافلانه معرس جديد وراح ينقص
مصروف البيت عليكم ويجي ياخذ العروسه الجديده وطلعات وسهرات وينسى ان عنده زوجه وعيال
محتاجين وجوده ومحتاجين تغير جوو بعد ومصرف ..
هل هذا عدل ………؟؟؟
وهذي آغلب الحالات اللي احنا نشوفها الا من رحم الله وكان زوجها كويس ومفكر فيها وفي عيالها..
والمشكله لو يجيك شايب عمره قضى وخلص ويقول يلا بجدد شبابي وعن الشياب ..
اعرف وحده الله يطول بعمرها كانت صديقة زوجها مرره وهي وزوجها فرق بينهم 10 سنين يمكن او اقل بشوي
وهما كبار موصغارر وكانوا دايما مايفارقون بعض نهائيا إلين مايوم الرجال قال لزوجته يافلانه انا رايح سوريا
اتزوج وفعلا تزوج فتاة صغيره وولا بعد اشترا لها بيت في سوريا ورجع مع زوجته الجديده وقال يافلانه <<لزوجته الاولى
قبل مااجي ابي تجهزين لنا غرفه فوق وتصلحينها وقامت جهزت الغرفه من و إلى وبخرتها وصلحتها كامله
جا المعرس الشايب مع عروسته الجديده وصارت الزوجه السابقه تصلح الاكل للعرسان ولدرجة ان صارت
عدت ضرتها مثل بنتها حملت ضرتها وجابت ولد وبنت على بعض طبعا وصارت مثل امهم وجدتهم
وتجيب لهم الهدايا وماترضى عنهم آبد وصارت تطلع مع ضرتها السوق والوضع تمام
بالرغم انها ساكته وفي داخله الف دمعه ودمعه
(بالله يابنات هذي وش تقولون عنها بالرغم من غصة قلبها إلا أنها باقي ترضى زوجها
معنى ان زوجها جحد كل هالسنين من فينا فكرت بهذي الطريقه) …………….؟؟
قصة شاب ..
انسانه بقمة الذوق والاخلاق والجمال والله الشاهد عليها تزوجت واتم الله عليهااا
بزوج كان ولا احلى قدر الله جابوا بنت وبعد فتره مرضت بالخبيث الله يعافينا ويعافيكم
وصبرت على بنتها صبر لدرجة تشوفونها تضحك مبسوطه وهي تقول الحمدلله من القناعه اللي بداخلها
ان ربي راح يشفي بنتها وفعلا قدر الله وشفى بنتها بعد فتره من فرحة شفاء بنته
اكتشفت ان زوجها تزوج عليها مغريبه تخيلوا البنت عمرها 25 بس ومومقصره بحق زوجها ابدا ابدا
شوفوا كيف الابتلاء من صدمه الى صدمه ثانيه وتعرفون ايش كان عذره ولاشيييييييييييييييييييييييييييي ..
بنات كلكم قريتوا القصتين اكيد وفي قصص كثير كلنا نعرفها والكثير مننا يسرردهااا إلى متى وهذا حال
كل إمرأه …..؟؟
كلنا نقرر ان الله حلل هذا الشي بس ربي حلله بشرط هو العدل والكثير للأسف مايعدل مايعدل….
من يتزوجون الثانيه ينسون الاولى ..
والقهر لما يجيك واحد زوجته كانت من احسن مايكون ومومقصره في حقه نهائيا بس يجي يتزوج
يروح يقول زوجتي فيها وفيها وهي معديها العيب .. هل هذا يعقل ويصدق…؟؟
إلى متى رجالنا وهذي فكرتهم .. إن الزواج الثاني بيغير حياتي صحيح يغير حياته هو بس
مايعرف انه يحطم أمرأه عشقته بجنون وتحملته سنين طويله وبالأخير هذي جزاها يقابلها بضره …؟؟
إلى متى ورجالنا يتباهون بالزواج وهم أصلا مايقدرون يتحملون زوجتين في وقت واحد ..
والله الأاغلبيه مايقدرون يصرفون على عيالهم من زوجه اولى فما بالكم ثانيه ومصاريف جديده …؟؟؟
إلى متى يارجالنا تفكرون بوناستكم بسسس وتلغون فكرة ان عندكم عيال وجيل مستقبل
لازم ترقونهم إلى الأمام موتهبطون معنوياتهم بعلم تره حتى العيال يتحطمون من زواج ابوهم ويتنكرونه …؟
إلى متى يارجالنا وانتوا ماتفكررون ..
الرجال الوحيد اللي معاه حق يتزوج لما يعدل وغير انه يعدل لازم تكون عنده مسببات للزواج ..
مويتزوج عشان تغيير ووناسسه إيش هذا الجهل والغباء ..
الزواج مولعبه وناسسه ببنات الناس تلعبونها ووتتونسون فيها ..
في حالات تتزوج انك تكون ::
1 < زوجتك تكون تعبانه صحيا وماتقدر انها توفي لك واجبات الزواج
2<زوجتك ماتجيب عيال وفيها عيبها خذ راحتك وجيب لك من العيال ماتشتهي
3<زوجتك انسانه موعاقله ولاراكده ولامسنعه وحاولت معهاا بكل الطرق ومافاد خذ راحتك
4<امراه تبي تستر عليها وبرضى زوجتك تسوون فيها خير ماعندك مانع
5<انسان شهوته مبالغ فيها وكان قادر على العدل
بس في عيني هذي كل الحالات اللي يقدر يتزوج فيها الرجال زوجه ثانيه وهو مستبيح عليها
اما يتزوج شغل وناسسه ولا شوفوني انا الفحل فـ للأسف هو أنسان ناقص وليس رجل …
خلصنا من الرجال ..
الحين نروح للزوجه الثانيه ..
اختي قبل ماتفكرين تاخذين زوج من بيته فكري هل ترضين هذا الشي لنفسسسج
هل ترضين ان زوجج يتزوج عليج ويحرق قلبج …؟؟
لاتقولين مايبي زوجته من نفسه انا شاسوي .. لاتقدرين تسوين انج تمنعين نفسج من ان تكونين
زوجه ثانيه مهما كان عمرج ووقف سن زواجج لاتقبلين تصيرين ضره لأنسانه مثلج ..
ولما تقبلين قبلي بشرط ان تعرفين ان زوجة الرجال فيها عيوب صعبه انها تتكمل او مولازم عيوبها
هل هي موافقه في وجودج او لاء …؟؟
تره الرييياييل وايد وماخلصوا وفيه واييد اللي ماتزوجوا ليه تكسرين قلب انسان وتحطمينهااا
عشان سعادتج بس .. بتقولين لي انا مسويه شي حلال صح حلال بس بشروط اللي ذكرتها فوق ..
وإذا ماتوفرت هالشروط فأنتي للأسف أنسانه تفكرين بنفسج وبسس وراح يجيج يوم اكيد وينكسر قلبج
مثل ماخذتي الرييال من بيته ومرته وعياله ..
عتبي ليس على الرجال عتبي على أمرآه آحساسها مثلي تكسرني من آجل سعادتها..
بجد ااي بنت تفكر بالزوجه الثانيه وماكانت زوجة الرجال فيها عيبها تتقي الله بقلب المسكينه
اللي بتتحطم وبيتحطم قلبها ..لانج بدمريين بيت وحياه سعيده وهنييه ..وفكري مليون مره
هل تتقبلين هذا الشي لنفسسج لوكنتي مكان هالأنسانه …؟
بنات بجد انا مستاءه من احوالنا هذي الأيام صارت المرره بس تبي تمسك زوجها من اي طرف فيه
خوف ان يتزوج عليها ومهما تفعل ومهما تسوي الا ويبقى في انسان مايحسس بزوجته ولابقيمتها
ويدمرها بضرررره ..
كل أنسان له آحساس وكلنا نعرف أن حب شخص أخر تعتبر خيانه وانا من مبدأي اللي يتزوج ثانيه
بدون سبب فهو خايين للعشرره ..
كل بنت منكم فيها تتقبل الحياه من شخص خان من قبلهاااا وتقولين بيتوب لا ياحبيبتي اللي مايقدر
ويصون من الاول ماراح يتغير مثل ماهو نفسسه ..
وصحيح كثير من الرجال رجعوا لزوجاتهم الاولياااات لانهم حسسوا بقيمتهم هل تررضى اي وحده فيكم
تتطلق بسهوله وترجع بيت اهلها من جديد وليه كل هذا من الأساس اشتري حياتج مع شخص جديد
مثلج مثله ماحصلكم الزواج من قبل عشان تعرفون معنى الزواج وحلاوته مع بعض مو انسان شبعان ومجرب
كل شي بيدلعج وبيدللج صبري سنه وسنتين الا وهو راجع بيته ولعياله وتذكري كل الازواج حبهم للزوجه الاولى
ولعيالهم من الزوجة الاولى غيررررررر عنج .. فليش تتعبين عمرج بهالمرمطه ..
كنتي مطلقه تزوجي مطلق مثلج مومشكله وعالجوا مشاكلكم مع بعض
كنتي صغيره تبين دلع خذي واحد بسنج وتدلعي عليه وهو اكيد راح يدلعج
كنتي تبين تطلعين من بيت اهلج بأي طريقه طلعي مع أنسان جديده عليه الحياة الزوجيه
توه طالع مثلج من بيت اهله ..
كلامي هني انتهى ولكن قبل ماانهي كلامي آتمنى كل رجال يصون عرضه ويكون رجال بأفعاله
موبزواجه الثاني ولاجا يتزوج مايتكلم على زوجته ويعيبهااااا ويعدل هذا اهم شي بس لاتتزوج
بدون رضى زوجتك اذا كانت بنت حلال وملبية لك طلباتك حاول انك تغير فكرة الزواج من بالك
لانها والله تحطم وتكسر قلب اي زوجه وهي بعد مثلك انسانه انت ترضى احد يكسرك ويحطمك ..
أرجع لزوجتك وشوفها طالع فيهاا تمعن حاول انك تصلحهااا قبل انك تكسررها وتحطمهااا بسهوله
حاول مره مرتين مليون إذا ماشفت فايده عطها خبر يافلانه تره بتزوج وماتابت حذرها إلين ماتحس إن مامنها فايده
بعدها قول انا بتزوج ومعاك حقك ..
وإلى كل زوجه زوجها تزوج عليها أصبري واقعدي في بيت رييلج وامسحي دموعج
وصيري افضل من قبل واهتمي بنفسسج وبعيالج وانسي زوجج وصدقيني راح يرجع يعتذر لج
مع الايام ويحسس بقيمتج ..
بنات أخر كلامي هو إن الله يجمع بين كل زوجين متحابين ولايفرق بينهم اي شي ويجمعهم على خيرر
وكل من زوجها تزوج عليها الله يرده لج وترد لج ايام السعاده والهناء ..
الكاتبه :
د. نوره الدوسري
لأنتك كاتبه انه حلال و ساكته …
لأ هو الي يخاف الله من الرجال مفروض يركز انه بشروووط السالفه مو سالفة شهوة و بس و لا نزوه و لا طاق من زوجته الاولى يبي يجدد و العياذ با الله
هذه لها شرووووووووووووووووووووووووووط بس مين يسمع
حسبي الله و نعم الوكيل على كل رجال يظلم مرته
الله يوفق الجميع
بس انا موحافظتها تماما ..
حياج اختي
لاأقول سوى:
كان الله في عون من تزوج عليها زوجها,وحفظ الله لكل متزوجة زوجها.
وهذا من علامات قيام الساعة!!
(كثرة النساء,وقلة الرجال)
حتى تجد الرجل الواحد,وتحته50امرأة!!
ولا يعني هذا أنهنّ كلهنّ زوجاته,بل من أخواته وبناته وخالاته,وزوجاته من باب أولى.
فمن سيتزوج هذا الكم الهائل من النساء؟؟
نرى البيوت الآن مكتظة بالفتيات,وتغص بالعوانس,ومع هذا لازال هناك تعنت في الشروط,وإسراف وتبذير من أجل إقامة ولائم العرس.
فكيف بمن كانت تلك حالها؟أتظنّ أن زوجها سينسى هذا الجهد والتكليف الذي كلفته إياه زوجته؟
كلا والله,فالكثير من الرجال الآن صار يتزوج كل من هبّ ودبّ بسبب التساهيل التي يلقونها,وقلة التكاليف,حتى امتلأت البيوت بالفتيات,وتزوجت الأرامل والمطلقات وذوات الأربعين والستين بالشبان!!
أريج الأقحوان
*_*
 |
اقتباس |  |
 |
المشاركة الأساسية كتبها أريج الأقحوان  |
 |
 |
|
هذا ملاحظ الآن بكثرة,في كل يوم نسمع(فلانة التي تبلغ من العمر40,أو45,أو50تزوجت بفلان الذي لا يتجاوز عمره 25 !!)
|
||
 |
 |
أي نعم نحن مؤمنون بأن هذا رزقهم,ولانحسده على ما آتهم الله من فضله,لكنهنّ عرفن من أين تؤكل الكتِف,وتخلين عن الكثير من الكماليات التي لم يرد بها دين ولاشرع-وللأسف هي في ازدياد-
فاشتروا حياتهنّ,وتنعمهنّ تحت أزواج تحلم كل فتاة بالارتباط بأحدهم-بتخليهن عن (الكماليات).
فياليت الفتيات ينتبهن لهذا الأمر,ولا يكنّ أقل عقلاً ممن هنّ أكبر منهنّ.
نسيت هذه الإضافة؛لأني أوقن بأنردي سيعاض من بعض الأخوات!!
تزوج عليها فتاه رخيصه كانت ترمي بنفسها على الرجال حيث انها تشتغل في احدى المستشفيات الكبيره المعرفه في المملكه .. و بعد هالحادثه تغير على مرته الاولى الي ابعد
الحدود و العياذ با الله و قايم في زوجته الثانيه مع اطفالها و هامل اطفاله الي من حرمته الاولى الين ما ضاعو ضياااااااااااااااااااااع مابعد ضياع ,,, و الله يا حزني عليهم
ضاعوا اطفال اخوي من حرمته الاولى و عددهم 6 ما تتخيلون شقد انهار بيتهم لا حسيب و لا رقيب و الاطفالهم كل واحد يسوي الي يبي و الي طلع من المدرسه و الي صايع
و السبب منو … ؟ الام و الأب و اكبر سبب طبعا الزواج الثاني ..
الي ابي اوصله انه الاب اناني يدور وناااااااااسته و لا يفكر في اطفاله الي جابهم و لا يفكر انه في حساب بكره و انه يحب اطفاله من مرته الثانيه و ناسي اطفاله الاصل و فرحته الاولى و الحين انا عاتبه على اخوي و خاصمته و لاني مسامحته على أولاد اخوي الي ضيعهم 
الزوجه الثانيه هدم للبيت الأول …