للمتزوجات فقط الفرق بينج وبين زوجج 2024.

الـــــــــــــــــــــــــــــــــــــســــــــــ ــــــــلام

شلونكم حريم شخباركم و شخبار عيالكم ؟

انزين سؤالي يقول جم الفرق بيننج و بي ريلج وهل يوجد تفاهم او لا

وجم الحد الاقصى و الادنى للفرق بين الزوجين و الاسباب؟

انه الفرق بيني وبين زوجي 5 سنوات وووااايد متفاهمين

بس اختي متقدم لها واحد الفرق 10 سنوات هل بكون في تفاهم؟؟ اهيا وايد محتاره

يلا ابي تفاعلكم :rolleyes:

يسعدني اكون اول من يرد عليك حبيبتي

اولا كل رجل وله شخصيته بستثناء العمر وفارق السن
يعني اهي تحاول تفهم كيف شخصيته بالظبط وايش يحب وايش يكرة وبعدين تقدر تتفاهم معاة

انا من وجهه نظري تسوي معاه مقابله وتعرض عليه افكارها وتشوف تجاوبه وردة فعله ومن خلاله تعرف هل في تناسب افكار او لا وبعدها تقرر وترى الرجل الكبير ترى فيه نضوج والله يوفقها

بصراحه ما أحس ان الفرق بالعمر له تأثير كبير على التفاهم بين الزوجين …!!!

التفاهم والانسجام يرجع لتقبل كل واحد للثاني على طبيعته ..!!

انا الحمدلله الفرق بيني وبين زوجي 9 سنوات .. بس احاول اني اتفهم شخصيته وتفكيره نظراً لعمره .. والحمدلله ماشية حياتنا ..

وبالنسبة للحد الأقصى بالعمر .. يعني 10 سنوات اقصى شي ممكن الوحده تتقبله .. وتقدر تتأقلم معاه .. اما اكثر من كذا أحس انها صعبه شوي ..

موضوع حلو

بس العنوان يضيع شوي يا بنت ديرتي

اممممممممم

انا بيني وبين ريلي 3 سنوات تقريبا

اممم ساعات احس ان الفرق شووي ويسبب مشاكل

منهاااااااااااا

انه ساعات يحس انه بعده صغير ويتدلع !!

وانا في بالي الدلع لي انا وبس

فأحس انه ولدي الكبير !!!

بس هاي المشكلة

لكن من ناحية التفاهم كل شي تمام

اختي اغلب البنات يدورون اللي اكبر منهم بوايد

يقولون يدلع أكثر

بس كل شي يعتمد على الشخصية !

بالتوفييييييييييق

تحياتي

العمر رقـم .. اهم شي يكونون فاهمين بعض .. 10 سنوات الحد الأقصى .. انه بيبني و بين زوجي 6 سنوات و الحمدلله ماشية حياتنا

thhhhhhhhx

العمر ماهو مقياس ، اهم الشي التفكير والشخصية ودرجة التقبل انا اعرف بنية ماخذ واحد اكبر منها بعشر سنوات لكن ماشاء الله عليه كانه صديقها مو زوجها متفاهمين ويحبون بعض وايد ، واعرف بنات ماخذين رجال الفرق بينهم وبين بعض سنوات قليلة ثلاث اربع سنوات بس مافي تفاهم . يعنى هذا يعتمد على شخصية الرجال وشلون يفكر . احيانا يكون صغير بس تفكيره مثل الرجال العجوز وانسان ممل واحيانا العكس والزواج مثل البطيخة والله يستر ويوفق الجميع

مثل ماقالوا البنات العمر ما هو مقياس

بس

اختج عمرها كم؟؟ وهو كم؟؟

اذا كانت صغيره مثلا 18 وهو 28 فأشوف عادي
بس اذا 28 وهو 38 أحسها مادري شلون

جفتي تفكيري عاد خخخخخخخ

هي خل تقعد معاه وتكلمه وتجوف شلون مستوى تفكيره هل يناسبها ولا لا، لأن ترى العمر مب مقياس أبدا حق التفاهم

أنا عني مافي فرق بيني وبين زوجي غير اسبوعين والحمدلله

اقتباس

المشاركة الأساسية كتبها .. أمــ عــلــيــ ..

	بصراحه ما أحس ان الفرق بالعمر له تأثير كبير على التفاهم بين الزوجين …!!! التفاهم والانسجام يرجع لتقبل كل واحد للثاني على طبيعته ..!! انا الحمدلله الفرق بيني وبين زوجي 9 سنوات .. بس احاول اني اتفهم شخصيته وتفكيره نظراً لعمره .. والحمدلله ماشية حياتنا .. وبالنسبة للحد الأقصى بالعمر .. يعني 10 سنوات اقصى شي ممكن الوحده تتقبله .. وتقدر تتأقلم معاه .. اما اكثر من كذا أحس انها صعبه شوي ..

ردا عليكي حبيبتي
انا وزوجي الفرق الي بينا 13 سنة ووااايد مستانسين نحس بعضنا متقاربين بشكل مو طبيعي الحمد لله
والله يوفقنا اجمعين